Rusiya Moldovanı itirir
Moskvadan canını qurtaran Kişinyov üstünlüyü Buxarestə verir...
Şahin CƏFƏRLİ
MÖVZU İLƏ ƏLAQƏLİ
-
Bolqarıstan və Rumıniya Şengen zonasında
Uzun sürən danışıqlardan sonra Avstriyanın “saqqızını oğurlaya bildilər”
-
Moskva “şantaj”da ittiham olunur
“Qeyri-dost hərəkətlərə artıq alışmışıq”
-
Rusiya Bakıda verdiyi sözü 3 gün sonra pozdu
Qarabağda müharibə başlayır?
-
Ukrayna və Moldova Aİ üzvlüyünə namizəddir
Zelenski sammitin qərarını münasibətlərdə unikal an adlandırıb
-
Azərbaycanın strateji tərəfdaş olan ilk Aİ üzvü
Bu ölkəyə İnvestisiya yatıran şirkətlər arasında SOCAR liderdir
-
Ukrayna və Moldovaya namizəd statusu verəcəyi gözlənir
“Bu ölkələrin və vətəndaşlarının gələcəyi Avropa İttifaqı daxilindədir”
-
Aİ-yə namizəd statusu tövsiyəsi
Avropa Komissiyası ilin sonuna kimi Ukrayna və Moldovanın vəziyyətini dəyərləndirəcək
-
Keçmiş prezident dövlətə xəyanətdə ittiham olunur
Prokurorluq Dodonun 30 sutkalıq həbs üçün məhkəməyə müraciət edib
-
Sabiq prezident saxlanıldı
İqor Dodonun qaynı da həbs olunub
-
Dnestryanı separatçılarının “hücum oyunu”
-
Müharibənin bir addımlığında?
Dnestryanıda eskalasiyanın dörd versiyası və mümkün nəticələr
-
Moskvanın Moldova planı ...
Putinin xəyalındakı ssenarilər üçün ordusunun gücü qalıbmı?
-
Bu dəfə Moldova ilə bağlı ...
Ukrayna yenə Rusiyanı sabitliyi pozmaqda ittiham edib
-
Dnestryanıya PUA hücumu?
“Ötən gecə Kobasna kəndi üzərində bir neçə dron görünüb”
-
“Gərginliyin artırılması cəhdidir”
Moldova Prezidenti Dnestryanı bölgəsindəki partlayışlara reaksiya verdi
-
“Gərginlik üçün bəhanə lazımdır”
Separatçı Dnestryanı bölgədə iki radio antena partladılıb
Moldova Rusiyadan sürətlə uzaqlaşır. Moldovada Rusiya televiziyalarının informasiya, analitik-informasiya, siyasi və hərbi məzmunlu proqramlarının yayımı qadağan olundu.
Parlament bu barədə ötən ilin dekabrında qanun qəbul edib, lakin prezident Dodon sənədi imzalamaqdan 2 dəfə yayınıb. Bundan sonra parlament üzvləri Konstitusiya Məhkəməsinə müraciət ediblər və KM prezidentin səlahiyyətlərini müvəqqəti dayandıraraq qanunu imzalamaq səlahiyyətini parlament sədrinə verib. Daha əvvəl də nazirlərin təyinatında iki dəfə bu cür situasiya yaranmış və hər dəfə KM hökumətin köməyinə gəlmişdi.
Moldova parlamentli respublikadır. Parlament çoxluğu və hökumət qərbyönlü, prezident isə rusiyayönümlüdür. Konstitusiya Məhkəməsi hakimlərinin əksəriyyətinin qərbyönlü olması hökumət-prezident çəkişməsində birincilərin işini asanlaşdırır. Bu ikibaşlılıq əslində toplumun əhval-ruhiyyəsini də əks etdirir, əhali arasında avrointeqrasiya tərəfdarları ilə Rusiyaya simpatiya bəsləyənlərin sayı təxminən yarı-yarıyadır. Paytaxt Kişinyovda və gənc nəsil arasında avrointeqrasiya tərəfdarları çoxluqdadır, Rusiyanı əsasən orta və yuxarı yaş kateqoriyasından olanlar və bizim qaqauz qardaşlarımız dəstəkləyir. Rusiyaya bağlılıqda məzhəb amili – pravoslavlıq mühüm rol oynayır.
Moskva Qaqauz Yerində separatizm yarada bilər, amma bu bölgə və ümumilikdə Moldova ilə Rusiya arasında quru sərhədinin olmaması mühüm amildir. Bu, Moskvanın imkanlarını xeyli məhdudlaşdırır. Dnestryanı problemin həllində də irəliləyiş var. Separatçı ərazi ilə Moldovanın digər hissəsini birləşdirən körpü açılıb, alver başlayıb, separatçılar öz ərazilərində rumın (moldovan) dilində məktəblərin yenidən açılmasına razılıq veriblər, Kişinyov isə separatçıların Tiraspoldakı ali məktəbinin diplomlarını tanıyacağını bildirib. Yəni yavaş-yavaş Dnestryanı ərazinin Moldovaya reinteqrasiyası başlayıb, Rusiyanın pulunun qurtarması bu proseslərdə önəmli rol oynayır.
Moldovanın qərbyönlüləri isə öz növbələrində ölkənin Rumıniyaya inteqrasiyası istiqamətində addımları sürətləndirirlər. Dövlət dili rumın dili adlandırılıb, məktəblərdə Moldova yox, Rumıniya tarixi öyrədilir, ötən il dekabrın 1-də Buxarestdə Rumıniyanın müstəqillik günü ilə bağlı keçirilən hərbi paradda Moldova əsgərləri də iştirak edib, ölkələr enerji sistemlərini birləşdiriblər, Rumıniyadan Moldovaya qaz kəməri çəkilib, hər iki ölkə parlamentlərinin birgə toplantısı keçirilib, hökumətlərin də birgə iclası keçiriləcək və s...
Bu il Moldovada keçiriləcək parlament seçkiləri ölkənin gələcəyi baxımından tarixi əhəmiyyətə malik olacaq.