vaxtlı-vaxtında oxuyun! Şənbə, 18 avqust 2018
ABŞ dolları 1 USD = 1.7000 AZN
Avro 1 EUR = 1.9343 AZN
Rusiya rublu 1 RUB = 0.0254 AZN
İngilis funt sterlinqi 1 GBP = 2.1630 AZN
Türk lirəsi 1 TRY = 0.2909 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
AMERİKA  
16:50 | 27 may 2017 | Şənbə Məqaləyə 895 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kuşnerin sirli işləri

Donald Trampın kürəkəni ABŞ xüsusi xidmət orqanlarından gizli rabitə xətti qurmaq istəyib

Fərhad MƏMMƏDOV

MÖVZU İLƏ ƏLAQƏLİ

ABŞ prezidenti Barak Obamanın Rusiya ilə gizli sövdələşməsinə dair qalmaqalı daha da qızışdıracaq yeni məxfi məlumatlar sızdırılıb.

Virtualaz.org xəbər verir ki, bu dəfə «The New York Times» qəzeti Trampın kürəkəni Cared Kuşnerin prezident seçkilərindən sonra Rusiyanın Vaşinqtondakı səfiri Sergey Kislyakla xəlvəti görüşərək ona gizli plan təqdim etdiyini yazır. Bu barədə qəzetə həmin görüş barədə detallardan xəbərdar olan mənbələr məlumat veriblər.

Xəbər verildiyi kimi Cared Kuşner iki gün əvvəl Tramp-Rusiya gizli işbirliyi ilə bağlı Konqresdə aparılan təhqiqatda ifadə verməyə dəət edilib. Təhqiqat komissiyasını onun Rusiya səfiri ilə prezident seçkilərindən sonra baş tutmuş iki görüşünün mahiyyəti maraqlandırır.

İndi qəzet yazır ki, həmin görüşdə Trampın komandası ilə Moskva arasında Amerika xüsusi xidmət orqanlarının nəzarətindən kənar məxfi rabitə kanalının qurulmasından sohbət gedib. Cared Kuşnerlə Sergey Kislyakın görüşü Nyu-Yorkdakl «Trump Tower»də baş tutub. Həmin görüşdə Trampın keçid komandasının üzvü və gələcək milli təhlükəsizlik müşaviri (cəmi 1 ay sonra istefaya göndərildi) Maykl Flinn də iştirak edib.

Görüş barədə məlumat verən üç ayrı mənbə deyib ki, Moskva ilə Trampın komandası arasında məxfi rabitə kanalının qurulması ideyasını birinci kimin irəli sürdüyü məsələsi tam qəti deyil. Lakin ideyaya görə bu rabitə kanalı vasitəsilə general Flinn Moskvadakı yüksək vəzifəli hərbi rəsmilərlə birbaşa əlaqə yaradıb Suriya və digər məsələləri müzakirə edə bilməliydi. Mənbəər həmin kanalın heç vaxt yaradılmadığını deyiblər. Çünki Tramp prezident səlahiyyətlərinin icrasına başlamağa imkan tapmamış onun və komanda üzvlərinin Rusiya ilə əlaqələri, Kremlin Amerika seçkilərinə Trampın xeyrinə müdaxiləsi barədə həm xüsusi xidmət orqanları, həm Konqres təhqiqat başlatmışdı.

Cared Kuşnerin Kislyakla görüşü əvvəlcədən şübhə doğurub. Çünki bu görüş FTB-nin Rusiyanın Amerika seçkilərinə müdaxiləsini araşdırdığı bir vaxtda baş tuturdu. Keçmiş və indiki amerikalı rəsmilər qəzetə deyiblər ki, Cared Kuşner də Trampın özü və komandasının bir çox üzvləri kimi təhqiqat obyektidir. Lakin Kuşnerin barəsində hələlik cinayət təhqiqatı aparılmır.

Habelə məlum olub ki, Kilsykala görüşün baş tutduğu günlərdə kürəkən rusiyalı bankir Sergey Qorkovla da görüşübmüş. Qorkovun prezident Vladimir Putinlə yaxın münasibətləri var.

Məlumata görə gizli rabitə kanalı Rusiya səfirliyi üzərindən həyata keçirilməliydi ki, Amerika xüsusi xidmət orqanları danışıqları qeydə ala bilməsin. «The Washington Post» bildirir ki, gizli rabitə kanalı haqda təklifi məhz Kuşner edib və səfir Kislyak üçün bu, çox gözlənilməz olub. Amerika xüsusi xidmət orqanları həmin müzakirələrdən bir neçə ay əvvəl xəbər tutub, lakin Kuşnerin səfirlə söhbətinin hansı yolla ələ keçirildiyi haqda danışılmır.

O da məlum olub ki, Trampın prezident seçilməsindən əvvəl və sonra onun kürəkəninin Rusiya səfiri ilə ən azı iki telefon söhbəti də baş tutub. Bu danışıqlarda iki ölkə arasında münasibətlərin normallaşdırılması imkanlarından danışılıb.

Hazırda Konqresin iki  kəşfiyyat komitəsi Rusiyanın Amerika seçkilərinə müdaxiləsi və Trampın ruslarla əlaqəsi barədə paralel təhqiqat aparır. Bu təhqiqat son günlər daha da intensivləşib. Trampın FTB direktoru Ceyms Komini Rusiya ilə bağlı təhqiqatı dərinləşdirdiyinə görə işdən azad etməsi onun nəsə gizlətdiyinə dair şübhələri daha da artırıb. Bu həftə Senatın kəşfiyyat komitəsi Trampın seçki kampaniyasının xəzinədarlığından tələb edib ki, 2015-ci ilin iyunundan bəriyə aid bütün sənədləri, o cümlədən elektron yazışmaları və telefon danışıqlarını təqdim etsin. Bu sorğu respublikaçı senator Riçard Barr və demokrat senator Mark Uornerdən daxil olub.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *