vaxtlı-vaxtında oxuyun! Cümə, 15 dekabr 2017
ABŞ dolları 1 USD = 1.7001 AZN
Avro 1 EUR = 1.9983 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.2653 AZN
Türk lirəsi 1 TRY = 0.4424 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
GÜNEY  
20:23 | 26 fevral 2015 | Cümə axşamı Məqaləyə 265 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«İranda türk kültürünün məhvinə çalışırlar»

Siyamək Mirzayi: «Ana dilimizi yasaqlamaqla millətimizi öldürmək istəyirlər»

Əlirza QULUNCU

MÖVZU İLƏ ƏLAQƏLİ

MÖVZUYA AİD VİDEO

  • «Bunu bilirlər»

«İranda qanuni toplantı dedikləri, ancaq nizamın xeyrinə olan və dövlət tərəfindən keçirilən toplantılardır», deyə güneyli fəal Siyamək Mirzayi İran Azərbaycanında türk dil haqları fəallarına qarşı irəli sürülən «qanunsuz toplantı keçirmək» ittihamını tənqid edir. Güneydə yaşayan fəal Amerikanın Səsi ilə söhbətdə Dünya Ana Dili Günündə Tehran və Ərdəbil vilayətlərində baş verən olaylar haqqında danışıb.

Mirzayının sözlərinə görə, İran konstitusiyasında azad şəkildə toplantı keçirməyə icazə verildiyinə baxmayaraq ana dili üçün tədbir keçirənlər həbs edilir.

«Keçən il ana dili günü tədbirlərinə qatılan bir çox insanı həbs edərək onları qanunsuz toplantıya qatılmaqda suçladılar. Bu il isə toplantı keçirməyə icazə almaq üçün fəaliyyət edənləri, o cümlədən Əlirza Fərşini həbs etdilər», deyə Ərdəbil vilayətinin Muğan bölgəsində yaşayan fəal söyləyir.

«İranın ana yasasında İslama qarşı olmamaq şərti ilə azad şəkildə toplanmağa icazə verilir, amma onlar müxtəlif bəhanələr çıxarıb bunun qarşısını alırlar», deyə güneyli fəal İran konstitusiyasında dərc edilən bəzi maddələrin sadəcə görüntü üçün olduğunu önə çəkir.

«Ana yasada bəzi maddələr var ki sadəcə suri şəkildə (görüntü olaraq) yazılıblar və əməldə icra olunmazlar... O maddələr sadəcə beynəlxalq cəmiyyətlərə göstərmək üçündür», deyə o əlavə edir.

Siyamək Mirzayi həmçinin konstitusiyanın qeyri-fars dillər haqqında olan maddəsi haqqında düşüncələrini Amerikanın Səsi ilə paylaşır:

«15-ci maddədə ana dilinin tədrisi məsələsi məhdud şəkildə gəlibdir. Fəalların baxışında o maddə yetərsizdir, amma nizamın ömründən 30 ildən artıq keçdiyinə baxmayaraq bu günə qədər o maddə ilə bağlı heç bir addım atılmayıb».

Siyamək Mirzayi İranın Kürdüstan və Xuzistan (Əhvaz) vilayətlərində ana dili günü tədbirlərinə icazə verildiyini deyir. Onun sözlərinə görə, bu icazənin Azərbaycan vilayətləri üçün verilməməsi fəallar tərəfindən türkləri görməmək, onları alçaltmaq olaraq dəyərləndirilir.

«Biz İranda qeyri-fars millətlərin hər birinə ana dilində tədbir keçirmək üçün icazə verilməsinə sevinirik, amma bu icazəni bizə verməməkləri bizi görməmək və bizi alçaltmaq olur, fəallar tərəfindən belə alınır», deyə o qeyd edir.

Mirzayinin fikrincə, «İranda fars sisteminin ən güclü gördüyü kültürəl hövzə türklərdir ki Azərbaycan və digər bölgələrdə yaşayırlar, bunlar bu güclü hövzəni məhv etmək, ana dilimizi yasaqlamaqla millətimizi öldürmək istəyirlər. Bir millətin ana dili aradan gedərsə onun milliyyəti də aradan gedən. Bunu bilirlər».

Ərdəbil vilayətində ana dili günü ilə bağlı yürüdülən fəaliyyətləri şərh edən fəal həmin günlərdə bir çox fəalın təhlükəsizlik qüvvələri tərəfindən təqib və təhdid edilməsi, eləcə də dil hüquqları fəalı Aydın Zakirinin həbsi ilə bağlı məlumat verir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *