vaxtlı-vaxtında oxuyun! Bazar, 9 dekabr 2018
1 ABŞ dolları 1 USD = 1.7000 AZN
1 Avro 1 EUR = 1.9335 AZN
1 Rusiya rublu 1 RUB = 0.0255 AZN
1 İngiltərə funt sterlinqi 1 GBP = 2.1717 AZN
1 Türkiyə lirəsi 1 TRY = 0.3185 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
BÖHRAN  
20:37 | 30 may 2018 | Çərşənbə Məqaləyə 1087 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Putini söyən Ermənistanda nazir müavini oldu

Rusiyada Paşinyanın axırına çıxmaq çağırışları

MÖVZU İLƏ ƏLAQƏLİ

Ermənistanda inqilab edib hakimiyyətə gələn Nikol Paşinyan Rusiya ilə müttəfiqlik münasibətlərində heç bir dəyişiklik olmayacağını dəfələrlə bildirsə və Putini buna əmin etməyə çalışsa da Moskvada ona münasibət heç də yaxşı deyil. Xüsusən Paşinyanın öz kabinetini ancaq qərbmeylli kadrlardan formalaşdırması Moskvanı qəzəbləndirib. Nəticədə rəsmi kanallarla olmasa da qeyri-rəsmi kanallarla və o cümlədən KİV-lər vasitəsilə Paşinyanın “axırına çıxmaq” çağırışları artmaqdadır.

Virtualaz.org xəbər verir ki, növbəti belə məqalə “Moskovskiy Komsomolets” qəzetində dərc olunub. Müəllifi isə ermənidir-Anait Ter-Qriqoryan.

Müəllif yazır ki, ola bilsin Ermənistandakı inqilab Ukrayna inqilabından fərqlənir. Ən azından Ukraynadan fərqli olaraq dinc keçib, heç kim ölməyib. Amma Gürcüstandakı “qızılgül inqilabı” da bu cür dinc keçmişdi və Şevardnadze hakimiyyətdən “könüllü” əl çəkmişdi. Doğrudur, küçənin təzyiqi ilə.

“Rusiyalı ekspertlər deyirlər ki, Paşinyan praqmatikdir və Rusiya ilə münasibətlərin Ermənistan üçün nə demək olduğunu başa düşür. Ancaq bu gün çox az adam xatırlayır ki, Mixail Saakaşvili də hakimiyyətə gələndən sonra ilk səfərini Moskvaya etmişdi və orada əvvəlcə böyük auditoriya qarşısında, sonra prezident Putinlə şəxsi görüşündə Rusiya-Gürcüstan dostluğunu qoruyub saxlayacağına and içdi. Amma axırı necə oldu, hamımız bilirik”-müəllif yazır.

Məqalədə deyilir ki, rusiyalı siyasətçilər Paşinyanın sözünə yox, əməlinə fikir verməlidir. Məsələn, onun komandasını kimlərdən formalaşdırmasına.

Müəllif Paşinyanın kabinetinin üzvlərindən əmək və sosial təminat naziri Mane Tandilyanı və təhsil naziri Araik Arutyunyanı misal gətirir. Onlardan birincisi Ermənistandakı Amerika universitetini bitirib, Amerika şirkətində işləyib. İkincisi isə Helsinki Vətəndaş Assambleyasında və “Transparency İnternational”da işləyib, hansı ki, onların hər ikisini Rusiyada “agent” kimi tanıyıblar.

Dövlət Nəzarəti Xidmətinin rəhbəri David Sanasaryan isə daha maraqlı personadır. Əvvəllər o, qərbyönümlü “İrs” partiyasının üzvü olub. Sanasaryan vaxtaşırı olaraq antirusiya aksiyalarında iştirak edib, Rusiya hərbi bazasının çıxarılmasına çağıranlardan biri olub.

Müdafiə naziri David Tonoyan da parlaq bioqrafiyaya malik biridir. 1998-ci ildən NATO-nun müttəfiq qüvvələr komandanlığında müxtəlif vəzifələr tutub. 2004-2007-ci illərdə Ermənistanın NATO-dakı nümayəndəsi olub. Ermənistandakı inqilab ərəfəsində Rusiya xüsusi xidmət orqanlarına bağlı bəzi rus saytları Tonoyanın NATO-da işləyərəkən “verbovka” olunduğunu yazıblar. Hətta kuratorunun adını da çəkiblər-ABŞ səfirliyinin hərbi attaşesi, mayor Erik Larsen.

Ən maraqlısı isə diaspor nazirinin müavini Babken Ter-Qriqoryandır. Parisdə anadan olmuş Ter-Qriqoryan orada yaşayıb və təhsil alıb. Ermənistanda Soros fondunun koordinatoru olub, “Transparency İnternational”da, HALO Trust-da işləyib. Ancaq Ter-Qriqoryan əlində Putinin ünvanına söyüş yazılmış plakat tutarkən çəkilmiş fotosu ilə daha da məşhurlaşıb.

“Bir sözlə, əla komandadır, xüsusən Rusiya ilə tərəfdaşlıq münasibətlərini inkişaf etdirmək üçün”-müəllif ironiya ilə yazır.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *