vaxtlı-vaxtında oxuyun! Cümə, 15 dekabr 2017
ABŞ dolları 1 USD = 1.7001 AZN
Avro 1 EUR = 1.9983 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.2653 AZN
Türk lirəsi 1 TRY = 0.4424 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
PROBLEM, ŞİKAYƏT, NARAZILIQ  
18:40 | 18 noyabr 2017 | Şənbə Məqaləyə 313 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Mehdiyev dedi, ağa mənəm, uzağı cibimdən 10 min verə bilərəm...»

Sakinlərin kompensasiya davası davam edir: «Həyət və yardımçı sahələr nəzərə alınmadı»

MÖVZU İLƏ ƏLAQƏLİ

Köhnə Sovetski məhəlləsində – Yasamal rayonu, Bəşir Səfəroğlu küçəsində evlər ilin əvvəlindən sökülüb. Lakin sakinlərlə Yasamal Rayon İcra Hakimiyyəti arasında kompensasiya mübahisəsi hələ də davam edir. Bəşir Səfəroğlu küçəsi, ev 31-də yaşamış sakinlər kompensasiyanın yaşayış sahəsinə uyğun ödənilməsi tələbi ilə məhkəməyə müraciət ediblər.

Bu barədə virtualaz.org-a şikayətçilər məlumat verib.

Şikayətçi Vüqar Əsgərov deyir ki, ümumi sahəsi 216 kvadrat metr olan həmin ünvanda 3 ailə yaşayıb: «2014-cü ilin əvvəlində «Azer Ekspert» MMC tərəfindən evlərin ümumi sahəsi hesablandı. 189 kvadrat metr ümumi yaşayış sahəsi üçün 220 min 788 manat təklif edildi. Həyət və yardımçı sahələr nəzərə alınmadı».

Ekspertlər də həyətin ümumi qiymətləndirməsini aparıblar və ərazi 340 min manat dəyərləndirilib. Buna baxmayaraq, sakinlərə 189 kvadrat metr deyil, 115 kvadrat metrə uyğun kompensasiya ödənilib. Yəni yaşayış sahəsinin 74 kvadrat metri üçün ödəniş olmayıb. Buna görə də, sakinlər söküntüyə etiraz ediblər.

«Yasamal rayonunun keçmiş icra başçısı İbrahim Mehdiyev atama deyib ki, əlavə olaraq öz cibindən 10 min manat ödəyə bilər. Çünki söküntüyə özü nəzarət edir və buranın ağası odur, heç kim onun istəyi olmadan qərar verə bilməz. Atam isə icra başçısının təklifini qəbul etməyib», - şikayətçi deyir.

Əsgərovlar ailəsi məhkəməyə müraciət edib. Yasamal Rayon Məhkəməsi iddianı rədd edib, Bakı Apellyasiya Məhkəməsi isə kompensasiyanın evin ümumi sahəsinə uyğun ödənilməsinə qərar verib. «Hamı işdə olanda Mehdiyev öz qoçu dəstəsi ilə gəlib, atamı alqı-satqı müqaviləsinə qol çəkməyə məcbur edib. Sonra məhkəmənin qərarını nəzərə almadan evlərimizi yerlə yeksan ediblər», - şikayətçi deyir.

Sakinlər onu da söyləyirlər ki, gecəqondu tipli daxmalarda yaşayanlar üçün evlərini tərk etmək asandır. Onlar isə təmirli, tam şəraitli evlərdə yaşayıblar. Bu ilin fevralından, yəni söküntüdən sonra kirayədə yaşamağa məcbur olublar: «Bu mülk babamızdan miras qalmışdı. Sənədsiz evlərlə bizim evlər arasında arasında fərq qoyulmadı».

Sakinlər iddia edirlər ki, evlərin qiymətləndirilməsi İbrahim Mehdiyevin əhval-ruhiyyəsindən asılı olub. Keçmiş başçı kefinin kök vaxtında ödənilən məbləği artırıb, əsəbləşəndə isə ümumi sahənin azaldıldığını, etiraz edənlərin cəzalandırıldığını söyləyib. Məhz ona görədir ki, indi evləri sökülmüş onlarla sakin kompensasiya üçün məhkəmələrə müraciət edib.

Noyabrın 17-də Bakı Apellyasiya Məhkəməsində sakinlərin iddia ərizəsinə təkrar baxılacaq.

Ülviyyə XUDİYEVA


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *