vaxtlı-vaxtında oxuyun! Şənbə, 16 dekabr 2017
ABŞ dolları 1 USD = 1.7001 AZN
Avro 1 EUR = 2.0032 AZN
Rusiya rublu 1 RUB = 0.0289 AZN
İngilis funt sterlinqi 1 GBP = 2.2846 AZN
Türk lirəsi 1 TRY = 0.4379 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
BÖHRAN  
09:09 | 4 dekabr 2017 | Bazar ertəsi Məqaləyə 208 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Ölkəmizi dağıdır»

Baş nazirdən Sorosa suçlama

MÖVZU İLƏ ƏLAQƏLİ

Baş nazir Corc Sorosu onun ölkəsini dağıtmaqda, milyarder isə Orbanı repressiv rejim yaratmaqda suçlayır Macarıstanda 2018-ci ilin aprelində keçiriləcək parlament seçkilərinə hələ 3 ay qalmış siyasi gərginlik pik həddə çatıb. İqtidarda olan «Fides» partiyasının sədri və baş nazir Viktor Orban ölkənin başına gələn bütün müsibətlərdə ABŞ milyarderi Corc Sorosu günahlandırıb və onu Macarıstanı dağıtmaq istəməkdə ittiham edib.

Corc Soros isə video-müraciətində ittihamları cavabsız qoymayaraq macar baş nazirin ölkədə yaratdığı rejimin sovet illərdə olduğundan daha repressiv xarakter daşıdığını söyləyib.

Musavat.com xarici mediaya istinadən xəbər verir ki, Viktor Orban Corc Sorosa qarşı bir neçə ildir hər yerdə səsləndirdiyi ittihamlarının demək olar ki, hamısını «Kossuth» radiostansiyasına verdiyi müsahibəsində təkrarlayıb. Baş nazir bütün bunlara əlavə ittihamlar da qoşub. O, Sorosu qəsdən Macarıstanı müsəlman miqranlarla doldurmaq istəməkdə təqsirləndirib və milyarderin növbəti seçkilərdə miqrantlar vasitəsilə Macarıstanı məhv etmək niyyətində olduğunu bildirib.

Baş nazir qeyd edib ki, Macarıstan xüsusi xidmət orqanları Corc Sorosun ölkədə fəaliyyət göstərən QHT-lər vasitəsilə ölkənin siyasi həyatına göstərdiyi təsirlə bağlı yeni və gizli dosye üzərində işlərini tamamlayıblar. O, işin detallarını açıqlamasa da Sorosun öz planlarını məhz növbəti seçkilər vasitəsilə gerçəklədirməyə çalışdığını sözlərinə əlavə edib.

«Onun adamları mətbuatda gedən yazıları maliyyələşdirməklə, təbliğat aparmaqla, habelə xüsusi ictimai təşkilatlar vasitəsilə minlərlə insana pul verməklə məşğul olacaqlar. Bu məqsədlə ilk öncə seçkiqabağı təbliğat aparan partiyaların nümunəsində xüsusi «vətəndaş mərkəzləri» qurulacaq. Bununla da Sorosun şəbəkəsi Macarıstanda seçki kampaniyasına aktiv müdaxilə imkanlarını əldə edəcək», - deyə baş nazir qeyd edib.

Orban bir qədər də irəli gedərək Macarıstanın dövlət olaraq varlığının növbəti seçkilərdə həll olunacağını söyləyib.

Siyasi ekspertlər bu cür fikirlərin məhz baş nazir V.Orban tərəfindən səsləndirilməsini maraqla qarşılayırlar. Belə ki, elə Orbanın özü keçən əsrin 80-ci illərində Corc Sorosun fondundan aldığı təqaüdlə Oksford universitetində təhsil alıb.

Viktor Orbanın çıxışından sonra isə sosial şəbəkələrdə Corc Sorosun macar xalqına videomüraciəti yayımlanıb. Müraciət «Açıq cəmiyyət» beynəlxalq xeyriyyəçi təşkilat vasitəsi ilə çatdırılıb.

Amerikalı milyarder öncə Orbanın onun ünvanına səsləndirdiyi bütün ittihamları rədd edib. Soros baş nazirin onu düşmən olaraq təqdim etməsinə rəğmən şəxsən onun özünə qarşı heç bir şəxsi qərəzinin olmadığını bildirib. «Bizim sadəcə prinsiplərimiz və baxış tərzlərimiz fərqlənir. Mən onun yaratdığı sistemə qarşı çıxıram» - Soros deyib.

Daha sonra nitqindəki ifadələri sərtləşdirən Soros Orbanın Macarıstanda antidemokratik sistemə söykənən mafioz rejim yaratdığını və bundan hakimiyyətdə qalmaq və varlanmaq məqsədilə istifadə etdiyini qeyd edib.

Corc Sorosun sözlərinə görə, Viktor Orban ona qarşı müxalifətdə olan insanları əzməklə və istismar etməklə məşğuldur. «Fikrimcə hazırkı rejim xalqa Sovet işğalı dönəmindən daha çox əzab verir», milyarderin müraciətində deyilir.

Sorosun sözlərinə görə, Orbanın onun təşkilatlarına qarşı ittihamları seçkidə qalib gəlmək üçün uydurulmuş bəhanələrdir.

O, həmin təşkilatlarda çalışan insanların qorxu altında yaşadıqlarını söyləyib: «O bizləri məhv etmək istəyir. Lakin mən hazırda Macarıstanda deyiləm, buna baxmayaraq mənim dəstəklədiyim insanlar orada yaşayırlar və dövlətin üzərindəki təzyiqləri hər gün hiss edirlər».

Siyasi müşahidəçilərin fikrincə Orbanın Sorosa qarşı çıxmasının arxasında əsasən seçkidə qalib gəlmək məqsədi durur. Macarıstan baş nazirinin onu hədəf-düşmən göstərməklə, xalqın diqqətini ölkədəki sosial-iqtisadi problemlərdən yayındırmaq istədiyini söyləyənlər də az deyil.

Hər halda son sorğular hələ də onu partiyasının daha populyar olduğunu nümayiş etdirir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *