vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
GÜNDƏM  
16:26 | 21 fevral 2018 | Çərşənbə Məqaləyə 2034 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Mogerinidən misli görünməmiş bəyanat

Avrokomissar Aİ-nin Azərbaycanın ərazi bütövlüyünü tamamilə dəstəklədiyini açıqladı

MÖVZU İLƏ ƏLAQƏLİ

«Azərbaycan Avropa İttifaqının vacib tərəfdaşıdır və Aİ onun müstəqilliyini, suverenliyini və ərazi bütövlüyünü tamamilə dəstəkləyir (supports fully – nitqin orijinalından – red.)»

Virtualaz.org xəbər verir ki, bunu Brüsseldə baş tutmuş Aİ-Azərbaycan Əməkdaşlıq Şurasının iclasında Avropa İttifaqının xarici əlaqələr və təhlükəsizlik üzrə xidmətinin rəhbəri Federika Mogerini deyib. İstifadə etdiyi diplomatik leksikona diqqət yetirsək, Mogerininin bu bəyanatını misli görünməmiş hesab etmək olar. İş burasındadır ki, «fully» sözünü ingilis dilindən «tamamilə», «bütövlükdə», «tam həcmdə» və s. kimi tərcümə etmək olar. 2015-ci ildən başlayaraq Azərbaycanın ərazi bütövlüyünün dəstəklənməsi barədə bəyanatlar Aİ prezidenti Donald Tuskun və Mogerininin özünün də çıxışlarında dəfələrlə səslənib.

Lakin «tamamilə» («bütövlükdə», «tam həcmdə») sözü Avropa İttifaqının rəsmi bəyanatında ilk dəfədir ki səslənir. Mogerininin bəyanatı Avropa İttifaqının tərəfdaş ölkələrin, ələlxüsus Azərbaycanın ərazi bütövlüyünün qorunması probleminə yanaşmada keyfiyyətcə yeni yanaşmanın məntiqi davamı oldu.

Maraqlıdır ki, Mogerininin bəyanatı fevralın 8-də İlham Əliyevin hakim Yeni Azərbaycan Partiyasının qurultayında etdiyi proqram xarakterli nitqinin ertəsi günü, fevralın 9-da səslənib. Xatırladaq ki, məhz həmin qurultayda partiyanın lideri İlham Əliyevin Azərbaycan prezidentliyinə namizədliyi irəli sürülüb. Öz nitqində İ.Əliyev Avropa İttifaqı ilə münasibətlərdə tərəqqini yüksək qiymətləndirib və Azərbaycanın ərazi bütövlüyü məsələsində Aİ-nin bütün institutlarının aydın mövqeyini qeyd edib.