vaxtlı-vaxtında oxuyun! Şənbə, 16 dekabr 2017
ABŞ dolları 1 USD = 1.7001 AZN
Avro 1 EUR = 2.0032 AZN
Rusiya rublu 1 RUB = 0.0289 AZN
İngilis funt sterlinqi 1 GBP = 2.2846 AZN
Türk lirəsi 1 TRY = 0.4379 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
AKTUAL  
22:26 | 17 avqust 2017 | Cümə axşamı Məqaləyə 512 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Avstraliyalı millət vəkilindən inanılmaz davranış

Ölkəsində niqab qadağasını istəyən ultra-sağçı deputat senatda niqab geyindi

Avstraliyanın ifrat sağçı One Nation (Vahid Xalq) partiyasının lideri, Paulin Hanson (Pauline Hanson)) Avstraliya senatına niqab geyinərək gəlib.

Paulin Hansonun senatın iclas zalına girişi digər senatorların şoka düşməsinə səbəb olub. Xanım Hansonun partiyası Avstraliyada niqabın qadağan edilməsi üçün qanun layihəsi təklif edir.

Dövlət naziri Corc Brandis (Geroge Brandis) xanım Hansonun hərəkətini tənqid edib və ona dini qrupları təhqir etməməyi «tövsiyə və xəbərdarlıq» edib.

Cənab Brandisin çıxışı müxalif partiya üzvlərinin alqışını qazanıb.

Çıxışında, o, xanım Hansonun hərəkətinin Avstraliyanın təxminən 500 minlik müsəlman əhalisini təhqir etdiyini vurğulayıb.

«Bir icmanı ələ salmaq, onları küncə sıxmaq, onun dini geyimlərini lağa qoymaq dəhşətli bir hərəkətdir və mən sizdən hərəkətiniz barədə dərindən düşünməyi xahiş edirəm», Avstraliyanın Baş Prokuroru vəzifəsini yerinə yetirən cənab Brandis deyib.

«Xeyr senator Hanson, biz niqabı qadağan etməyəcəyik», o, əlavə edib.

Avstraliyanın ictimai televiziya kanalı xanım Hansonun senat iclas zalına girdiyi an digər senatorların eşidiləsi səslə qəfildən nəfəs aldıqlarının və hətta bir senatorun «bu nədir belə» dediyini bildirib.

Senatın prezidenti Stefen Perri (Stephen Parry) xanım Hansonun iclas zalına girməsindən əvvəl şəxsiyyət yoxlamasından keçdiyini təsdiqləyib. Daha sonra, o, geyindiyi niqabı əynindən çıxarıb.

Onun niqabın qadağan edilməsi üçün təklif etdiyi layihə cümə axşamı günü senatda müzakirə ediləcək.

İnternetdə yaydığı bəyanatda, xanım Hanson deyib ki, «bütün sifəti örtən (geyimlərin) qadağan edilməsinə ehtiyac müasir Avstraliyanın üzləşdiyi mühüm bir zərurətdir».

Onu tənqid edən cənab Brandis çıxışı ilə senatda hökumət üçün nadir görünən müxalif Leyborist və Yaşıllar partiyalarının dəstəyini qazanıb. Müxalif partiya üzvləri ayağa qalxaraq onu təbrik edib və alqışlayıblar.

«Dini geyimi səmimi inan nümayişi olaraq geyinmək ayrı, zalda oyun oynayaraq geyinmək ayrıdır», Leyboristlərin senatoru Penni Vonq (Penny Wong) deyib.

Yaşılların lideri Riçard Di Natale (Richard Di Natale) cənab Brandisin «güclü və səmimi bir cavab» verdiyini deyib.

Parlamentdə ilk dəfə 1996-cı ildə seçilən xanım Hanson dəfələrlə qalmaqala səbəb olub.

2016-cı ildə, o, dərindən tənqid edilmiş bir çıxışında Avstraliyaya «həddindən artıq müsəlmanların dolduğunu» deyib.

İki ay əvvəl isə, o, autizmi olan uşaqların məktəblərdən çıxarılmasını təklif etdiyinə görə bir daha tənqidlərlər üzləşmişdi.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *