vaxtlı-vaxtında oxuyun! Çərşənbə, 21 fevral 2018
ABŞ dolları 1 USD = 1.7001 AZN
Avro 1 EUR = 2.1060 AZN
Rusiya rublu 1 RUB = 0.0301 AZN
İngilis funt sterlinqi 1 GBP = 2.3763 AZN
Türk lirəsi 1 TRY = 0.4519 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
CƏMİYYƏT  
19:17 | 9 fevral 2018 | Cümə Məqaləyə 344 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Uber» ermənilərə işləyir?

Bakı Nəqliyyat Agentliyindən çağırış

MÖVZU İLƏ ƏLAQƏLİ

«Yandeks» və «Uber» şirkətləri arasında biznes sazişinin imzalanması və baş direktor vəzifəsinə erməni Tiqran Xudaverdyanın təyin edilməsi ilə bağlı xəbər vermişdik. Sazişə əsasən, «Uber» Rusiya, Ermənistan, Gürcüstan, eləcə də Azərbaycanda fəaliyyət göstərəcək. Bu günə qədər «Uber» taksi şirkəti Azərbaycan bazarında fəaliyyət göstərirdi. Bəs görəsən, rəhbərliyinə erməninin təyin olunduğu bu şirkətin ölkəmizdə fəaliyyətinə icazə veriləcəkmi?

Bakı Nəqliyyat Agentliyinin mətbuat xidmətinin rəhbəri Mais Ağayev bildirdi ki, bu ilk növbədə ölkəmizin milli maraqlarına zidd olduğu üçün sürücülərimizin özləri adıçəkilən şirkətlə əməkdaşlıqdan imtina etməlidirlər:

«Biz sürücülərə fərqlənmə nişanı verərkən, qanunla tənzimlənən bütün normalara riayət edirik. Burda bir məsələ var ki, fərqlənmə nişanı alan sürücülərdən hansı şirkət və ya şirkətlərlə əməkdaşlıq edəcəklərini tələb etmək hüququmuz yoxdur. Standartlara cavab verirsə, fərqlənmə nişanı verilir. Digər məsələ odur ki, təkcə sürücü bu barədə məlumat verərsə, bizim məlumatımız olar. O zaman da, biz sadəcə məsləhət verə bilərik ki, bəs çalışmaq istədiyiniz şirkətin rəhbəri ermənidir və sizin fəaliyyətiniz sayəsində qazanılan məbləğ bu istiqamətə gedəcək. Qərar yenə də sürücülərin özlərinə aiddir. Məsələnin həll olunması üçün gərək «GetContac» kimi bu şirkətin də ölkə daxilində fəaliyyəti bloklana. Bu isə bizim səlahiyyətlərimizə daxil deyil. Bakı Nəqliyyat Agentliyi bütün taksi xidmətilə məşğul olan sürücüləri bu cür şirkətlərlə əməkdaşlıqdan çəkinməyə çağırır. Ölkəmizin milli maraqları və xalqımızın milli mənafeyi hər şeydən üstündür, toxunulmazdır».

Mövzu ilə bağlı Nəqliyyat, Rabitə və Yüksək Texnologiyalar Nazirliyi ilə əlaqə saxladıq. Nazirlikdən bildirdilər ki, hazırda taksi fəaliyyəti ilə məşğul olan şirkətlərin lisenziyalaşdırılması ləğv edilib:

«İndi onlar birbaşa vergi ödəyicisi kimi qeydiyyata alınırlar. Şirkətlərin tətbiqlərinin isə tənzimlənməsi aparılmır. Hazırda bizim nazirliyin səlahiyyətlərinə biometrik pasportların və fərdi məlumatlar haqqında lisenziyaların verilməsi daxildir».

Qanunda edilən dəyişikliklərin dəqiq tarixinə baxanda görürük ki, həqiqətən də taksi şirkətlərinin lisenziya ilə fəaliyyət göstərməsi 21 dekabr 2015-ci ildən lisenziyalaşdırılan fəaliyyət növlərinin siyahısından çıxarılıb. Lakin, bu da həqiqətdir ki, «Uber» şirkəti ölkənin bir çox şəhərlərində (Sumqayıt, Bakı, Gəncə) sakinlərə xidmət göstərir.

Paytaxtda fəaliyyət göstərən «Uber» taksi sürücülərindən bir neçəsi ilə ünsiyyətdə olduq. Məlum oldu ki, onlar işlədikləri şirkətin əslində kimə məxsus olduğunu bilmirlər.

Xatırladaq ki, Amerikanın San-Fransisko şəhərində 8 il əvvəl yaradılmış «Uber» layihəsi qısa müddətdə bütün Avropaya yayılıb. Avropanın bir neçə şəhərlərində rəsmi taksi sürücüləri smartfon və kompüter əlavəsi ilə işləyən «Uber» taksi xidmətinə qarşı etiraz da ediblər.

Qeyd edək ki, 2015-ci ildə Almaniyanın Frankfurt şəhər məhkəməsi «Uber» şirkətinin fəaliyyətini qismən qadağan edərək, onun törəmə «UberPop» xidmətini də 250 min avro məbləğində cərimə etmişdi. Hakim İoahim Nikel dinləmələrdə bildirib ki, «Uber» kommersiya nəqliyyat daşımaları haqqında Almaniya qanunlarını pozub. Səbəb kimi sürücülərin lazımi lisenziyalara malik olmaması qeyd edilmişdi.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *