vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
BÖHRAN  
22:38 | 29 iyul 2017 | Şənbə Məqaləyə 1699 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Fars körfəzində növbəti insident

Bir həftə ərzində ikinci dəfə ABŞ-la İran arasında silahlar işə düşdü, təyyarədaşıyandan atəş açıldı

MÖVZU İLƏ ƏLAQƏLİ

Fars körfəzi sularında ABŞ hərbi donanması ilə İran donanması arasında xəbərdarlıq atəşi ilə müşaiyət olunan təhlükəli insident baş verib. Virtualaz.org xəbər verir ki, Amerika hərbi dəniz qüvvələrinin «Nimitz» təyyarədaşıyan gəmisindən bölgədə patrul xidməti həyata keçirən İran katerlərinə xəbərdarlıq atəşi açılıb. İran tərəfi cavab verməyib.

İran İnqilab Keşikçiləri Korpusunun komandanının müavini Rəsul Sənae Rad bildirib ki, İran gəmiləri Fars körfəzindəki «Resalat» neft-qaz platformasının yaxınlığında patrul xidməti həyata keçirərkən Amerikanın «Nimitz» təyyarədaşıyanının başçılıq etdiyi gəmi qruplaşması onlara yaxınlaşıb. Təyyarədaşıyanın göyərtəsindən vertolyot havaya qalxıb və İran patrul katerlərinin üzərində bir müddət dövr edib. Daha sonra amerikalılar İran katerlərinə tərəf bir neçə xəbərdarlıq atəşi açıb.

İnqilab Keşikçiləri Korpusu bildirir ki, İran hərbçilərini Amerika hərbçilərinin «təxribatçı və qeyri-peşəkar» addımına reaksiya verməyiblər və patrul xidmətini davam etdiriblər. Daha sonra platformaya yaxınlaşan iki Amerika gəmisi uzaqlaşıb.

«Nimitz» təyyarədaşıyanının başçılıq etdiyi gəmi qruplaşması körfəzə ötən bazar günü daxil olub. Amerika tərəfi insidenti təsdiqləyib və İran katerlərinin «Nimitz» təyyarədaşyanına təhlükəli məsafədə yaxınlaşdığına görə onlara xəbərdarlıq atəşi açıldığını bildirib. Pentaqon nümayəndəsi Peter Kuk bildirib ki, İran katerləri təyyarədaşıyana 300 metrə qədər yaxınlaşıb və xəbərdarlıq siqnalına məhəl qoyulmayıb. Nəticədə Amerika tərəfi havaya vertolyot qaldırıb və katerlərə xəbərdarlıq atəşi açılıb.

Xatırladaq ki, son vaxtlar Fars körfəzində İran və Amerika hərbi gəmiləri arasında bu cür «sürtüşmə» tez-tez baş verir. Analitiklərə görə bu, Tramp administrasiyasının İrana qarşı sərt mövqeyinin davamıdır.