vaxtlı-vaxtında oxuyun! Cümə, 21 sentyabr 2018
ABŞ dolları 1 USD = 1.7000 AZN
Avro 1 EUR = 1.9848 AZN
Rusiya rublu 1 RUB = 0.0253 AZN
İngilis funt sterlinqi 1 GBP = 2.2354 AZN
Türk lirəsi 1 TRY = 0.2664 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
BÖHRAN  
20:38 | 20 fevral 2018 | Çərşənbə axşamı Məqaləyə 515 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Hizbullah» terrorçuları Afrinə girdi

Bəşər Əsədi müdafiə edən və İrana bağlı olan yaraqlılar Türkiyə artilleriyasının zərbələrinə tuş gəldi və ...

MÖVZU İLƏ ƏLAQƏLİ

Bu gün axşam saatlarında Suriyada Bəşər Əsəd rejimini müdafiə edən və İrana bağlı şiə silahlı qruplaşmaları Türkiyə ordusunun mühasirəyə almağa çalışdığı Afrinə daxil olub. «Reuters» agentliyi «Hizbullah»ın telekanalına istinadən şiə yaraqlılarının YPG kürd qruplaşmasının nəzarət-buraxılış məntəqəsindən keçərək Afrinə daxil olmasına dair görüntüləri yayıb. Görüntülərə əsaən şiə yaraqlıları əsasən yüngül silahlarla silahlanıb və «pikap» tipli avtomobillərdə hərəkət edir, lakin onları bir neçə zirehli texnika və artilleriya qurğusu da dəstəkləyir.

Ötən gün Suriya dövlət televiziyası kürdlərlə əldə edilmiş anlaşma çərçivəsində Suriya ordusunun «yaxın bir neçə saata» Afrinə daxil olacağını xəbər vermişdi. Bu xəbər Türkiyənin xəbərdarlıqlarına səbəb olub. Prezident Ərdoğan bəyan edib ki, əgər Suriya ordusu Afrini PKK-çılardan təmizləmək üçün girirsə problem yoxdur. Lakin PKK-nı qorumaq üçün göndərilirsə Türkiyə ordusunun hədəfinə çevriləcək. Habelə Ərdoğan Rusiya və İran prezidentləri ilə telefon danışıqları apararaq Suriya ordusunun Afrinə girməsinin «konkret nəticələrə səbəb olacağını» çatdırıb.

Suriya ordusunun ötən gün Afrinə daxil olması baş verməyib. Və Ankarada kürdlərlə Dəməşq rejimi arasında anlaşma xəbərlərinə təzəcə şübhə etməyə başlamışdılar ki, nizami ordu deyil, Əsədi dəstəkləyən şiə qüvvələrinin Afrinə daxil olduğu xəbəri yayılıb. Xəbərlərə görə Türkiyə aviasiyası şiə qüvvələrinin hərəkət etdiyi istiqamətlərə zərbələr endirib və nəticədə «Hizbullah» birləşmələri geri çəkilib.

Türkiyə ordusu bir aydır ki, Afrini PKK-ya bağlı YPG/PYD qüvvələrindən təmizləmək üçün hərbi əməliyyatlar aparır. Son məlumatlara görə Afrində küçə döyüşləri aparmaq üçün Türkiyə ordusunun əlavə qüvvələri səfərbər edilir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *