vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
BÖHRAN  
23:42 | 3 sentyabr 2017 | Bazar Məqaləyə 1647 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dünya ölkələri Kim Çen Inı qəti şəkildə pisləyir

«Qeydə alınmış titrəyişlər» sınağın hidrogen bombası olması ehtimalını gücləndirir

MÖVZU İLƏ ƏLAQƏLİ

Şimali Koreyanın indiyə qədər ən böyük nüvə sınağı dünya ölkələri tərəfindən ciddi qınaqlarla qarşılanıb. Pxenyanın bildirdiyi kimi hidrogen bombası sınağı Şimali Koreyanın Yaponiya üzərindən ballistik raketin buraxılmasından bir neçə gün sonra keçirilib.

ABŞ prezidenti Donald Tramp və Yaponiyanın baş naziri Şinzo Abe ballistik raket sınağından sonra nüvə böhranın artması məsələsini telefon söhbəti zamanı müzakirə ediblər.

Şimali Koreya sentyabrın 3-də uzunmənzilli raketlərə yerləşdirilə biləcək hidrogen bombasını uğurla sınaqdan keçirdiyini bildirib. Bu, indiyə qədər Pxenyan tərəfindən ən ciddi nüvə sınağı hesab edilir.

Yaponiyanın nazirlər kabinetinin katibi Yoşihide Suqa bildirib ki, «qeydə alınmış titrəyişlər» nəzərə alındıqda, bunun hidrogen bombası sınağı olduğu ehtimalı mümkündür.

Şimali Koreyanın yeganə əsas müttəfiqi olan Çin Pxenyanın «beynəlxalq ictimaiyyətin geniş etirazlarını nəzərə almayaraq, yenidən nüvə sınağı keçirdiyini», bildirib.

Tramp keçən həftə sınağının keçirilməsindən sonra Pxenyanla danışıqların problemin həllinə «cavab olmadığı»nı bidirib. Şimali Koreyanın bazar günü bomba sınağından sonra isə Tramp Tvitter səhifəsində mesajında bildirib ki, Şimali Koreyanın «sözləri və əməlləri Birləşmiş Ştatlar üçün düşmən və təhlükəli xarakter daşımaqda davam edir».

Ayrı bir mesajda isə Tramp Şimali Koreyanı Çin üçün böyük təhlükə adlandıraraq, Pekinin problemin həll edilməsinə nail ola bilmədiyini bildirib.

«Şimali Koreya rəzil bir ölkədir və problemin həllinə çalışan, lakin çox az uğur qazanan Çin üçün böyük təhlükə və təhdid təşkil edir», Tramp mesajında yazıb.

Rusiya Şimali Koreyanın Koreya yarımadasında və bütünlüklə dünyada sülhə və təhlükəsizliyə ciddi hədə yaratdığını və nüvə sınağının ən ciddi şəkildə qınanmalı olduğunu bildirib. Moskva maraqlı tərəfləri dərhal dialoq masasına qayıtmağa çağırıb.

Cənubi Koreya BMT-nin sanksiyaları da daxil olmaqla, Pxenyanın bundan sonra daha da təcrid olunması məqsədilə mümkün bütün ölçülərin götürülməsinə çalışacağını bildirib.