vaxtlı-vaxtında oxuyun! Şənbə, 22 sentyabr 2018
ABŞ dolları 1 USD = 1.7000 AZN
Avro 1 EUR = 1.9852 AZN
Rusiya rublu 1 RUB = 0.0255 AZN
İngilis funt sterlinqi 1 GBP = 2.2354 AZN
Türk lirəsi 1 TRY = 0.2716 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
BÖHRAN  
14:07 | 9 avqust 2017 | Çərşənbə Məqaləyə 349 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kiçik, amma önəmli Quam

Hadisələr necə bu vəziyyətə gəldi?

MÖVZU İLƏ ƏLAQƏLİ

Şimali Koreya ABŞ-ın Sakit okeandakı Quam ərazisinə raket zərbələri həyata keçirməyi nəzərdən keçirdiyini bəyan edib. Rəsmi mediada yayılmış bu bəyanat, prezident Donald Trampın Şimali Koreyanı «od-alovla» təhdidlərindən sonra verilib.

Şimali Koreyanın rəsmi informasiya agentliyi bildirib ki, ABŞ-ın strateji bombardmançı təyyarələrinin yerləşdiyi əraziyə - Quama orta məsafəli raket atmaq planlaşdırılır.

Son bəyanatlar iki ölkə arasında gərgin ritorikanı daha da artırıb.

BMT bu yaxınlarda Şimali Koreyaya qarşı iqtisadi sanksiyaları təsdiqləyib. Pxenyan bunu «suverenliyinin zorakı şəkildə pozulması» adlandırıb və ABŞ-a bunun «əvəzini ödəyəcəyini», deyib.

Bundan sonra «Washington Post» qəzetində çıxan bir xəbərdə Şimali Koreyanın bir raketinin içinə yerləşdiriləcək qədər kiçik bir nüvə başlığı hazırladığı iddia olunub.

Xəbərdə Şimali Koreyanın güman ediləndən çox daha qısa bir müddətdə ABŞ-ı vura biləcək qabiliyyətə nail olacağı vurğulanırdı.

Şimali Koreya, iyul ayında iki qitələrarası ballistik raket sınağı keçirib və ABŞ-ı vura biləcək qabiliyyətə çatdığını iddia etmişdi.

ABŞ prezidenti Tramp isə Şimali Koreyanın son sınaqlarına və açıqlamalarına cavab olaraq, «Şimali Koreya ABŞ-ı daha çox təhdid etməsə yaxşı olar. Dünyanın heç görmədiyi bir atəş və hirslə qarşı-qarşıya qalacaqlar», deyib.

Sakit Okeanda Filippin və Havay arasında 541 kvadrat kilometrlik vulkan və mərcan adasıdır.

Əhalisi 163,000 nəfər olan ada «mütəşəkkil deyil».

ABŞ-ın hərbi bazaları adanın təxminən dörddə birini əhatə edir. Burada təxminən 6 min qulluqçu var və daha minlərlə hərbçinin köçürüləcəyi planları var.

Bura ABŞ üçün həyati əhəmiyyətli məkandır, çünki Cənubi Çin Dənizi, Koreyalar və Tayvan Boğazı kimi yerlərə çıxış verir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *