vaxtlı-vaxtında oxuyun! Cümə, 20 aprel 2018
ABŞ dolları 1 USD = 1.7000 AZN
Avro 1 EUR = 2.1043 AZN
Rusiya rublu 1 RUB = 0.0280 AZN
İngilis funt sterlinqi 1 GBP = 2.4138 AZN
Türk lirəsi 1 TRY = 0.4229 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
RƏY, REPLİKA  
23:04 | 23 noyabr 2017 | Cümə axşamı Məqaləyə 528 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

… Siyasəti futbollaşdırın!

Futbolu siyasiləşdirmək yerinə, …

Erkin QƏDİRLİ

MÖVZU İLƏ ƏLAQƏLİ

Futbolun, ictimai maraq doğurduğuna, izləyiciləri barışmaz yandaşlara böldüyünə, böyük pul gətirdiyinə, açıq qaydalarla oynanıldığına görə, siyasiləşmə potensialı böyükdür. Odur ki, futbola siyasətin gözüylə baxmağın yeri ola bilər. Burası aydındır. Amma siyasətə də futbolun gözüylə baxmaq olur.

Siyasət də bir oyundur. Onun da açıq qaydaları, izləyiciləri və iştirakçıları, ictimai maraqları, içindəki pulları, mübahisəli məqamları, hakimliyi, udanları və uduzanları, cəzalı qalanları və s. olur. Niyə «var» deyil, «olur» yazdım? Çünki, siyasət oyunu heç də hər yerdə açıq oynanılmır. Bizim ölkə elə yerlərdən biridir. Bir oyunun getdiyini hər kəs anlayır, amma çox az adam bu oyuna maraq göstərir, onu oynamaq istəyir və s. Çünki, bizdəki siyasət bərabər qaydalara uyğun oynanılan və içindəki ədalətli hakimliyə güvənilən bir oyun deyildir. Belə oyunda özünü itirmədən fayda görmək, qalib gəlmək alınmır.

Son illərdə Milli Yığmamızın və, özəlliklə, «Qarabağ»ımızın futboldakı uğurları bizim toplumu cana gətirdi, bir yerə yığa bildi. İndiki ortamda, YAP da daxil, heç bir siyasi təşkilat bu qədər adamı bir yerə yığa bilməz (güclə gətirməsə). Futbola isə insanlar gəlir, ona baxmaq üçün pul xərcləyirlər. Düşünün, maraq o dərəcədə artıb ki, biletlərin «qara bazarı» yaranıb. Bazar qədər siyasət-duyarlı başqa bir nəsə yoxdur.

«Qarabağ»ımızın dünənki məğlubiyyəti ilə, özəlliklə, həmin oyunda hakimliklə bağlı xeyli şərh yazılıb. Şərhlərin də xeylisində siyasiləşdirmə vardır. Niyə belə edilir? «Çelsi»nin «Qarabağ»dan daha güclü olduğu və bizi rahat uda biləcəyi öncədən bilinmirdimi? Bilinirdi. Bilinirdisə, bu qədər, yumşaq desəm, narazılıq nədən qaynaqlanır? Cavab aydındır və üzdədir - hakimlikdən. Hakimin verdiyi qərarların ədalətsiz olduğuna inanılır.

Bu, çox maraqlı hadisədir (fenomendir). Gözlə görünən hər bir şeydə ədalətin olduğuna inanmağın doğru sayılmadığını hər kəs bilsə də, ədalətin necə baş verdiyini, özünə yer etdiyini hər kəs öz gözüylə görmək istəyir. Avropa İnsan Haqları Məhkəməsinin bir neçə qərarında yazıldığı kimi - ədalətin baş verməsi azdır, onun baş verdiyinin görünməsi gərəkdir (justice must not only be done, but it must also be seen to be done). Dünənki oyunda hakimin verdiyi qərarlarla bağlı narazılıq da buradan qaynaqlanır. Oyuna baxanlar, «Qarabağ»ın uduzmasından deyil, hakimin qərarlarında ədalətin baş verdiyini görmədiklərindən narazıdırlar. Oyuna baxmağa gələnlər oynayanların bərabər olmadığını yaxşı bilirdilər. Onlar oyunun bərabər qaydalara görə oynanılacağına inanır, ədalətli hakimlik görəcəklərinə ümid edirdilər. Görmədilər.

İndi bütün bunları (teksti qırağa qoyub kontekstə baxın) futbolda deyil, siyasətdə baş verdiyini düşünün. Məhkəmələrimizdəki hakimlərin ədalətsiz qərarları nədən siyasiləşdirilir? Eyni səbəbdən - ədalətin baş verdiyi görünmədiyindən. Futbol meydanında ədalətsiz hakimliyə etiraz edənlərin xeylisi siyasi meydanda ədalətsiz hakimliyə göz yumurlar. Sistem problemidir, sistemi dəyişmək gərəkdir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)