vaxtlı-vaxtında oxuyun! Bazar ertəsi, 15 oktyabr 2018
ABŞ dolları 1 USD = 1.7000 AZN
Avro 1 EUR = 1.9729 AZN
Rusiya rublu 1 RUB = 0.0257 AZN
İngilis funt sterlinqi 1 GBP = 2.2505 AZN
Türk lirəsi 1 TRY = 0.2879 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
TOP OYUNLARI  
20:52 | 3 yanvar 2018 | Çərşənbə Məqaləyə 969 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Təmkinli sürpriz

Qış transferində səs-küylü keçidlərə şahid olmayacağıq

CAVAD

MÖVZU İLƏ ƏLAQƏLİ

Hamının başı transferlərə qarışıb, futbol yaddan çıxıb. Sabahdan etibarən ölkə klubları yenidən fəal iş rejiminə qayıdacaq.

Hələlik klublar təmizləmə işləri ilə məşğuldur. Hamı heyətdəki artıq oyunçuları yola salır, şans qazanmayanlara özünə yeni iş yeri tapmağı məsləhət görür. Elələri də var ki, mövsümün qalan hissəsini başqa yerdə, icarədə keçirməlidir.

Ekiqo Ehiosun, Roman Hüseynov, Aqil Məmmədov, Tellur Mütəllimov, Endi Hallideylə vidalaşan «Qəbələ», Murad Səttarlı, David Manqa, Nicat Qurbanov, Qabriel Matey, Təmkin Xəlilzadəni itirən «Zirə», Pavel Dreksa, Fəhmin Muradbəyli, Rahil Məmmədov, Maksim Vaylo, Təyyar Məmmədov, Məqsəd İsayev, Edson Kastilyo və Aqşin Qurbanlını yola salan «Neftçi», Eqdaras Jarskis, Adrian Popoviçi, Renan Telles, Amit Quluzadə,Yamin Ağakərimzadə, Tanrıverdi Məhərrəmli ilə yolları ayıran «Səbail», Elnur Abdullayev, İlkin Qırtımov, Nizami Hacıyev, Mirhüseyn Seyidov, Samir Zərgərov, Mirsahib Abbasova qapını göstərən «Keşlə», Samba Diallo, Mansur Aladji və Viktor Oseqeyllə davam etmək istəməyən «Kəpəz» indi onların yerini doldurmalıdır.

Bu futbolçulardan bəziləri artıq başqa klubların düşərgəsindədi. Lakin əksəriyyət Premyer Liqa ilə vidalaşıb – legionerlər vətənlərinə, bəzi yerlilər isə divizion klublarına yollanıb. Yerli futbolçu qıtlığı üzündən klublar əcnəbi alışına məcburdur. Yəqin ki, qarşıdakı həftələrdə yeni legionerlər barədə ilkin informasiyalar alacağıq.

Maliyyə çətinliyi üzündən, həm də qış transfer dövrü uyğun zaman olmadığından yəqin ki, səs-küylü keçidlərə şahid olmayacağıq. Amma «Qəbələ» və «Neftçi» sanballı keçidləri həll etməyə məhkumdur. «Qarabağ» isə heyətdə olan aparıcı legionerlərdən hansınısa yaxşı qiymətə satacağı halda, onun yerini doldurmağa çalışacaq. Bu baxımdan Dino Ndlovunun Çinə gedişi gündəmdədir və asiyalılar ağdamlıların istədiyi məbləği (700 min avrodan az olmayaraq – müəl.) verəcəyi halda transfer reallaşacaq.

Yerli bazarda bəlkə də qışın ən böyük transferi reallaşıb. Heç kimin gözləmədiyi halda, «Zirə»ni «Qəbələ»yə dəyişən Təmkin Xəlilzadə 2017-nin son akkordunu vurdu.

Maraqlıdı ki, bu transferdən hamı razı qaldı. «Qəbələ» yaxşı oyunçu əldə etdiyinə, futbolçu daha yaxşı şərtlərlə müqavilə imzaladığına, «Zirə» isə keçiddən qazandığına görə məmnundu. Lakin hamı müdafiəçinin «Qarabağ»a gedəcəyini gözlədiyi halda, onun əyalət klubuna üz tutması ilin sürprizidi.

Təmkinin Qəbələyə yollanması müxtəlif söhbətlərə yol açdı. Onun baş məşqçi Ayxan Abbasovla, eləcə də «Zirə» rəhbərliyi ilə dalaşması haqda şayiələr gəzirdi. Əslində, futbolçu sırf maliyyə şərtlərini düşünüb və cinah oyunçusu axtaran «Qəbələ» vaxtında məsələdən duyuq düşərək, operativ hərəkət edib, transferi 2-3 günün içində bitiriblər. Xəlilzadə müəyyən səbəblər üzündən «Qarabağ»a getməyəcəyini bildiyindən, bu klubdan dəvəti gözləməyib və çempionluğa digər namizədin düşərgəsinə yollanıb.

Bu, «Zirə» üçün ciddi itkidir. Lakin İbrahim Aslanlı, Elşən Abdullayev, Tellur Mütəllimov və Mirsahib Abbasovun transferini həll edən qəsəbə klubu itkilərin yerini qismən doldurub. Xüsusilə Təmkinin keçidinin qarşılığında pulla yanaşı götürülən Telluru klubun qazancı saymaq olar.

«Transfer pəncərəsi»nin bağlanmasına hələ çox var. Bu səbəbdən yenə hansısa sürpriz keçid mümkündür. Lakin Təmkinin keçidini unutduracaq yerdəyişmə gözlənilmir. Ümid qalır legioner transferinə...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *