««Cənub Qaz Dəhlizi» Türkiyə üçün prioritetdir»
Ərdoğan: «Regionun təbii qaz ixrac edən ölkələri üçün imkanlar yaranır»
MÖVZU İLƏ ƏLAQƏLİ
-
Ərdoğanla Əsədi görüşdürən dərd
PYD və YPG – Türkiyə ilə Suriyanın ortaq başağrısı olub
-
Ərdoğan Zəngilanda
Hava limanının açılışı oldu
-
Yüz ildən sonra da ...
Makronu Ermənistan yox, Fransanın Cənubi Qafqazdakı nüfuzu narahat edir
-
Dünya 5-dən böyük olsa da...
Bayden Ərdoğanın fikrini təkrarlayıb
-
Türkiyə və Səudiyyə arasında yeni dövr
İki dövlət başçısı bəyannamə imzalayıb
-
Türkiyədə meşə yanğını güclənib
Ərdoğan əraziyə gedib
-
Azərbaycanla Türkiyə arasında yeni səhifə
“Şuşa Bəyannaməsi” tarixi birliyimizin gələcək nəsillərə nümayişidir
-
“Nəhayət, qərara gəldik”
Ərdoğan prezidentliyə namizəd oldu
-
Baydendən Türkiyə ilə bağlı Konqresə müraciət
Hadisələrin bu cür inkişafı Vaşinqton-Ankara münasibətlərində böyük dönüş yaradacaq
-
Türkiyə-Fransa münasibətlərində istiləşmə
Ərdoğan və Makron Ukraynanı müzakirə ediblər
-
Zelenski Ərdoğanla danışıb
Mariupoldan mülki şəxslərin təxliyə məsələsi müzakirə edilib
-
Prezidentlərin telefon müzakirəsi
... Yaxud Brüssel danışıqlarından sonrakı “yol xəritəsi”
-
Telefonda Brüssel müzakirəsi
İlham Əliyev Rəcəb Tayyib Ərdoğanla dünənki görüşü dəyərləndirdi
-
Prezidentlər Ukraynanı müzakirə edib
Liderlər regional məsələlərə dair fikir mübadiləsi aparıblar
-
Ankara Moskvanın qərarını “rədd edir”
Ərdoğan Putinin separatçıları tanımasını “qəbulolunmaz” adlandırıb
-
Şuşa Bəyannaməsi rəsmiləşdi ...
Qarabağdakı vəziyyət nəyi tələb edir?
«Tikinti başa çatan və inşası davam etdirilən enerji layihələri Türkiyənin strateji mövqeyini və rolunu bir daha üzə çıxardı». Bu sözləri Türkiyə prezidenti Rəcəb Tayyib Ərdoğan İstanbulda keçirilən XXII Dünya Neft Konqresində çıxışı zamanı bildirib. Ölkə başçısı Bakı-Tbilisi-Ceyhan və Bakı-Tbilisi-Ərzurum layihələrinin önəminə xüsusi diqqət çəkib.
Ərdoğan qeyd edib ki, hazırda Türkiyə üçün prioritet olan əsas layihələrdən biri «Cənub Qaz Dəhlizi»dir: «Bu layihənin əsas hissələrindən biri olan TANAP vasitəsilə ilkin mərhələdə Azərbaycandan Türkiyəyə 6 milyard kubmetr, Avropaya isə 10 milyard kubmetr qaz ixrac olunacaq. TANAP gələn ilin ortalarında istismara veriləcək. Gələcəkdə Xəzər, hətta Yaxın Şərq regionunun digər ölkələri də bu layihəyə qoşula bilər. Beləliklə, ölkəmizə və Avropaya əlavə həcmdə təbii qaz ixracı üçün imkanlar yaranır. TANAP-ın davamı olan TAP layihəsi isə 2020-ci ildə istismara veriləcək. Dəyərli dostum, Azərbaycan prezidenti İlham Əliyevin və «Cənub Qaz Dəhlizi»nin iştirakçısı olan digər ölkələrin və şirkətlərin siyasi iradəsi bu layihənin icrasında olduqca əhəmiyyətlidir və bu iradənin mövcudluğu məni sevindirir».
«Cənub Qaz Dəhlizi» layihəsi regionun ən aktual layihələrindən biridir. «Şahdəniz-2» layihəsi üzrə hasil edilən qaz sualtı boru kəməri ilə Səngəçal Terminalına və daha sonra Cənubi Qafqaz Boru Kəməri (CQBK), TANAP və TAP vasitəsilə Türkiyə və Avropa bazarlarına çatdırılacaq. Layihə Gürcüstan və Türkiyə ilə birlikdə Avropa ölkələrinin davamlı enerji təhlükəsizliyi ilə əlaqədar strateji maraqlarına xidmət edəcək.
Türkiyəyə ilk qaz ixracı 2018-ci ildə, Avropaya isə 2020-ci ildə planlaşdırılır.
Layihənin səhmdarları: SOCAR (58 faiz), BOTAŞ (30 faiz) və BP (12 faiz) şirkətləridir.
TAP Avropa Birliyinin enerji təhlükəsizliyi və enerji mənbələrinin diversifikasiyasına görə strateji məqsədlərində əsas rolu oynayır. Təbii qazın Azərbaycandan Avropa bazarlarına ixracının ən qısa və birbaşa marşrutunu TAP təşkil edir. TAP layihəsi üzrə Albaniya, İtaliya və Yunanıstan arasında «Hökumətlərarası Saziş» 2013-cü ilin fevral ayında imzalanıb. Borunun uzunluğu 878 km təşkil edir. Onun fəaliyyətə başlama tarixi kimi 2020-ci ilin yanvar ayı göstərilir.
Layihə üzrə hazırkı pay bölgüsü: «Cənub Qaz Dəhlizi» QSC - 20 faiz, BP - 20 faiz, «Snam» - 20 faiz, «Fluxys» - 19 faiz, «Enagás» - 16 faiz, «Axpo» – 5 faiz. (APA)