ABŞ Prezidenti, dolların çox güclü olduğunu bildirib və Fed sədrini yenə tənqid edib. ABŞ Prezidenti Donald Tramp, Şənbə günü
etdiyi açıqlamada, ABŞ dollarının çox güclü olduğunu bildirib və Fed sədri
Cerom Pauelı “faizləri artırmaqdan xoşlanan” biri kimi qiymətləndirərək bir
daha tənqid edib.
Tramp etdiyi geniş çıxışında, ABŞ iqtisadiyyatının, mərkəzi bankın addımlarına baxmayaraq yaxşı getdiyini söyləyib.
Tramp, “Güclü bir dollar istəyirəm. Amma digər ölkələrlə apardığımız işlərdə bizi məhdudlaşdıracaq qədər güclü bir dollar deyil. Ölkəmiz üçün böyük iş görən bir dollar istəyirəm”, deyib.
Tramp, Pauelın adını çəkməyib, ancaq ondan “Fed-də faiz artırmağı xoşlayan bir cənab var, Fed-də sərt pul siyasətindən xoşlanan bir cənab var, Fed-də çox güclü dollardan xoşlanan bir cənab var”, şəklində bəhs edib.
Tramp, ABŞ iqtisadiyyatının heç olmadığı qədər inkişaf edərkən, digər ölkələrin çox zəif performans göstərdiyini və bunun da uğurlu olmalarını çətinləşdirdiyini sözlərinə əlavə edib.
çap et