vaxtlı-vaxtında oxuyun! Cümə, 24 noyabr 2017
ABŞ dolları 1 USD = 1.7002 AZN
Avro 1 EUR = 2.0123 AZN
Rusiya rublu 1 RUB = 0.0291 AZN
İngilis funt sterlinqi 1 GBP = 2.2659 AZN
Türk lirəsi 1 TRY = 0.4329 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
GÜNDƏM  
10:49 | 18 avqust 2017 | Cümə Məqaləyə 767 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İsraildə səfirliyimizin olmamasının əsl səbəbi

Hikmət Hacızadə: «Azərbaycan bir milyardlıq müsəlman dünyası ilə üz-üzə gəlmək istəmir»

C.ABBASLI

MÖVZU İLƏ ƏLAQƏLİ

Azərbaycanın yaxın əlaqələri olan ölkələrdən biri kimi İsraildə səfirliyinin olmaması məsələsi son günlərdə yenidən müzakirə mövzusuna çevrilib. Milli Məclisin yəhudi əsilli deputatı, Azərbaycan-İsrail Parlamentlərarası Dostluq Qrupunun rəhbəri Yevda Abramovun «Yeni Müsavat»dakı son müsahibəsindən sonra səfirlik məsələsi yenidən aktuallaşdı.

Onun dediklərinə həmkarı, Milli Dirçəliş Hərəkatı Partiyasının sədri Fərəc Quliyev tərəfindən qəzetimizdə dərhal dəstək gəldi. Partiya sədri təcili şəkildə İsraildə səfirliyimizin açılmasının vacibliyini qeyd edərək, əks təqdirdə ermənilərin bundan istifadə edəcəklərini dilə gətirdi.

Qeyd edək ki, İsraildə səfirliyimizin olmaması zaman-zaman gündəmə gəlir. Amma buna mane olan əsas səbəblər açıqlanmır. Hakimiyyət nümayəndələri də daim əsas səbəbləri açıqlamaqdan yayınırlar. Maraqlıdır ki, müstəqil ekspertlərin də bu məsələ ilə bağlı şərhləri real faktlara söykənmir. Sanki əsas səbəblər açıqlansa, iki ölkə arasındakı əlaqələrə ciddi zərbə olar.

Azərbaycanın Rusiyadakı keçmiş səfiri, politoloq Hikmət Hacızadə hesab edir ki, İsraildə səfirlik aça bilməməyimizə səbəb İslam təəssübkeşliyimizdir: «Ərəb-İslam dünyası ilə bir olma istəyimiz də səfirlik açmağımıza mane olur. Bundan əlavə, İslam Konfransı Təşkilatının üzvü olmağımız də əngəl yaradan amillərdən biridir. Burada Qüds məsələsi də mühüm rol oynayır. Bu məsələdə Azərbaycan bir milyardlıq müsəlman dünyası ilə üz-üzə gəlmək istəmir. Əsas səbəb budur. Azərbaycan bu ölkə ilə əməkdaşlıq edir, amma açıq şəkildə İsraillə dostluq etmir. İsraildə səfirliyi olan müsəlman ölkələri bu qərara gəliblər ki, müsəlman dünyasını vecimizə almayaq, bildiyimizi edək. Amma Azərbaycan başqa qərar verib. Məsələnin əsas mahiyyəti məhz budur».

Böyük Quruluş Partiyasının sədri, deputat Fazil Mustafa heç nəyi düşünmədən İsraildə səfirliyimizi açmağın vacibliyindən danışdı: «Onsuzda Rusiya bizə dəstək vermir. Biz hansı ölkə ilə əlaqələr qururuqsa, bunun başqalarına nə dəxli? Bu gün İsraildən silah alırıq, yaxın əməkdaşlığımız var, amma kim bizə deyə bilər ki, niyə belə edirsiniz? Ona görə də düşünürəm ki, bu məsələ ümumiyyətlə müzakirə mövzusu olmamalıdır. İstənilən vaxt bunu etməliyik. Ümid edirəm ki, bu istiqamətdə müəyyən addımlar atılacaq və səfirlik açılacaq. Müsəlman dünyası ilə də əlaqələrimiz genişlənməlidir. Amma müsəlman dünyası da reallığı qəbul edir ki, biz bütün hallarda özümüzü qorumaq üçün müəyyən addımlar atmaq məcburiyyətindəyik. Çünki erməni işğalından Azərbaycanı qoruyacaq heç bir qüvvə yoxdur. Azərbaycanın özü özünə dostlar tapmalı, hamı ilə münasibətləri bərpa etməlidir ki, normal vəziyyətdən çıxa bilsin. Ona görə də İsraildə səfirlik açmağımızın heç bir ölkəyə ziyanı yoxdur. Əgər bu hər hansı bir ölkəyə qarşı çevrilsəydi, bunu anlayışla qarşılamaq olardı. İndi heç bir ölkəyə qarşı çevrilməyib. Buna görə də, səfirliyi açmaq lazımdır».


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *