vaxtlı-vaxtında oxuyun! Şənbə, 18 noyabr 2017
ABŞ dolları 1 USD = 1.7002 AZN
Avro 1 EUR = 2.0070 AZN
Rusiya rublu 1 RUB = 0.0285 AZN
İngilis funt sterlinqi 1 GBP = 2.2488 AZN
Türk lirəsi 1 TRY = 0.4410 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
TOP OYUNLARI  
11:19 | 7 sentyabr 2017 | Cümə axşamı Məqaləyə 572 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tələ və perspektiv

AFFA rəhbərliyi yaratdıqları zibilliyi Rəşad Sadıqov vasitəsilə ört-basdır etmək istəyir

FƏRİD

MÖVZU İLƏ ƏLAQƏLİ

«Qarabağ» AFFA-ya əməlli-başlı başağrıdı. Şuralaşma ideyası ilə bu klubu dağıda bilmədilər və «atlılar» faktiki nümunəyə, etalona çevrildi. AFFA-nın baş katibi Elxan Məmmədovun ideya müəllifi olduğu və yuxari dairələri inandırdığı sistemin fiaskoya uğradığı bir zamanda, «Qarabağ»ın simasında inanılmaz uğurlar qazanan yeni model daha cazibədar görünür.

Ölkə rəhbərliyi də artıq boş vədlərin və real nəticənin fərqindədir. Prezidentin «Qarabağ»ı qəbul etdiyi zaman sərgilədiyi münasibət, göstərdiyi ilgi artıq əsl işgörənləri yaxşı tanıdığının nümunəsi idi. Kluba və AFFA-ya fərqli münasibət, uğuru yalnız «Qarabağ»a yaraşdırması assosiasiyaya ciddi siqnal sayılmalıdır.

Bu uğurda AFFA prezidenti Rövnəq Abdullayevin də cüzi xidməti var. Çünki Qurban Qurbanova məşqçilikdə şans verən, onu dəstəkləyən məhz o zaman «Neftçi»nin rəhbəri işləyən bu şəxs olub. Amma böyük uğurlarda əsas pay sahibi Qurbanova sonsuz inam göstərən Ağdam klubu rəhbərliyidi. Onların iş strukturu, düzgün davranışı Çempionlar Liqasının qrupuna vəsiqəni gətirdi.

Amma AFFA-dakı işbazlar da boş oturmur. Onlar indi prezidentin xüsusi diqqət ayırdığı, müsbət imici bir az da yüksələn Rəşad Sadıqovu tora salmaq istəyirlər. Bununla həm Qurban Qurbanovu əsas dayağından məhrum etməklə kluba növbəti təzyiq yolu seçiblər, həm də öz zibillərini onun personası sayəsində təmizləmək niyyətindədilər.

Sadıqovun «Neftçi»yə və ya U-21-ə baş məşqçi gətirilməsi ilə bağlı xəbərlər boşuna yayılmayıb. AFFA-nın başını ağrıdan, baş məşqçi vəzifəsi vakant olan 2 problemli komandadan birini Rəşada etibar etməklə guya ki, millinin kapitanına qayğı göstərir, ona diqqət göstərirlər. Əslində isə Sadıqov hələ «Neftçi»nin yükünü çəkəcək qədər bişməyib. Hə, U-21-də işləyə bilər, hətta bir müddət uğursuzluqlar da onun personasına görə gözə görünməz. Lakin sonrası Sadıqovun xərclənməsinə hesablanıb.

Sadıqov ağıllı biridir. Bizim tanıdığımız Rəşad indiki rəhbərliyin olduğu «Neftçi»yə getməz. Çünki bataqlıqda olan klubu onun imici də xilas etməyəcək, zamanla özü də gözdən düşəcək. Elxan Məmmədov əlindən çıxmaqda olan klubu bu jestlə saxlamaq istəyir. Çünki Sadıqova görə kluba diqqətin artırılması, təzyiqlərin azalması mümkündür.

Bununla belə, əminik ki, Sadıqov Məmmədov klanının adamı deyil və belə səhv etməyəcək. U-21 variantı isə mümkündür və perspektivlidir. Çünki Rəşad millinin son matçından sonra da bildirib ki, karyerasını bitirmək haqda düşünür. Məşqçilikdə PRO kateqoriyasını almaq üzrə olan birinin bu açıqlaması əslində, təkliflər gözləməsinin xəbərçisidir. Millidə işləmək isə əks-həmlədir. Bu posta təyinat reallaşsa, baş katibin birbaşa cavabdeh olduğu dəstəyə də «yadplanetli» düşəcək.

Amma Məmmədov bu riskə getməyə məcburdur. Ölkə başçısının dəstək verdiyi birisinə göstərilən diqqət - hər nə qədər məqsədli olsa da - , indiki zamanda vəziyyətdən çıxmaq üçün yeganə ümid yeridi. O başqa məsələ ki, Sadıqovun təyinatından sonra Qurban Qurbanovun əsas milliyə yolu bir az da açılacaq və artıq baş katib də çoxdan reallaşmalı olan təyinata əngəl törədə bilməyəcək. Lakin indiki halda manevr etmək lazımdı və baş katib buna razıdır. İşin qalanı Rəşaddan asılıdır – o, tora düşməsə, ölkə futbolunun baş katibin dəstəsinin əlindən xilası üçün əsas simaya çevriləcək.

Rəşad Sadıqovun təyinatı tezliklə reallaşacaq. ÇL-in qrupunda oynadıqdan sonra karyerasını bitirəcəyi gözlənilən kapitan bu 2 təklifdən birinə - yəqin ki, U-21-ə gəlməyə «hə» deyəcək. «Qarabağ»ın U-19 komandasını çempion etməklə məşqçilik bacarığını da göstərən müdafiəçi cəlbedici simadır – həm personası, həm bacarığı ilə. Təki seçimdə səhv etməsin və tora düşməsin… (futbolinfo.az)


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *