vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
REGİON  
12:50 | 10 may 2018 | Cümə axşamı Məqaləyə 1722 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Netanyahunun Moskva səfərinin detalları

Rusiya İran-İsrail gərginliyində tərəf tutmur

Şahin CƏFƏRLİ

MÖVZU İLƏ ƏLAQƏLİ

Suriyada İran və İsrail arasında əməlli-başlı müharibə gedir. Tramp nüvə sazişindən çıxmaq qərarını açıqladıqdan dərhal sonra İsrail aviasiyası Şam ətrafındakı Əl Kisva qəsəbəsində İran qüvvələrini bombalamışdı. Əməliyyat nəticəsində bəzi məlumatlara görə 9, digər məlumatlara görə isə 15 İran hərbçisi və şiə könüllüsü ölüb.

Bu hücuma cavab olaraq bu gecə İran qüvvələri İsrail ordusunun Qolan təpələrindəki mövqelərinə 20 raket atıb. İtkilər barədə məlumat yoxdur, İsrail iddia edir ki, “Dəmir günbəz” sistemi bu raketlərin əksəriyyətini tuta bilib.

İranın hücumuna cavab olaraq əvvəlcə İsrail tankları Suriyadakı yaxın hədəflərə cavab atəşi açıb. Sonra aviasiya İran İslam İnqilabı Keşikçiləri Korpusunun “Qüds” qüvvələrinin Suriyanın cənub-qərbindəki Əl Kuneytra bölgəsində və Şamın şimalındakı çoxlu sayda hərbi obyektinə raket zərbələri endirib. Əməliyyat zamanı “Qüds”ün mənzil-qərargahı, kəşfiyyat bölmələri, hərbi-logistika kompleksləri, hərbi düşərgəsi, silah anbarları, hərbi postları, müşahidə məntəqələri vurulub. İtkilər barədə hələlik məlumat yoxdur. Suriya tərəfi raketlərin bir qismini vurduğunu bildirsə də, bəzi raketlərin Suriya hava hücumundan müdafiə sisteminə aid RLS-i sıradan çıxardığını etiraf edib.

Bu zərbələrin intensivliyi yəqin ki, artacaq. Çünki İsrail İranın onun sərhədlərində güclənməsinə, hərbi bazalar qurmasına, Livana qurudan çıxış və Aralıq dənizinə birbaşa çıxış əldə etməsinə yol verə bilməz, bu, İsrail üçün var olmaq məsələsidir. Səudiyyə Ərəbistanı ilə İsrailin bu məsələdə maraqları tam üst-üstə düşür. Çünki İran yuxarıdan İraq-Suriya-Livan, aşağıdan Yəmən-Qırmızı dəniz xətti ilə uzanan iki “şiə ayparası” yaradıb ki, bu da Səudiyyə Ərəbistanı üçün ekzistensial təhlükədir.

Suriyadakı İran qüvvələrini qoruya biləcək yeganə güc Rusiyadır, lakin Moskva İran-İsrail münaqişəsinə qarışmır. Dünən Moskvadakı Qələbə günü tədbirlərinə Netanyahunun da dəvət olunması Putinin İsrail dövləti ilə münasibətlərə verdiyi önəmin daha bir göstəricisidir. Ölçüsü kiçik, çəkisi isə böyük olan İsrail Rusiyaya qarşı ciddi təzyiq vasitələrinə malikdir. ABŞ-dakı (Qərbdəki) İsrail lobbisinin Rusiyaya qarşı sanksiyaları daha da ağırlaşdırmaq gücünə malik olması, İsrail dövlətinin və lobbilərinin Ukrayna ilə Gürcüstana siyasi, maddi, hərbi dəstəyi artırmaq imkanları, Rusiyada kapital sahibi olan oliqarxların arasında yəhudi mənşəlilərin xüsusi yer tutması, ümumən dünya maliyyə sistemində yəhudilərin oynadığı rol Rusiyanı çəkindirən amillərdir.

 


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)