vaxtlı-vaxtında oxuyun! Bazar ertəsi, 25 iyun 2018
ABŞ dolları 1 USD = 1.7000 AZN
Avro 1 EUR = 1.9745 AZN
Rusiya rublu 1 RUB = 0.0267 AZN
İngilis funt sterlinqi 1 GBP = 2.2548 AZN
Türk lirəsi 1 TRY = 0.3585 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
SƏNAYE - AĞIR, YÜNGÜL, AQRAR  
11:40 | 28 aprel 2018 | Şənbə Məqaləyə 305 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Balımızı tapan barmağını yalayır

Dünyada orta qiymət 3000-dir, amma Azərbaycan 8000 dollara satır

MÖVZU İLƏ ƏLAQƏLİ

Kənd Təsərrüfatı Nazirliyinın icmallaşdırma və statistik təhlil şöbəsi tərəfindən Azərbaycandan bal ixracı imkanları ilə bağlı araşdırma aparılıb.

Araşdırmada göstərilir ki, ərzaq, kosmetika və dərman sənayesində bala tələbat artmadadır. Bunun üçün də 2022-ci ildə satış məqsədi üçün bal istehsalının həcmi 2,4 milyon tona çatacaq.

FAO-nun məlumatına əsasən 2014-cü ildə təbii bal istehsal edən 139 ölkədə hər il təqribən 1,5 milyon ton təbii bal istehsal edilir. “Global Industry Analists, Inc.” (GIA) konsaltinq şirkətinin məlumatına əsasən təbii balın ümumi istehlakının 48,1 faizi Asiya-Sakit okean regionunun payına düşür.

Araşdırmada qeyd edilir ki, 2016-cı ildə Ukrayna 97,3 milyon dollar dəyərində 56,9 min ton bal ixrac edərək, Çindən sonra ən iri bal ixracatçısı olmuşdur. Ümumilikdə isə 2016-cı ildə dünyada 2.0 milyard ABŞ dolları dəyərində bal idxal olunub. Həmin il dünya üzrə bal idxalının 21%-i (166 min ton) ABŞ-ın payına düşmüşdür.

Dünya üzrə balın orta idxal qiyməti 3000 ABŞ dolları ətrafındadır. Azərbaycana gəldikdə isə 2016-cı ildə Azərbaycanda 2,7 min ton bal istehsal olunub. Son illər Azərbaycanda bal ixracı ənənəsi yaranmışdır və 2016-cı ildə 6 ton bal ixrac olunub.

2016-cı ildə Azərbaycandan ixrac olunan 1 ton balın orta qiyməti 8 min ABŞ dolları olmuşdur, bu isə dünya üzrə orta idxal qiymətindən 2.5 dəfə yüksəkdir.

2017-ci ildə isə 6,5 ton bal ixrac olunmuş və ixrac edilən balın 1 tonunun orta qiyməti 8,4 min ABŞ dolları təşkil etmişdir. 2017-ci ildə Azərbaycandan təbii bal Yaponiya, Qətər və Birləşmiş Ərəb Əmirliklərinə ixrac edilib.

Araşdırmada vurğulanır ki, Azərbaycanda istehsal olunan balın xüsusiyyətləri onun “Niş” və ya “Premium” bazarlara ixracına imkan verir. Azərbaycan balı “Eko” (BİO) və ya “Orqanik” məhsul kimi dünya bazarında özünə yer tuta bilər. Bu bazarlara Avropa ölkələri, Körfəz ölkələri, Yaponiya və Çin aiddir. Avropanın “Niş” bazarlarında satılan balın payı ümumi Avropa bal bazarının 15-20 faizini əhatə edir. Həmçinin Çində istehlakçıların premium bal məhsullarına verdiyi dəyəri nəzərə alaraq bu ölkənin də bazarı da cəlb edici hesab edilə bilər.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *