vaxtlı-vaxtında oxuyun! Cümə axşamı, 26 aprel 2018
ABŞ dolları 1 USD = 1.7000 AZN
Avro 1 EUR = 2.0771 AZN
Rusiya rublu 1 RUB = 0.0276 AZN
İngilis funt sterlinqi 1 GBP = 2.3749 AZN
Türk lirəsi 1 TRY = 0.4159 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
AVROPA  
16:22 | 22 noyabr 2017 | Çərşənbə Məqaləyə 706 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Biz Totenhemdə Allah düzəldirik»

Son qırx ildə Londonun ilk anqlikan kilsəsi tikilib

MÖVZU İLƏ ƏLAQƏLİ

«The Guardian» yazır ki, Londonda son 40 ildə tikilmiş ilk anqlikan kilsəsinin açılışı olub. Kilsə keçmiş zavod ərazisində, lakin yüzlərlə evin yerləşdiyi rayonda tikilib.

Londonun Totenhem Heyl (Tottenham Hale) rayonunda 3 milyon funt sterlinqlik müqəddəs Fransis kilsəsinin tikintisini London yeparxiyası, Heyl Vilic (Hale Village) massivinin inşaatçıları və sadə ianəçilər maliyyələşdiriblər.

Kilsənin nəzdində 36 yerlik uşaq bağçası və kafe də açılıb.

Bu, Londonda 2020-ci ilədək tikilməsi nəzərdə tutulan 100 kilsədən birincisidir.

«The Guardian» yazır ki, Londonun anqlikan kilsələrinə gedənlərin sayı son 25 ildə əhəmiyyətli dərəcədə artıb. Hərçənd bütün ölkə üzrə kilsəyə gedənlərin sayı azalmaqda davam edir.

Yeni kilsənin «qırmızı lentini» bu dairədən seçilmiş leyborist millət vəkili Deyvid Lammi (David Lammy) və Edmonton yepiskopu Rob Uikham (Rob Wickham) kəsiblər.

Açılış mərasimində Lammi deyib: «Mənim yadımdadır ki, hökumətdəkilərdən biri bir vaxt demişdi: «Biz burda Allah düzəltməklə məşğul olmuruq». Amma mən həmişə demişəm: «Biz burda, Tottenhemdə Allah düzəldirik»».

Millət vəkili «The Guardian» qəzetinə deyib ki, burada yeni kilsənin tikilməsi ideyası hələ 2011-ci ildə bu məhəllələrdə iğtişaşlar baş verəndə yaranmışdı.

Müqəddəs Fransis kilsəsinin missioner keşişi Endryü Uilyams (Andrew Williams) isə deyib ki, burada söhbət kilsə nəzdində ictimai qurumların yaradılmasından getmir. Onun sözlərinə görə, bura ilk növbədə icma mərkəzi və yalnız ondan sonra kilsədir.

O deyib ki, bu ərazidəki dindarlar müxtəlif etnik qruplardandırlar və əksəriyyəti gənclərdir.

Kilsənin mehrabındakı böyük triptixi buddist rəssam Qrim Mortimer Evelin (Graeme Mortimer Evelyn) çəkib.

Məqalədə deyilir ki, Londonda təkcə anqlikan kilsəsinə yox, həm də qaradərililərin əllincilər və başqa məzhəb kilsələrinə də ibadətə gələnlərin sayı artıb.

Müqəddəs Fransis kilsəsinin yepiskopu deyib ki, «adamların bizim yanımıza gəldikləri vaxtlar çoxdan keçib, indi biz adamların yanına gəlməliyik».

Müqəddəs Fransis kilsəsinin yerində vaxtilə «Lebus» mebel fabriki yerləşirdi.

İkinci Dünya Müharibəsi illərində bu fabrik profilini dəyişərək «Mosquito» bombardmançı təyyarələrinin mühərriklərini hazırlayırdı.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *