«Bizi Rusiyadan xilas et»
«Seks eksperti» Nastya Rusiya-Tramp əlaqələri haqqında nə bilir?
MÖVZU İLƏ ƏLAQƏLİ
-
Rusiya Bakıda verdiyi sözü 3 gün sonra pozdu
Qarabağda müharibə başlayır?
-
Putinin ciddi problemləri
Postsovet məkanındakı canlanma nələrə işarədir?
-
Üç Vladimirin davası
Doğrudanmı Zelenskinin bu qələbəsi də təsadüfdür?...
-
İldırımsürətli savaş planı
Türkiyədəki azərbaycanlı politoloqdan sensasion təklif: “Ermənistan, faktiki, müttəfiqsiz qalıb...”
-
“Böyük biabırçılıqdır”
Rusiyadan Putinin “Rustavi 2” telekanalında təhqir edilməsinə reaksiya
-
Müraciətin gücü
Saakaşvilinin çağırışı gürcü polisini hərəkətləndirdi
-
“Azərbaycana verməyə hazırlaşmırıq”
Çavuşoğludan “S-400” açıqlaması ...
-
ABŞ-da məhşər günü
Tramp Putinə işləyir, ya yox?
-
Separatizmə dəstəyə yox!
Rusiya Azərbaycanla hansı sazişi imzalamaqdan çəkinir?
-
Krımın işğalı nələri dəyişdi?
Rusiyanın siyasətində separatizmə dəstəyin davam edəcəyi sübut olundu
-
“Başdan-ayağa şüar yığını”
Rusiya ekspertləri Vladimir Putinin 2019-cu il ismarıcını analiz edirlər
-
Boltonun zəngi...
Azərbaycan və Ermənistan liderlərinin Vaşinqton görüşünümü yaxınlaşdırır?
-
Azərbaycanda Krımı Rusiya ərazisi kimi göstərən mallar satılır
Bu ilhaqa haqq qazandırmaq deməkdir
-
Azov yeni müharibəyə səbəb olacaqmı?
“Son təxribatının” arxasında dayanan güclər ...
-
“Onlarda alınmayacaq”
Putin Zaxarçenkonu öldürənləri hədələdi
-
Moskva və İrəvan ənənəvi Qarabağ kursunu dəyişəcəkmi?
Ermənistandakı siyasi böhran işğalçı ölkənin Azərbaycanla münasibətlərində və konfliktin taleyində mühüm iz qoya bilər, əgər...
«The Independent» yazır ki, Rusiyada son günlər sosial media paylaşmaları ilə siyasi qalmaqal yaratmış qadın, özünü seks eksperti kimi təqdim edən Anastasiya Vaşukeviç Taylandda saxlanıb.
Lakin indi o iddia edir ki, Rusiya rəsmiləri və ABŞ prezidenti Donald Trampın əlaqələrinə dair mühüm informasiyaya malikdir. Vaşukeviç müdafiə olunması üçün ABŞ-dan kömək istəyib.
Əslən Belarusdan olan eskort xidməti işçisi Vaşukeviçin adı, o, Rusiya milyarderi Oleq Deripaska ilə baş nazirin müavini Sergey Prixodkonun yaxta gəzintisini görüntüləyən videonu öz sosial media səhifəsində yerləşdirəndən sonra məşhurlaşıb.
Deripaska ilə intim münasibətləri olduğunu iddia edən Vaşukeviç daha çox «Nastya Rıbka» adı ilə məşhurdur. Deripaska vaxtilə Donald Trampın kampaniya meneceri olmuş Paul Manafortun xidmətlərindən istifadə edib.
«Rıbka» özünün son postunu Taylandda polis maşının içərisində olarkən göndərib.
«Rıbka» bu videoda iddia edir ki, o, Rusiyanın ABŞ seçkisinə müdaxiləsinin yeganə şahididir və Deripaska, Prixodko, Manafort və Tramp zənciri barədə son dərəcə qiymətli informasiyaya malikdir.
Taylandın Pattaya kurortunda həbs edilmiş Anastasiya onu Rusiyadan müdafiə edəcək Avropa ölkəsinə və ya ABŞ-a çox mühüm informasiyanı verməyə hazır olduğunu bildirib.
Xanım Vaşukeviç öz video postunda bildirir ki, artıq ABŞ-ın NBC telekanalına müsahibə verib.
Ötən ay Rusiya müxalifətinin liderlərindən Aleksey Navalnı Vaşukeviçin «Instagram» hesabından götürdüyü videosüjeti yayınlayan reportaj hazırlamışdı. 2016-cı ildə çəkilmiş bu videoda Deripaska və Prixodkonun yaxtada söhbət etdikləri görünür.
Navalnı özünün reportajında belə bir mülahizə irəli sürür ki, Deripaska və Prixodko Kremllə Tramp kampaniyasının arasındakı körpü ola bilərdilər.
«The Washington Post» qəzeti ötən il yazırdı ki, vaxtilə Deripaskanın tabeçiliyində işləmiş Manafort ona Tramp kampaniyası barədə vaxtaşırı hesabat verərmiş . Cənab Deripaskanın nümayəndəsi bu iddiaları rədd edib.
Navalnını «siyasi əzvay» adlandıran Prixodko deyib ki, onun araşdırmaları «mümkünlə qeyri-mümkünün cəfəng qarışığıdır». Deripaska isə bildirib ki, Navalnının iddiaları əsassızdır. Milyarder habelə onun şəxsi sirlərini yaydığına görə Vaşukeviçi məhkəməyə verib. Rusiya məhkəməsi bir sıra fotoların «Instagram»dan çıxarılması barədə hökm verib.
Vaşukeviç özünün «Instagram» hesabından yazır ki, Navalnının videosu internetə qoyulanda o, Dubayda olub və oradan Taylandın Pattaya kurortuna səfər edib. Ötən bazar günü Rusiya mediası Vaşukeviçin Taylandda «seks seminarında» iştirak edən bir neçə rusiyalı ilə birlikdə saxlandığını xəbər verib. Bu seminarın iştirakçıları 5 günlük məşğələ üçün 600 dollar ödəmişdilər.
Tayland mediası həbs olunanlardan bəzilərinin bu ölkəyə vizasız gəldiklərini bildirir.
Yerli telekanallardan biri sual verib: «Görəsən, onlar bu kursu keçmək üçün niyə Taylandı seçiblər?»
Rusiyanın Taylanddakı konsulu Vladimir Sosnov RIA xəbər agentliyinə deyib ki, xanım Vaşukeviç və başqaları «qanunsuz təlim kursu» keçirdiklərinə görə saxlanıblar.
Lakin Vaşukeviç iddia edir ki, onu Rusiya rəsmiləri həbs etdiriblər və Deripaska-Prixodko videosunun qisasını almaq istəyirlər.
«Rıbka» yazır ki, onu Rusiyaya deportasiya etmək istəyirlər və o, orada həbs olunacaq.
«ABŞ, xahiş edirik, bizi Rusiyadan xilas et. Bütün bunlar siyasi reopressiyadır», - Vaşukeviç özünün «Instagram» hesabından yazıb.