vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
TƏBİƏT, İQLİM, FƏLAKƏT  
10:35 | 8 yanvar 2014 | Çərşənbə Məqaləyə 3387 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Vətəndaşların nəzərinə

Sabah maqnit qasırğası olacaq

«Trend»

MÖVZU İLƏ ƏLAQƏLİ

Günəşdə baş verən son partlayışla əlaqədar Yerdə zəif maqnit təlatümləri gözlənilə bilər. Bunu jurnalistlərə Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanasının Günəş və Günəş-Yer şöbəsinin müdiri Namiq Cəlilov deyib. Onun sözlərinə görə, yanvarın 7-də Günəşdə X gücünə yaxın güclü alışma olub. Ancaq bu proses nəticəsində Yerdə güclü katostrafik hadisənin olacağı gözlənilmir.

N.Cəlilov deyib ki, sabahdan zəif maqnit təlatümlərinin olacağı gözlənilir: «Adətən, alışma nəticəsində atılan hissəçiklər Yer kürəsinə 2-3 gündən sonra gəlib çatır. Bu, alışma nəticəsində atılan kütlənin enerjisindən, miqdarından asılıdır. Böyük ehtimalı var ki, onun geoaktivliyi olsun. Yerdə bəzi maqnit təlatümləri gözlənilir».
N.Cəlilov deyib ki, alışma nəticəsində yaranan güc o qədər böyük olmayıb.
Onun sözlərinə görə, müxtəlif güclü alışma və tullantıların kvalikasiyası var: «Onların ən böyüyü X-dən yuxarıdır. Bu alışma isə hec X-ə çatmayıb. Ona görə də zəif təlatümlər gözlənilə bilər».
N.Cəlilov deyib ki, bu təlatümləri ürək xəstəliklərindən və qan təzyiqindən əziyyət çəkən xəstələr hiss edə bilər.
Maqnit təlatümlərinin günün hansı saatında insan səhhətinə daha aktiv təsir göstərə bilməsinə gəldikdə, mütəxəssis bildirib ki, burada günün hansı saatının olması rol oynamır. Maqnit təlatümləri günün istənilən saatında insan səhhətinə eyni formada təsir göstərir: «Çünki hissəçiklər adətən, Yerin qütblərindən daxil olur. Yerin qütblərindən maqnit sahəsi çıxır bə şimaldan cənuba doğru qapanır. Biz o «maqnit torbası»nın icərisində oluruq. O silkələnəndə biz istənilən vaxt onu hiss edirik. Bu isə günün istənilən vaxtında ola bilər».
Qeyd edək ki, Rusiyanın Hidrometeorologiya və Ətraf Mühitin Monitorinqi üzrə Federal Xidməti yanında Tətbiqi Geofizika İnstitutunun məlumatına görə, yanvarın 7-də saat 22:32-də (Bakı vaxtı ilə) Günəşdə partlayış baş verib. Son illərdə ən iri qrup ləkələrdən olan 1944 Yerdən iki dəfə böyükdür.