vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
GÜNDƏM  
13:03 | 20 aprel 2018 | Cümə Məqaləyə 1988 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Generallar Bakıda razılığa gəldilər

NATO bəyanat yaydı

MÖVZU İLƏ ƏLAQƏLİ

NATO-nun Avropada Müttəfiq Silahlı Qüvvələrinin Ali baş komandanı, general Körtis M. Skaparrotti və Rusiya Federasiyasının Silahlı Qüvvələrinin Baş Qərargah rəisi və müdafiə nazirinin birinci müavini, general Valeri Gerasimov 19 apreldə Bakıda görüşüblər.

ABŞ-ın Azərbaycandakı səfirliyinin məlumatına görə, NATO bununla bağlı bəyanat yayıb.

Bəyanatda bildirilib ki, iki yüksək rütbəli hərbçinin görüşündə məqsəd proqnozlaşdırıla bilmə və şəffaflığı artırmaqdır.

“Görüşdə hərbi vəziyyət və təlimlər barədə müzakirələr aparılıb. Bu təkbətək görüş hərbçilər arasında ünsiyyətin saxlanılması və NATO-nun dialoq və şəffaflıq siyasətinə uyğunluğa olan ortaq marağın aşkar göstəricisidir”, - deyə bəyanatda bildirilib.

Qeyd olunub ki, bu görüş 7 sentyabr 2017-ci ildə NATO-nun Hərbi Komitəsinin sədri, general Petr Pavelin Valeri Gerasimovla Bakıdakı şəhərində görüşünün ardınca baş verib.

“General Skaparrotti və general Gerasimov gələcəkdə hərbçilər arasında ünsiyyəti davam etdirmək barədə razılığa gəliblər”, - deyə bildirilib.