vaxtlı-vaxtında oxuyun! Bazar ertəsi, 25 sentyabr 2017
ABŞ dolları 1 USD = 1.7008 AZN
Avro 1 EUR = 2.0342 AZN
Rusiya rublu 1 RUB = 0.0294 AZN
İngilis funt sterlinqi 1 GBP = 2.3097 AZN
Türk lirəsi 1 TRY = 0.4864 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
GÜNEY  
23:34 | 13 sentyabr 2017 | Çərşənbə Məqaləyə 211 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

El bir olsa...

Güney Azərbaycanlıların müqaviməti nəticə verdi; kürd kökənli valinin təyinatı…

MÖVZU İLƏ ƏLAQƏLİ

Azərbaycan Milli Hərəkat fəalları və bir sıra yerli məsulların müqaviməti nəticəsində rejim ilamlı kürd Fridun Hümmətini Qərbi Azərbaycana vali təyin etmək qərarından vaz keçib.

Bu barədə Urmiyanın İran parlamentindəki millət vəkili Hadi Bahaduri öz İnstagram səhifəsində məlumat yayıb. «Bir sıra cəhdlərdən sonra Fridun Hümmətinin Qərbi Azərbaycana vali təyin edilməsi ilə bağlı plan ləğv edildi», - deyə millət vəkili qeyd edib.

Son günlərdə radikal kürd qruplaşmalarına yaxınlığı ilə seçilən Fridun Hümməti adlı ilamlı kürdün İran Daxili İşlər naziri tərəfindən Qərbi Azərbaycana vali kimi nəzərdə tutulduğu qeyd olunurdu. Xəbər yayıldıqdan sonra nazirin bu qərarına qarşı Azərbaycan əhalisi, xüsusi ilə də milli-mədəni fəallar, həmçinin bir sıra yerli məsullar ciddi etirazlara başladılar. Məhz bundan sonra rejim geri addım ataraq Qərbi Azərbaycanın vali postu üçün digər variantlar axtarmalı oldu.

H.Bahaduri bundan öncə İnstagram səhifəsində paylaşdığı məlumatda Fridun Hümmətinin Qərbi Azərbaycana vali təyin edilməsinə qarşı olduğunu, bu barədə prezident Həsən Ruhaniyə məktubla müraciət etdiyini yazmışdır.

Millət vəkili həmçinin qeyd etmişdir ki, o Prezident Administrasiyasının rəisi Dr. Vaezi, Həsən Ruhaninin seçki qərargahlarının rəisi və Ticarət, Mədən və Sənaye naziri Dr. Şəriətmədari, İran Daxili İşlər nazirilin parlament işləri üzrə müavini Dr. Samani və prezident müavini və Ətraf Mühit Təşkilatının rəisi Dr. Kəlantəri ilə telefon əlaqəsi saxlayaraq sözügedən təyinata qarşı olduğunu, bu istiqamətdə olan cəhdlərin düzgün olmadığını deyib.

Xəbər verdiyimiz kimi, mövzu ilə bağlı Urmiyanın millət vəkili Ruhulla Həzrətpur da İnstagram səhifəsində Daxili İşlər naziri ilə əlaqə saxladığını, Fridun Hümmətinin Qərbi Azərbaycana vali təyin edilməsinə qarşı olduğunu yazmışdır. O bildirib ki, bu təyinat düzgün deyil, Qurbanəli Səadətin öz postunda qalması daha çox məqsədə uyğundur.

Urmiyanın digər millət vəkili Nadir Qazipur da həmkarları ilə eyni mövqeyi paylaşıb. «Mən bir çox səlahiyyətli şəxslər, o cümlədən Daxili İşlər Nazirliyi və Prezident Administrasiyasında olanlara sözügedən təyinatın ağır nəticələri ilə bağlı xəbərdarlıq etmişəm. Mən də daxil olmaqla Azərbaycan əhalisi belə bir qərarla razılaşa bilməz. Azərbaycanın Bakirilər kimi aslan övladları var, bizim yerli olmayan şəxslərə heç bir ehtiyacımız yoxdur», - deyə o vurğulamışdır.

Fridun Hümməti İlam kürdlərindəndir. O bundan öncə Tehran tərəfindən Qərbi Azərbaycan Teleradio Şirkətinin rəisi postuna təyin edilib. Fridun Hümməti rəsmi fəaliyyəti müddətində Mahabad kürd şəbəkəsinin gücləndirilməsi istiqamətində xüsusi addımlar atıb, onlara müxtəlif yollarla yardım göstərib.

Qeyd edək ki, İran rejimi və terrorçu kürd qruplaşmaları Qərbi Azərbaycanı tədricən kürdləşdirməklə bölgənin demoqrafik tərkibini dəyişdirməyə çalışırlar. Bu cəhətdən rejimin planından xəbərdar olan Azərbaycan türkləri bölgədə keçirilən seçkilər və önəmli postlara təyinatla bağlı xüsusi həssaslıq göstərirlər.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *