55 min fayl və fotolar 183 diskdə
“Mossad” İranın nüvə arxivini ələ keçirdi, müharibə başlayır?
MÖVZU İLƏ ƏLAQƏLİ
-
“Haşdi Şabi”ni kim vurub?
Partlayış səsləri bu dəfə İraqdan gəldi
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
İsrail Livanla savaşa hazırlaşır?
Müdafiə naziri daha bir müharibənin anonsunu verib
-
İsrailə PUA hücumu
24 saat ərzində ikinci hadisə
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Şeytanın cənnətə girmək duası ...
Netanyahu hökumətində “Müsəlman Qardaşlar Hərəkatı”na yer yoxdur
-
Aİ İsrail polisi ilə əməkdaşlığı dondurur
Netanyahunun qurduğu koalisiya qoca qitəni narahat edir
-
Eyni ritorika ...
Ermənistana dəstək, İsraili lənətləmək və Azərbaycanı hədələmək
-
İsrail “Həmas”ı vurdu
Terrorçuların raket emalatxanası və tuneli bombalanıb
-
Libermandan “Netflix”ə təpki
“İsrail əsgərlərinə qarşı təxribat xarakterli və yalanlarla dolu ...”
-
İrana hücum məşq edilir
İsrail və ABŞ İranın nüvə obyektlərinə zərbə ssenarisinin üzərində işləyir
-
İsrail aviasiyası Suriyanı vurdu
Növbəti hücum zamanı 4 əsgər həlak olub
-
Müharibə olacaq?
İsrail İrana qarşı savaşda qərarlıdır
-
İrana qarşı müharibə hazırlığı
İsrailli general ABŞ-da güc strukturu rəsmiləri ilə görüşür
-
Tehran Bakıyla gərginlikdən nə qazandı?
İrana düşmən olanların Azərbaycana diqqəti artdı
Bu gün aprelin 30-da axşam İsrailin baş naziri Benyamin Netanyahu Təl-Əvivdəki “Kiriya” iqamətgahında xalqa dramatik müraciətlə çıxış edib. Virtualaz.org İsrail KİV-lərinə istinadla xəbər verir ki, baş nazir “Mossad”ın İranın nüvə arxivini bütünlüklə ələ keçirdiyini, bununla da Tehranın nüvə silahı proqramından imtina etməyib beynəlxalq ictimaiyyəti aldatdığını bildirib.
Netanyahunun xalqa mühüm müraciətlə çıxış edəcəyi əvvəlcədən anons edilib. Baş nazir çıxışını ingilis dilində başlayıb və bildirib ki, İsrail kəşfiyyatı İranın nüvə arxivini ələ keçirməyə müvəffəq olub. “Mən yaxın dəqiqələrdə İranın məxfi nüvə proqramları barədə dünyaya təkzibedilməz dəlillər təqdim edəcəyəm”, - Netanyahu bildirib.
Baş nazir elan edib ki, İsrailin sərəncamında İranın nüvə proqramına dair 100 mindən çox fayl-çertyojlar, fotolar, video və mətnlər var. “Söhbət elə sənədlərdən gedir ki, əvvəllər dünya ictimaiyyətinə təqdim edilməyib. Söhbət İsrail kəşfiyyatının tarixində ən böyük nailiyyətlərdən birindən gedir”, - hökumət başçısı deyib.
Netanyahunun sözlərinə görə, ələ keçirilən sənədlər İranın dünyanı öz nüvə proqramları barədə aldatdığını sübut edir. Və bu sənədlər ABŞ-a, digər Qərb ölkələrinə təqdim olunub.
“Nüvə razılaşmasının imzalanmasından sonra İran öz nüvə proqramını gizlətmək üçün böyük səy göstərib. Tehran öz nüvə arxivini məxfi yerə köçürüb. Bu arxivin harada olduğunu cəmi bir neçə nəfər bilirdi. Bir neçə həftə əvvəl İsrail bu arxivdən ton yarıma yaxın sənəd - 55 minə yaxın sənəd və foto, 183 diskdə saxlanılan 55 min fayl ələ keçirib”, - Netanyahu elan edib.
İsrail baş naziri deyib ki, bu sənədlərin açıqlanmasından sonra ABŞ prezidenti Donald Trampın İrana dair “düzgün qərar” qəbul edəcəyinə inanır. “Mən əminəm ki, o bir neçə gün sonra İsrail üçün, ABŞ üçün və bütün dünyanın təhlükəsizliyi üçün düzgün qərarı verəcək”, - o bildirib.
Netanyahu xalqa müraciətə başlamazdan əvvəl öz çıxışını Fransa prezidenti Emmanuel Makronla və Almaniya kansleri Angela Merkellə müzakirə edib. Məlumatlara görə Fransa prezidenti İranla nüvə sazişinə düzəlişlər edilməsində israrlıdır. Merkelin yaxın ətrafındakı mənbə isə “Channel 10” telekanalına “Netanyahunun təqdim etdiyi informasiyaların yeni olmadığını” deyib.
Netanyahunun xalqa müraciətinin ardınca “Channel 10” telekanalı adından Vatsap-da İranın yaxın 24 saatda İsrailə qarşı müharibəyə başlayacağı haqda xəbərin skrinşotu yayılıb. Orada bildirilirdi ki, İsrail hökumətinin təhlükəsizlik kabineti təcili olaraq “Kiriya” iqamətgahında toplaşıb və müharibəyə hazırlığı müzakirə edib. Lakin bir neçə dəqiqə sonra telekanal bu məlumata aidiyyəti olmadığını açıqlayıb.