vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
BÖHRAN  
20:58 | 12 oktyabr 2017 | Cümə axşamı Məqaləyə 2540 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Müharibə hər dəqiqə başlaya bilər

Tramp bombardmançıları Şimali Koreya üzərinə göndərdi

MÖVZU İLƏ ƏLAQƏLİ

ABŞ Şimali Koreya sərhədləri yaxınlığına təlim uçuşları məqsədilə iki «B1-B Lancer» bombardmançı təyyarəsi göndərib. APA TV-nin «Reuters»ə istinadən məlumatına görə, Quam hərbi bazasından havaya qalxan təyyarələr Koreya yarımadasının şərq sahillərinə aviazərbələr endirilməsini simulyasiya edib.

Avqust ayında Pxenyanın nüvə təhdidləri səbəbindən ABŞ Şimali Koreyaya preventiv zərbə endirəcəyinin anonsunu verib. Bundan sonra isə oktyabrın əvvəlində Koreya yarımadası sahillərinə «Ronald Reagan» aviadaşıyıcısı göndərib.

Aviadaşıyıcının 15-20 oktyabr tarixləri arasında əraziyə çatacağı gözlənilir. Bombardmançıların potensial hədəfləri Şimali Koreyanın ballistik raket kompleksləri, eləcə də poliqonlarıdır.

Bu arada Donald Tramp Milli Təhlükəsizlik Şurasının üzvləri ilə iclas keçirib. İclasda Şimali Koreya aqressiyasına qarşı ən sərt tədbirlər görülməsi qərara alınıb. İclasda Pentaqon rəhbəri Ceyms Mettis və Qərargah Rəisləri Komitəsinin sədri Cozef Danford iştirak edib.

Xatırladaq ki, iki gün öncə senator Bob Korker Donald Trampın III Dünya müharibəsini başlamaq niyyətində olduğunu iddia edib. Ağ Ev rəhbəri məsələyə aydınlıq gətirərək «ABŞ ən azı son 25 ildə düzgün yolda olmayıb, biz indi düzgün istiqamətdə hərəkət edirik», - deyib. Trampın bu sözləri Bob Korkerin iddiasının təsdiqi kimi qəbul olunur.