vaxtlı-vaxtında oxuyun! Bazar ertəsi, 21 avqust 2017
ABŞ dolları 1 USD = 1.7008 AZN
Avro 1 EUR = 1.9963 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.1926 AZN
Türk lirəsi 1 TRY = 0.4822 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
REPORTYOR  
21:34 | 4 iyul 2017 | Çərşənbə axşamı Məqaləyə 524 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«İşləri 8-9 aya yekunlaşdıracağıq»

«Hacı Cavad» məscidinin tikinti meydançasında nələr baş verir?

Ülviyyə XUDİYEVA, Foto Samirə HƏSƏNOVA

MÖVZU İLƏ ƏLAQƏLİ

Bakı şəhəri, Yasamal rayonu, Şərifzadə küçəsi 1-də prezident İlham Əliyevin göstərişi ilə «Sovetski» məhəlləsinin sakinləri üçün tikilən «Hacı Cavad» məscidi görkəminə görə əvvəlki məsciddən fərqli olacaq. Tarixi-memarlıq üslubunda tikiləcək məscidin ibadət evində eyni vaxta 700-800 dindar ibadət edə biləcək. İnzibati bina, dəstəmaz otaqları, hətta cənazə yumaq üçün ayrıca otaqlar inşa olunur.

Virtualaz.org saytının əməkdaşları yeni «Hacı Cavad» məscidinin tikintisi ilə maraqlanmaq üçün ərazidə olublar. Məscidin tikintisində hər gün 30-40 fəhlə çalışır. Artıq işlərin bir qismi yekunlaşıb. «İnzibati binanın tikintisi yekunlaşmaq üzrədir. Yaxın günlərdə məscid binasının birinci mərtəbəsi hazır olacaq»,- tikintidə çalışanlar söyləyiblər.

Onların sözlərinə görə, tikinti işləri Yasamal Rayon İcra Hakimiyyətinin nəzarətindədir. Hər gün əraziyə baxış keçirilir, tapşırıqlar verilir.

«Hacı Cavad» məscidinin icma sədri Kənan Əzizov da virtualaz.org saytına tikinti işləri ilə bağlı məlumat verib. «Məscid bir gümbəzli, bir minarəli olacaq. Minarənin hündürlüyü 32, gümbəzin hündürlüyü isə 18 metr olacaq. Ən əsası isə ibadət otağının geniş və rahatlığıdır, layihəyə əsasən 800-ə yaxın inanclının ibadətinə şərait yaradılacaq», - K.Əzizov söyləyib.

Layihədə birinci mərtəbə kişilər, ikinci mərtəbə qadınlar üçün ibadət otaqları nəzərdə tutulub. İbadət evi 29 metrdən hündür olacaq, məscidin ümumi hündürlüyü isə 18 metrə çatacaq. Əsas hissədə gümbəz, yan hissədə kişi və qadınlar üçün dəstəmaz otaqları inşa ediləcək.

K.Əzizov qeyd edib ki, ümumilikdə 14 sot ərazidə tikiləcək məsciddə inzibati bina, mədrəsələr də nəzərdə tutulub. «Bu məsciddə inzibati bina, axund otağı olacaq. Məscid prezident İlham Əliyevin ayırdığı maliyyə vəsaiti hesabına tikilir. Buna görə də ərazidə yaşayan bütün dindarlar İlham Əliyevə minnətdardılar. Məhz prezidentin tapşırığı ilə ərazidə yaşayanların rahat ibadəti üçün məsciddə hər şəraiti yaradacaqlar».

Layihədə məscidin inzibati binasında çalışanlar üçün istirahət otağı, mətbəx də nəzərdə tutulub. Maraqlıdır ki, yeni məscid memarlıq abidələrindən fərqlənməyəcək, milli üslub və rəngarənglik məscidə möhtəşəm görkəm verəcək.

İş icraçıları onu da deyirlər ki, tikinti sürətlə getdiyindən 8-9 ay ərzində yekunlaşacağı planlaşdırılır. ««Bizə məscidin 11 ay ərzində təhvil verilməsi tapşırılıb. Tikinti işləri sürətlə gedir, çox güman ki, işləri 8-9 aya yekunlaşdıracağıq».

Bu il Ramazan ayında bünövrəsi qoyulan «Hacı Cavad» məscidinin gələn ilin Ramazan bayramında istifadəyə verilməsi nəzərdə tutulub.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *