vaxtlı-vaxtında oxuyun! Bazar ertəsi, 21 avqust 2017
ABŞ dolları 1 USD = 1.7008 AZN
Avro 1 EUR = 1.9963 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.1926 AZN
Türk lirəsi 1 TRY = 0.4822 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
GÜNEY  
09:48 | 12 avqust 2017 | Şənbə Məqaləyə 195 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Fraksiya yerindədir»

Ruhulla Həzrətpur: «Fəaliyyətin davamı üçün heç bir qanuni qadağa yoxdur»

MÖVZU İLƏ ƏLAQƏLİ

İran parlamentində Türk Bölgələri Fraksiyasının gələcək taleyi ilə bağlı ziddiyyətli açıqlamalar verilir. Təbrizin millət vəkili Şəhabəddin Bimiqdar «Türk» sözünə olan həssaslıqlara görə Türk Bölgələri Fraksiyasının ləğv edildiyini bəyan etdikdən bir gün sonra Urmiyənin millət vəkili Ruhulla Həzrətpur həmkarının iddiasını təkzib edən açıqlama verib.

O bir yerli mətbuat orqanına verdiyi müsahibədə bildirib ki, Türk Bölgələri Fraksiyası olduğu kimi yerindədir, onun ləğv edildiyini elan etmək qanunsuzdur.

R.Həzrətpur həmçinin əlavə edib ki, ««Türk» sözü heç də həssaslıq yaratmır. Türk Bölgələri Fraksiyası parlamentin İdarə Heyəti və səlahiyyətli orqanların rəsmi icazəsi ilə işə başlayıb, onun fəaliyyətinin davamı üçün heç bir qanuni qadağa yoxdur».

Təbriz, Azərşəhr və Üskünün millət vəkili Ş.Bimiqdar iki gün öncə bildirmişdir ki, İran Parlamentində təsis edilmiş Türk Bölgələri Fraksiyası «türk sözünün yaratdığı həssaslıqlar» səbəbilə buraxılıb, onun canlandırılması istiqamətində ölkənin şimal-qərb əyalətlərinin millət vəkillərindən ibarət fraksiya yaradılacaq.

Millət vəkili əlavə etmişdir ki, artıq «Şimal-Qərb Əyalətləri Fraksiyası»nın təsisi istiqamətində fəaliyyətlər başlayıb, gələn bazar günü fraksiyanın idarə heyətinin üzvləri seçiləcək.

«Bilmirəm, «türkdillilər» sözü parlamentdə necə həssaslıq yaradırsa, türkdilli fraksiyanın təşkilinə qarşı çıxırlar. Şimal-qərb əyalətlərinin millət vəklilləri isə hər zaman birlik tərəfdarı olduqları üçün fraksiya məsələsində ixtilaf yaratmaq istəmirlər», - deyə Ş.Bimiqdar bildirmişdir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *