vaxtlı-vaxtında oxuyun! Şənbə, 16 dekabr 2017
ABŞ dolları 1 USD = 1.7001 AZN
Avro 1 EUR = 2.0032 AZN
Rusiya rublu 1 RUB = 0.0289 AZN
İngilis funt sterlinqi 1 GBP = 2.2846 AZN
Türk lirəsi 1 TRY = 0.4379 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
DÜNYA  
15:01 | 24 sentyabr 2017 | Bazar Məqaləyə 757 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Saad əl-Hicrinin dindar lisenziyası alındı

Səudiyyədə qadın beynindən danışan şeyxi cəzalandırdılar

«The Observer» yazır ki, Səudiyyə Ərəbistanında ruhani xadimlərdən biri qadınların beyni haqqında aşağılayıcı fikirlər söylədiyi üçün dini fəaliyyətlə məşğul olmaq hüququndan məhrum edilib.

Saad əl-Hicri deyib ki, qadınlara avtomobil sürmək icazəsi verilə bilməz, çünki onlar alış-verişə gedəndə beyinləri əriyib kişi beyninin dördə biri qədərinə bərabər olur.

Səudiyyə Ərəbistanın Assir vilayətində fətva başçısı olan Saad əl-Hicriyə bütün dini fəaliyyət növləri qadağan edilib.

Hökumətin qadınların işçi qüvvəsi kimi rolunun artırılmasına dair böyük ambisiyalarına baxmayaraq, bu ölkədə maşın sürmək qadınlar üçün hələ də qadağan olaraq qalır.

Supermühafizəkar ölkə olan krallıqda qadınlara qarşı ən sərt qanunlar qüvvədədir. Onlar uzun qara əba geyinmək, başlarını örtmək və təhsil, səyahət və başqa fəaliyyətlər də daxil bütün hərəkətləri üçün ən yaxın kişi qohumunun razılığını almalıdırlar.

Bu həftə açıqlanmış bir videoda Əl-Hicri belə bir sual verirdi ki, əgər beyninin yalnız yarısı olan kişi sürücülük vəsiqəsi almaq üçün müraciət etsəydi, nəqliyyat nazirliyi nə edərdi?

«Vəsiqə verərdimi nazirlik həmin kişiyə? Əlbəttə yox. Yaxşı bəs qadın necə maşın sürmək istəyə bilər, axı onun beyninin yarısı yoxdur», - demişdi şeyx.

«Qadın alış-verişə, dükan-bazara gedəndə beyninin o biri yarısını da itirir. Nə qalır onda? Çərək beyin? Biz tələb edirik ki, nəqliyyat nazirliyi qadınlara sürücülük lisenziyası vermək istəsə, onların beyinlərini yoxlasın» - deyə əlavə edib Hicri.

Şeyxin bu sözləri Səudiyyədə son dərəcə populyar olan sosial mediada böyük hiddət dalğası doğurub.

«Twitter» istifadəçiləri bu videonu ərəbcə «Əl-Hicri-qadın-çərək-beyin» haştaqı ilə paylaşarkən ona tənqidi qeydlərini və zarafatlarını da qoşublar.

Bu haştaqdan 24 saat ərzində 119 min dəfə istifadə edilib.

Bəzi istifadəçilər «twit»lərinə Səudiyyədən olan qadın alimlərin şəkillərini qoşmuş və Hicrinin öz beyninin tutumunu sual etmişdilər.

Lakin sosial mediada Əl-Hicrini dəstəkləyənlər də vardı. Onlar «Əl-Hicri qadınların əleyhinə yox, xeyrinə danışır» haştaqından istifadə edirdilər və bu haştaqdan 20 min dəfə istifadə olunmuşdu.

Əyalət valisinin sözçüsü deyib ki, Əl-Hicrinin dini fəaliyyətinin qadağan edilməsi onun təfriqə salan və millətə heç bir xeyir gətirməyəən qeydləri ilə əlaqədardır.

«The Observer» yazır ki, son vaxtlar ölkəni modernləşdirməyə çalışan hakimiyyətlə geriçi ruhanilərin arasında gərginliklər yaranıb.

Səudiyyədə bəzi ruhanilərin milyonlarla izləyicisi var.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *