vaxtlı-vaxtında oxuyun! Cümə axşamı, 20 sentyabr 2018
ABŞ dolları 1 USD = 1.7000 AZN
Avro 1 EUR = 1.9848 AZN
Rusiya rublu 1 RUB = 0.0253 AZN
İngilis funt sterlinqi 1 GBP = 2.2354 AZN
Türk lirəsi 1 TRY = 0.2664 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
BÖHRAN  
16:58 | 3 yanvar 2018 | Çərşənbə Məqaləyə 1007 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bir «Sepah»çı öldürülüb

İranda kütləvi etirazlar bütün ölkəni bürüyür, iğtişaşlarda silahlar işə düşdü

MÖVZU İLƏ ƏLAQƏLİ

İranda ruhanilərin hakimiyyətinə qarşı altı gün əvvəldən başlanan kütləvi etirazlar ölkənin bütün iri və kiçik şəhərlərini bürüyüb. Etirazçıların səsləndirdiyi əsas şüarlardan biri «Xameneyiyə ölüm» və «İslam Respublikasını istəmirik» şüarlarıdır.

Etirazlar, yanvarın 1-də Tehranın Firdovsi meydanında və paytaxtın digər bir neçə məntəqəsində davam edib və aksiyaçılar «Xameneyiyə ölüm», «Diktatora ölüm», «Millət acından dilənir, Ağa (Xameneyi) isə Allahlıq edir», «İstiqlal, azadlıq, İran Respublikası», «Seyid Əli! Abır-həyan olsun, utan xəcalət çək, hakimiyyətdən əl çək», «Suriyanı burax, bizə gün ağla» və digər şüarlar səsləndirərək hakimiyətə etirazlarını bildiriblər. Paytaxtın bir neçə məntəqəsində etirazçılardan bəziləri polis tərəfindən yaxalanaraq naməlum istiqamətə aparılıb.

İsfahan əyalətinin Qəhderican şəhərində isə hökumət qüvvələri «Xameneyiyə ölüm» şüarı səsləndirərək bir polis qərargahına od vuran gənc aksiyaçılara odlu silahdan atəş açıblar. Atəş nəticəsində bir neçə nəfər ölüb, bir neçə nəfər isə ağır yaralanıb. Həmçinin həmin əyalətin Nəcəfabad şəhərinin Kəhrizsəng məntəqəsində «Sepah» qüvvələri ilə bəzi aksiyaçılar arasında atışma olub. Atışma nəticəsində bir neçə aksiyaçı həyatını itirib, «Sepah»ın hava-kosmik qüvvələrinin əməkdaşı Səccad Şahsənayi, etirazçılardan birinin ov tüfəngi ilə açdığı atəş nəticəsində həlak olub, ən azı daha 3 «Sepah»çı da yaralanıb.

Həmin gün Xameneyi rejiminə qarşı etirazlar, Kirmanşah, Sənəndəc, Ərdəbil, Dehloran və daha bir neçə şəhərdə davam edib.

Xatırladaq ki, İran hakimiyyətinin iqtisadi, daxili və xarici siyasətinə qarşı ilk etirazlar, «Bahalığa yox» adı altında «Teleqram» sosial şəbəkəsində edilən çağırışa əsasən, dekabrın 28-də Rəzəvi Xorasan əyalətinin Məşhəd şəhərindən başlanıb. Son günlər isə etirazçıların səsləndirdiyi şüarlar daha sərtləşərək bütün molla hakimiyyətinin əleyhinə yönəlib.

Son günlər, İranın 40-a yaxın şəhərində ölkənin ağır və acınacaqlı iqtisadi durumuna, yoxsullu]a və repressiyalara, rejimin daxili və xarici müdaxiləçi siyasətinə qarşı keçirilən etirazlarda, axund Əli Xameneyiyə, prezident Həsən Ruhaniyə və digər rəsmilərə qarşı ölüm şüarları səsləndirilib. Etirazlar davam etdir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *