Rusiyanın yeni «Berlin divarı»
Gürcüstan getdikcə «soyuq müharibə» dövründəki Almaniyaya bənzəməyə başlayır
Şahin CƏFƏRLİ
MÖVZU İLƏ ƏLAQƏLİ
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
Dezinformasiya yayanlara sanksiya
Fransa XİN Rusiya şirkətlərini hədələdi
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
ABŞ-ın vitse-prezidenti Mayk Pensin Gürcüstana səfərinə cavab olaraq Rusiya prezidenti Putin şəxsən Abxaziyaya səfər edəcək.
Bu həftə hərbi təlimlərdə iştirak etmək üçün Gürcüstana gələn ABŞ hərbi texnikası dəmir yolu ilə Tiflisə aparılmaq əvəzinə, şose yolu ilə Gürcüstanın içərilərindən keçərək paytaxta üz tutdu. (Video yuxarıda) Onlar Qoridən keçəndə Cənubi Osetiya ilə Gürcüstanın qalan hissəsini ayıran demarkasiya xəttində dayanmış rus əsgərləri ilə aralarında az qala pulemyotun atəş məsafəsi qədər məsafə var idi...
Mayk Pens Gürcüstanda konkret mesajlar verdi. Rusiyanı işğalçı adlandırdı, Gürcüstanın ərazi bütövlüyünü pozmaq istəyənlərə bundan sonra sərt cavab verəcəklərini bildirdi, əvvəlcə «qırmızı xətlər» elan edib, sonradan bunu pozanlara qarşı tədbir görməyərək qarşı tərəfləri cəsarətləndirən Obamanı tənqid etdi, Gürcüstanın NATO-ya üzvlüyünü dəstəklədiklərini sözü əyib-bükmədən söylədi.
Rusiya isə Cənubi Osetiyadan, xüsusən Abxaziyadan çəkilmək niyyətində deyil. SSRİ dağılanda Rusiya Qara dənizi demək olar ki, itirmək təhlükəsi ilə üzləşmişdi və Abxaziyada separatizmi alovlandırmasının əsas səbəbi məhz bu regionun Qara dənizə çıxışının olması ilə əlaqədar idi. Əvvəlcə Abxaziyanın Gürcüstandan, sonra Krımın Ukraynadan qoparılması nəticəsində Rusiya akvatoriyasını genişləndirərək isti (donmayan) dəniz kimi böyük strateji əhəmiyyətə malik Qara dənizdə mövqelərini möhkəmləndirdi.
Abxaziyanın özünə gəldikdə isə, bu regionda həyat 25 ildir donub. Yaxınlıqdakı Batumi inkişaf edərək dünya səviyyəli turizm mərkəzinə çevrildiyi halda, eyni potensiala (bəlkə daha artıq) malik Suxumi və ətrafı sovet filmindən epizodları xatırladır.
Rusiyanın Ermənistanla və Gürcüstanın separatçı regionları Abxaziya və Cənubi Osetiya ilə birləşmiş ordu qruplaşmaları yaratması NATO-nun ayaq səslərinin bölgədə duyulması ilə əlaqədardır. Moskva Qafqazı itirmə təhlükəsinə qarşı yeni «Berlin divarı» inşa edir. Reyqan 1987-ci ildə Brandenburq qapıları önündə tarixi çıxışında demişdi ki, divarlar azadlığın qarşısında dayana bilməz. İki il sonra Berlin divarı dağıdıldı. Bu «divar» da gec-tez çökəcək...