vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
GÜNDƏM  
17:24 | 21 avqust 2017 | Bazar ertəsi Məqaləyə 4080 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«O, şansını əldən buraxdı...»

General Xaçaturova məktub: «Bəxtin gətirdi ki, Ohanyan səni öz əliylə güllələmədi...»

MÖVZU İLƏ ƏLAQƏLİ

«Cənab Xaçaturov, aprel döyüşlərindən bir ildən çox vaxt keçdi, hərçənd Moskva səni KTMT baş katibi postuna aparıb, lakin həmin döyüşlərdə öldürülən yüzlərlə əsgərə görə məsuliyyət sənin üstündədir. Bəxtin gətirdi ki, aprel müharibəsinin qızğın döyüşləri zamanı müdafiə naziri Seyran Ohanyan səni yanına çağırıb şəxsən güllələmədi. Sənin xoşbəxtliyindir ki, o, zadəgan nəslindən olmayıb, hərçənd buna yaxın olub. O, şansını əldən buraxıb və bununla da erməni xalqının şüurunda ali baş komandan rolunu uzun müddətə Varujan Avetisyana buraxıb...»

Virtualaz.org xəbər verir ki, bu sitat erməni yazar Vahan Kozmoyanın Ermənistan silahlı qüvvələrinin keçmiş Baş qərargah rəisi, hazırda KTMT blokunun katibi olan general Yuri Xaçaturova ünvanlanmış açıq məktubundandır. Məktubu lragir.am portalı dərc edib.

«Cənab Xaçaturov, vətənimizin başının üstünü müharibə baltası alıb, ruslar Azərbaycanı silahlandırır, Ermənistan respublikasının oyuncaq hökuməti isə öz xalqını satır. Nəyə görə Siz təxribatçı aprel müharibəsinin iştirakçısı oldunuz və rusların Qarabağda NATO-ya qarşı daha bir baza yerləşdirməsinə şərait yaratmağa hazırlaşırdınız?»-müəllif generala məktubunu davam etdirir.

Məktubda deyilir ki, Xaçaturov ya ruslara işləyən erməni sərkərdələri baqramyanlar, mikoyanların xəttini davam etdirib KTMT baş katibi kimi qalmalı, ya da ötən ilin iyul ayında İrəvanda silahlı qiyam qaldırmış Jirayr Səfilyan, Varujan Avetisyan və «Monte Melkonyanın yolunu davam etdirən digərlərinə » (Monte Melkonyan Qarabağda öldürülmüş «Asala» terrorçusudur) tərəf baxmalıdır.

«Bu, ruslar və qeyri-ruslar arasında seçim çağırışı deyil, sadəcə olaraq əcdadların harayıdır. Montenin yoluna qayıdın və yada salın ki, yadların əlaltısı olan talantlı şəxslər düşməndən təhlükəlidir, onlar dinc dövrdə öz xalqlarını yuxuya verərlər, dirçəlişdə isə öz sahibinin məqsədlərinə doğru gedərlər», - məktubda yazılır.

Qeyd edək ki, son vaxtlar erməni ictimaiyyətində Rusiyaya və ruslara qarşı çağırışlar artıb. Ermənistan hakimiyyəti isə Rusiyanın maraqlarına zidd olaraq NATO və Avropa İttifaqı ilə əlaqələri dərinləşdirir.