ABŞ xarici siyasətinin mayakı
Ölənə qədər diplomatiya səhnəsinin əsas qəhrəmanı Bzejinsiki
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
Avropada traktor inqilabı
Qitənin inkişaf etmiş ölkələrinin fermerləri üsyana qalxıb
Polşa mənşəli Amerika diplomatı Zbiqnev Bjezinski son mənzilə yola salındı. Bjezinski prezident Cimmi Karter dövründə 1977-ci ildən 1981-ci ilə qədər milli təhlükəsizlik məsələləri üzrə müşavir, bundan əvvəl isə Amerika prezidentləri Lindon Conson və Con Kennedinin müşaviri olub. Beynəlxalq ekspertlər Bjezinskinin ABŞ-ın xarici siyasətinin formalaşmasında böyük rolu olduğunu deyir.
1976-cı ildə yeni seçilmiş prezident Cimmi Karter milli təhlükəsizlik məsələləri üzrə müşavirinin adını açıqladı.
«Kolumbiya universitetinin siyasi eksperti Zbiqnev Bjezinski».
Bu seçim çoxlarını təəccübləndirmədi. Karterin seçki kampaniyasının müşaviri kimi Bjezinski onun qələbəsinə kömək etmişdi.
«Karter və Bjezinski ümumi dil tapa bilmişdi. Karter Bjezinskiyə çox inanırdı. Bjezinski də prezident olmazdan əvvəl Karterə xarici siyasət işlərini öyrədirdi.»
Klaus Larres Şimali Karolina universitetində beynəlxalq münasibətlər professorudur.
Varşavada anadan olan Bjezinski 1958-ci ildə Amerika vətəndaşı olmuş və özünü sərt siyasi kurs tərəfdarı kimi göstərmişdir. Onun anti-sovet mövqeyi ABŞ-ın xarici siyasət kursunun formalaşmasına kömək etmişdir.
«Kissincerlə birlikdə o, həqitətən də 1960-cı, 70-ci və 80-ci illərdə Amerikanın xarici siyasətini formalaşdırmışdır», Klaus Larres bildirib.
Milli təhlükəsizlik məsələləri üzrə müşavir kimi Bjezinski Karter administrasiyası dövrü ABŞ-ın xarici siyasət sahəsində əsas qərarlarının çıxarılmasında iştirak edib. Buraya Panama sazişi ilə bağlı müzakirələr, Əfqanıstanda sovet işğalına qarşı mübarizədə mücahidlərin silahlandırılması və İranda girov saxlanan 52 amerikalı girovun azad edilməsi üçün baş tutmayan missiyanın hazırlanması daxildir.
Klaus Larren: «O əslində Karteri bu xilasetmə missiyasına başlamağa təşviq etmişdi. Əlbəttə, xilasetmə missiyasını yerinə yetirən vertolyotların qəzaya uğraması nə Bjezinski, nə də Karterin günahı deyidi. Bunun siyasi qərarın verilməsi ilə əlaqəsi yox idi, amma onlar bunun acı nəticələrindən əlbəttə ki qaça bilmədi».
Bjezinski həmçinin Kemp Deyviddə danışıqların keçirilməsində iştirak etmişdi. Larres bunu Karter administrasiyasının ən böyük uğurlarından biri adlandırır.
Zbiqnev Bjezinski mayın 26-da vəfatına qədər professional səhnədə fəal olaraq qalmışdı. O, kitablarını nəşr etdirir, siyasi şərhlər verirdi. 2009-cu ildə Amerikanın Səsinin Ukrayna xidmətinə müsahibəsində Kiyev liderlərinə Moskvanın təsiri altına düşməklə bağlı xəbərdarlıq etmişdi. «Bu gün biz Ukraynada xarici maraqları ödəyən, yəni ölkənin sərvətindən öz xeyrinə istifadə edən və Ukrayna milli demokratiyasının formalaşmasına sadiq olmayan bir oliqarx elita görürük».
Bjezinski habelə Birləşmiş Ştatlara qlobal liderlik mövqeyindən çəkilməmək barədə xəbərdarlıq edərək, bunun dünya boyu qarışıqlıq və qeyri-sabitlik yarada biləcəyini deyib.