vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
AMERİKA  
21:49 | 16 oktyabr 2017 | Bazar ertəsi Məqaləyə 2173 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«İndi onlar evsiz qalıb»

Kaliforniyada insanların yaşayış yerlərinə qayıtmalarına icazə verilib

MÖVZU İLƏ ƏLAQƏLİ

Yanğınsöndürənlər Kaliforniya ştatını viran qoyan yanğınları nəzarət altına ala bildiklərini dedikdən sonra Kaliforniyanın bir çox şəhərlərindən evakuasiya edən insanların evlərinə qayıtmalarına icazə verilib.

Kaliforniyada Meşə və Yanğından Mühafizə departamentinin sözçüsü dünən müxbirlərə deyib ki, yanğın baş vermiş bəzi ərazilərdə yanğının 50-60 faizi qalmaqdadır.

Evakuasiya edilmiş insanların sayı dünən 100 min nəfərdən bu gün 75 min nəfərə düşüb.

«Bundan sonra külək gəldi və yanğınla külək alov sunamisinə bənzəyirdi. Külək elə güclü idi ki», deyə Kaliforniyanın Napa şəhər sakini Kristina Skott bildirib.

«Mənim ətrafımda 29 il yaşayan bir çox dostum indi evsidir. Onların heç biri özlərinə yaşamaq üçün yer tapa bilmir. Bizim küçədə yaşayan bir dostumuzun 98 yaşı var. O və onun 92 yaşlı yoldaşı orada 60 il birgə yaşayıb. İndi onlar evsiz qalıb» deyə Kaliforniya ştatının Santa Roza şəhər sakini Tammi bildirib.

Amma yanğınsöndürənlər hələ də ştat boyu yanğınlarla mübarizə aparır. Şənbə günü ölənlərin sayı 40 nəfərə çatıb. Yanğın baş vermiş ərazilərdən birində alovun əhatə etdiyi ərazi 160 kvadrat kilometrə çatıb və 5700 ev və biznes obyektləri dağıdıb.

Hər il yay mövsümünün sonu və payız fəslinin əvvəli əsən güclü və quru Santa Ana küləkləri alovun tez yayılmasına kömək edən şərait yaradır.

Həm yerli yanğınsöndürənlər, həm də ötən bir neçə gün ərzində əraziyə gələn minlərlə könüllü, ümumilikdə təxminən 9 mindən çox insan Kalifroniya ştatında meşə yanğınları ilə mübarizə aparır.