Putinin qorxunc qırıcıları Suriyada
«Vagnerin ordusu»nun darmadağın edilməsinə cavab?
MÖVZU İLƏ ƏLAQƏLİ
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
Dezinformasiya yayanlara sanksiya
Fransa XİN Rusiya şirkətlərini hədələdi
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
Bu gün fevralın 22-də səhər saatlarında beynəlxalq informasiya məkanında ildırım sürəti ilə belə xəbər yayıldı: Rusiyanın beşinci nəsil «Su-57» qırıcıları Suriyaya göndərilib! Daha sonra uçuş sınaqlarından bu yaxınlarda çıxmış və seriya istehsalı hələ başlamayan, barəsində demək olar ki, bütün informasiyalar məxfi saxlanılan qırıcıların Hmeymin aviabazasına enməsini əks etdirən görüntülər də yayıldı. Üstəlik xəbər verildi ki, hərbi bazaya «Su-57» qırıcıları ilə yanaşı 4 «Su-35S» qırıcısı, 4 «Su-25» hücum-bombardmançı təyyarəsi və «A-30» erkən xəbərdarlıq radiolokasiya təyyarəsindən ibarət aviaqruplaşma da göndərilib. Təyyarələr Xəzər dənizi üzərindən uçub, İran və İraqın hava məkanından keçib.
Rusiyanın Suriyaya başda iki ən yeni «Su-57» qırıcısı olmaqla iri aviaqruplaşma göndərməsi prezident Vladimir Putinin qoşunların bu ölkədən çıxarılmasına dair ötən ilin dekabrında Hmeymim aviabazasında verdiyi əmrdən təqribən iki ay sonraya təsadüf edir.
Virtualaz.org xəbər verir ki, xüsusən «Su-57» qırıcılarının Suriyaya göndərilməsi qərb informasiya məkanında qızğın müzakirələrə səbəb olub. «Putinin qorxunc «Su-57» qırıcılarını zəncirdən açıb buraxdılar», - Britaniyanın «The Express» tabloidi xəbəri bu başlıqla verib.
Bir sıra nəşrlər qeyd ediblər ki, qırıcıların Suriyaya göndərilməsi Rusiya xarici işlər naziri Sergey Lavrovun ABŞ-a Suriyada «daha ehtiyatlı hərəkət etmək» barədə sərt xəbərdarlığından bir neçə gün sonra baş verir. «Mən amerikalı həmkarlarımı odla oynamamağa çağırıram», - Lavrov ABŞ-ın kürdlərin əliylə Suriyanı bölmək planlarından danışaraq deyib.
Habelə bu güc nümayişi «Vagnerin ordusu» kimi tanınan Rusiya muzdlularının Deyr əz-Zorda kürdlərin nəzarətində olan «Konoko» neft-qaz emalı zavoduna hücum zamanı Amerika aviasiyası tərəfindən darmadağın edilməsi fonunda baş verir.
Lakin belə görünür ki, Rusiyanın məqsədi həm ABŞ-a güc nümayişi, həm də öz hərbi sənayesinin daha bir nailiyyətini sınaqdan keçirməkdir. İndiyədək Rusiya Suriyadan poliqon kimi istifadə edib və bir sıra döyüş texnikasını, silahları ilk dəfə orada sınaqdan keçirib. Məsələn, Xəzər dənizindən «Kalibr» qanadlı raketləri ilə ilk dəfə Suriya ərazisinə zərbələr endirilib.
Rusiya KİV-ləri yazır ki, «Su-57» qırıcılarının uçuş sınaqları bu yaxınlarda başa çatıb. İndi bu təyyarələri real döyüş şəraitində də sınaqdan keçirmək pis olmazdı. «Su-57» təyyarələri öz göstəricilərinə görə ABŞ-ın «F-22» «Raptor» qırıcılarına yaxındır, radarlara yaxalanmır, yüksək manevr qabiliyyətinə, saatda 2600 kilometr sürətə malikdir. Təyyarələrin sınaq versiyalarının silahlanmaya bu il qəbul edilməsi planlaşdırılır. Və bundan əvvəl təyyarələri döyüşdə sınamaq üçün Suriya ən yaxşı poliqondur. Xüsusən də ABŞ-ın Suriyada kürdlərin nəzarətində olan ərazilər üzərində müntəzəm olaraq «F-22» qırıcıları ilə reydlər keçirməsi nəzərə alınarsa. İstisna deyil ki, «Su-57» qırıcıları məhz «Raptor»ların məsuliyyət zonasına daxil olmağa çalışacaq.