vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
GÜNDƏM  
17:44 | 18 mart 2018 | Bazar Məqaləyə 2548 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Ermənistanın İrana təklif etməyə heç nəyi yoxdur»

Conni Məlikyan: «Növbəti irimiqyaslı layihədən kənarda qaldıq»

MÖVZU İLƏ ƏLAQƏLİ

Bu həftə Azərbaycan, Türkiyə, İran və Gürcüstan xarici işlər nazirləri Bakıda Cənub-Şimal nəqliyyat dəhlizinin yaradılması məsələsini müzakirə ediblər. Bu barədə Azərbaycanın xarici işlər naziri Elmar Məmmədyarov deyib.

Onun sözlərinə görə, bu nəqliyyat dəhlizi Hind və Atlantik okeanlarını birləşdirməyə imkan verəcək. Azərbaycanlı nazirin sözləri Ermənistanda əsəbi reaksiya doğurub. Buradakılar hiss ediblər ki, ölkə növbəti irimiqyaslı layihədən kənarda qalıb.

Lakin göründüyü kimi, erməni tərəfinin bu reallıqla barışmaqdan başqa çarəsi yoxdur. Virtualaz.org xəbər verir ki, erməni politoloq Conni Məlikyan yerli mətbuata müsahibəsində bu dördtərəfli formatın bir yenilik olduğunu və sənədin hələlik bəyannamə xarakteri daşıdığını qeyd edib.

Buna baxmayaraq, onun sözlərinə görə, son zamanlar regionda infrastruktur layihələri fəal şəkildə həyata keçirilir. İran isə hazırda getdikcə daha çox Azərbaycan yoluna tərəf meyllənir.

Conni Məlikyan vurğulayır ki, erməni diplomatiyası əks addımlar atmalıdır: «Əgər məhz Cənub-Şimal dəmiryolu xətti açılması cəhdi edilirsə, biz Şimal-Cənub avtomagistral layihəsini gerçəkləşdirə bilərik, alternativ avtomobil yolu aça bilərik. Lakin mən bu layihəni sürətlə həyata keçirə biləcəyimiz və İran tərəfinə nəsə təklif edəcəyimizlə bağlı fikrə bədbin yanaşıram», - erməni siyasətçi deyib.