Kiyev-Bakı əməkdaşlığının yeni istiqamətləri
Ukraynalı nazirin Bakıdakı müzakirələr keçirdi
Elxan ŞAHİNOĞLU
MÖVZU İLƏ ƏLAQƏLİ
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Ukraynaya “ağıllı bombalar”
Müharibənin taleyini həll edəcək ikinci həmlə
-
Qan donduran “zarafat”
Duma deputatının dediklərinə görə hətta ruslar da utandılar
-
Belarus müharibəyə qoşulur?
“Qırmızı kvadrat”la işarələnmiş zirehlilərin görüntüləri yayılıb
-
“Yeni nüvə təhlükəsi”
Putin “Patriot” raketləri xəbərlərinə YARS-la cavab verib
Ukraynanın xarici işlər naziri Pavlo Klimkin oktyabrın 3-də Bakıda səfərdə oldu. O gün ərzində prezident İlham Əliyev, xarici işlər naziri Elmar Məmmədyarov və Ukraynanın Azərbaycandakı diaspor nümayəndələri ilə görüşdü. Pavlo Klimkin Elmar Məmmədyarovla birgə mətbuat konfransında jurnalistlərin suallarına cavab verdi. Bundan başqa Pavlo Klimkin axşam saatlarında məhdud çərçivədə jurnalistlərlə görüşdü.
Pavlo Klimkinlə görüşənlər arasında «Atlas» Araşdırmalar Mərkəzinin rəhbəri Elxan Şahinoğlu da var idi. Elxan Şahinoğlu Pavlo Klimkinlə təşkil olunan görüşdə bir sıra məsələlərə aydınlıq gətirməyi xahiş etdi. Sual-cavabdan gəlinən nəticə aşağıdakılardan ibarətdir:Birincisi, Kiyev Azərbaycanla əməkdaşlığın səviyyəsindən razıdır. Bunu P.Klimkin də təsdiq etdi. İki ölkə arasında ticarət dövriyyəsi artır. 2017-ci ilin 9 ayında 2016-cı ildən daha yüksək nəticə əldə edilib. İqtisadi əməkdaşlıqda artım 66 faizdir. Bu kifayət qədər yüksək rəqəmdir. Ukraynadan Asiyaya göndərilən yüklərin bir hissəsinin Azərbaycandan keçir və bu nəqliyyat dəhlizinin yükü getdikcə artır. Tranzit daşımalarında 5 dəfədən çox artım var. Bu ərəfədə Ukrayna baş nazirinin birinci müavini, iqtisadi inkişaf və ticarət naziri Stepan Kubiv oktyabrın 19-da Bakıya səfər edərək iqtisadi münasibətlərin inkişafı mövzularını müzakirə edəcək.
İkincisi, Ukrayna və Azərbaycan bir-birlərinin ərazi bütövlüklərinə dəstək verir və separatizmi pisləyirlər. Məsələn Pavlo dedi ki, »biz azərbaycanlı dostlarımızı hamıdan daha yaxşı başa düşürük. Çünki bu işğaldır». İki ölkə beynəlxalq təşkilatlarda bir-birlərinə dəstək verirlər. Bundan başqa Pavlo Klimkinin sözlərinə görə Ukrayna İslam Əməkdaşlıq Təşkilatının müşahidəçi statusu almaq istəyir və bu məsələsinin həllində Azərbaycanın dəstəyinə ümid edir. Ukraynanın bu təşəbbüsü məntiqidir. Ukraynada kifayət qədər müsəlman yaşayır və bu ölkə islam aləmindəki təşəbbüslərdən də xəbərdar olmaq istəyir. Digər tərəfdən Ukraynanın müsəlman ölkələrinin bir çoxu ilə isti münasibətləri var.
Üçüncüsü, Azərbaycan prezidenti İlham Əliyevin Ukraynaya rəsmi səfərinə hazırlıq gedir. Bakı və Kiyev bu səfərin uğurlu alınması imzalanacaq sənədlər üzərində çalışırlar. Səfər zamanı Kiyevdə Azərbaycan Ticarət Evinin açılması planlaşdırır. Ukrayna prezidenti Petro Poroşenko bu ilin iyul ayında Azərbaycana rəsmi səfər etmişdi. İndi səfər növbəsi Azərbaycan prezidentinindir.
Dördüncüsü, Bakı və Kiyev GUAM-ın fəaliyyətindən razıdırlar. Klimkin bununla əlaqədar olaraq maraqlı fakta toxundu: «BMT Baş Assambleyasının Nyu-Yorkdakı sessiyası çərçivəsində GUAM ölkələrinin xarici işlər nazirlərinin görüşünə Yaponiyanın xarici işlər naziri də qatılmışdı. Bu təşkilatımıza olan maraqdan irəli gəlir». «Atlas» Araşdırmalar Mərkəzinin rəhbəri Pavlo Klimkinə GUAM-a üzv dövlətləri arasında Moldova prezidentinin Rusiyaya meylli olduğunu xatırladaraq bunun təşkilatın fəaliyyətinə mənfi təsir edib-etməyəcəyini soruşdu. Klimkin Kiyevin Moldova prezidentinin xarici siyasətindən narazı qaldığına işarə etsə də, bu ölkədə daxili və xarici siyasəti parlamentin və hökumətin formalaşdığını dedi. Başqa sözlə prezidentdən fərqli olaraq Moldova parlamenti və hökuməti GUAM-dan imtina etməyəcək.
Beşincisi, Pavlo Klimkin »Atlas» Araşdırmalar Mərkəzinin rəhbərinin sualına cavab olaraq dedi ki, Kiyev Türkiyə-Ukrayna-Azərbaycan formatının təsis olunmasının tərəfdarıdır, böyük ehtimalla bu mövzu haqqında Türkiyə prezidenti Rəcəb Təyyub Ərdoğanın Kiyevə səfəri zamanı danışılacaq. Azərbaycan müxtəlif üçlü formatlarda (Azərbaycan-Türkiyə-İran, Azərbaycan-Türkiyə-Gürcüstan, Azərbaycan-Türkiyə-Türkmənistan və Azərbaycan-Rusiya-İran) iştirak edir. Bu formatlar daha çox iqtisadi, enerji və nəqliyyat sahələrini əhatə edir. Yəni dövlətlər bu formatlar çərçivəsində iqtisadi əməkdaşlıq mövzularını və ortaq layihələri müzakirə edirlər. Ukrayna Azərbaycan və Türkiyə ilə iqtisadi layihələri genişlədirir. Bu mənada Azərbaycan-Ukrayna-Türkiyə formatı da fəaliyyətə başlaya bilər.
Beləliklə, Ukraynanın xarici işlər naziri Pavlo Klimkinin Bakıya səfəri uğurlu sayıla bilər. Bakıda iki ölkə arasındakı əməkdaşlığın bir çox istiqamətləri müzakirə olundu. Başlıcası odur ki, Azərbaycanla Ukrayna arasında elə bir mövzu yoxdur ki, həmin mövzu Bakı ilə Kiyev arasında fikir ayrılığına səbəb olsun.