Madrid dialoqdan imtina edir
Puçdemont isə birbaşa idarəçilik planını qəbul etmir
MÖVZU İLƏ ƏLAQƏLİ
-
Budəfəki daha qanlı olub
Daha üç nümayəndəliyə zərflər göndərilib
-
Ukrayna səfirliyində terror
Madriddəki nümayəndəliyə zərfdə bomba göndərilib, partlayış olub
-
Avropa millətçiliyi yüksəlişdə
İspaniyanın ifrat sağçıları bütün göstəriciləri üstələyir
-
İspaniyada ikinci isti dalğası
Havanın temperaturu çay kənarında 43 dərəcə olub
-
İspaniya da rusları qovur
25 diplomat və səfirlik işçisinin ölkədən çıxarılacağı bildirilir
-
İspaniyada “pomidor döyüşü”
160 ton məhsulu zay ediblər
-
İspaniya erməni mafiyasını məhv edir
Kataloniya polisi 100-dən artıq şəxsi həbs edib
-
Katalonlar İspaniya kralına hücum etdi
19 nəfər xəsarət alıb
-
«Separatizm» sözü erməni təcavüzünü kiçiltmirmi?..
… Yaxud «kiçik xalqların halına acımaq arzuları»nın arxasında dayanan vacib motivlər
-
«Cəfakeş olmaq istəyirlər»
«Məncə bu addım əks təsir yaradacaq, çünki bu, Puçdemonun həbs edilmək şansını artırır»
-
«Bəziləri deyir ki, ...»
«... Puicdemont və digərlərinin istədikləri də məhz budur»
-
Kataloniya hökumətinin saytlarının fəaliyyəti dayanıb
Brauzer «serverin aşkar olunmadığını» göstərir
-
Puçdemonun puç olan xülyası
Baş separatçı Belçikaya qaçdı
-
Barselonada kütləvi nümayiş
Etirazçılar mitinqdə İspaniya bayraqlarını dalğalandırıb
-
«Aktiv fəaliyyət göstərirlər»
Rusiya rəsmi KİV-ləri Qarabağ separatçılarının Puçdemona dəstəyini niyə tirajlayır...
-
Azərbaycan Kataloniyanın müstəqilliyini tanımadı
XİN: «İspaniya Krallığının ərazi bütövlüyü və suverenliyini dəstəkləyirik»
Kataloniya prezidenti, Karles Puçdemont (Carles Puigdemont), bildirib ki, muxtariyyət Madridin birbaşa idarəçilik planını qəbul etməyəcək. O, Madridin bu təşəbbüsünü 1939-1975 illərdə general Franko diktatorluğu dövründə muxtariyyətin ləğv olunması ilə müqayisə edib.
Puçdemont deyib ki, Madridin indiki hərəkəti Franko dövründən bəri Kataloniya institutlarına qarşı edilən hücumların ən pisidir.
İspaniyanın Baş naziri Mariano Rajoyun planı Kataloniya liderlərinin idarəçilikdən kənarlaşdırılması və regional parlamentin səlahiyyətlərinin məhdudlaşdırılmasını nəzərdə tutur.
Kataloniyada müstəqillik referendumu oktyabrın 1-də keçirilib, baxmayaraq ki, İspaniya Konstitusiya Məhkəməsi referendumun keçirilməsini qadağan etmişdi.
Puçdemont deyib ki, İspaniya hökuməti dialoqu rədd etməklə Kataloniya seçicilərinin demokratik yolla ifadə etdiyi iradənin əleyhinə hərəkət edir.
O bildirib ki, Mariano Rajoyun planına Kataloniyanın cavabını müzakirə etmək məqsədi ilə muxtariyyətin parlament sessiyasını çağırmaq niyyətindədir.
Barselona polisinin bildirdiyinə görə, şənbə günü Kataloniya paytaxtında keçirilmiş etiraz aksiyasında 450,000 adam iştirak edib.
İştirakçıların çoxu «azadlıq» və «müstəqillik» şüarlarını səsləndirib.
İspaniyanın Baş naziri Mariano Rajoy Kataloniyaya qarşı ölkə konstitusiyasının 155-ci maddəsinin tətbiq ediləcəyini bildirib.
Həmin maddə, ölkənin muxtar bölgələrində böhranlı vəziyyət yarandıqda, birbaşa idarəçilik üsulunu tətbiq etməyə icazə verir.
Xəbərlərə görə, İspaniya Daxili İşlər Nazirliyi Kataloniya polisinə nəzarəti ələ almağa və Kataloniya polis rəhbərini vəzifəsindən kənarlaşdırmağa hazırlaşır.
Kataloniya polisinin rəhbəri Cosef Luis Traperoya (Josep Lluís Trapero) qarşı artıq itaətsizlik ittihamı irəli sürülüb.
«El País» qəzetinin yazdığına görə, İspaniya hökuməti eləcə də «TV3» Kataloniya İctimai Televiziyasını nəzarəti altına almağa hazırlaşır.