vaxtlı-vaxtında oxuyun! Cümə axşamı, 16 avqust 2018
ABŞ dolları 1 USD = 1.7000 AZN
Avro 1 EUR = 1.9254 AZN
Rusiya rublu 1 RUB = 0.0255 AZN
İngilis funt sterlinqi 1 GBP = 2.1593 AZN
Türk lirəsi 1 TRY = 0.2621 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
DÜNYA  
09:39 | 12 iyun 2018 | Çərşənbə axşamı Məqaləyə 318 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tramp-Kim Çen In görüşü baş tutdu

Hər iki prezident razı qalıb

MÖVZU İLƏ ƏLAQƏLİ

İyunun 12-də Sinqapurda ABŞ Prezidenti Donald Tramp ilə Şimali Koreya (KXDR) lideri Kim Çen In arasında tarixi zirvə görüşü keçirilib.

Modern.az saytı xarici KİV-lərə istinadən xəbər verir ki, liderlər arasında danışıqlar Sentosa adasındakı “Kapella” hotelində aparılıb.

Bakı vaxtı ilə saat 5:00-da başlayan görüşdən əvvəl hər iki lider ABŞ və Şimali Koreya bayraqlarının qarşısında bir-birlərinin əlini sıxıblar. Daha sonra bərabər olaraq təkbətək görüşün keçiriləcəyi otağa keçiblər.

Ümumilikdə təkbətək və geniştərkibli formatda keçirilmiş görüş bir saat yarım davam edib. Danışıqlar zamanı geniştərkibli formatda ABŞ-ı dövlət katibi Maykl Pompeo, Ağ ev əməkdaşları aparatının rəhbəri Con Kelli, prezidentin mətbuat katibi Sara Sanders, prezident administrasiyasının milli təhlükəsizlik üzrə köməkçisi Con Bolton, Vaşinqtonun Filippindəki səfiri Son Kim və Asiya üzrə Milli Təhlükəsizlik Şurasının böyük direktoru Mett Pottincer iştirak edib.

Şimali Koreyanı isə Koreya Əmək Partiyasının Mərkəzi Komitəsinin sədr müavinləri Kim Yon Çxol və Li Su Yon, xarici işlər naziri Li Yon Xo, xalq silahlı qüvvələri naziri No Qvan Çxol, XİN rəhbərinin müavini Soy Son Xi, Kim Çen Inın kiçik bacısı Kim Yo Çjon və Əmək Partiyası Mərkəzi Komitəsinin departament direktoru Xan Kvan San təmsil edib.

Görüşdən sonra hər iki lider mətbuat nümayəndələrinə qısa açıqlamalar verib.

Donald Tramp çox əhəmiyyətli bir görüş keçirdiklərini söyləyib. Tramp qısa açıqlamasında böyük problemlərin həllinə nail olacaqlarını deyib. ABŞ prezidenti bildirib ki, görüş heç kimin gözləmədiyindən də yaxşı keçib. O, Vaşinqtona qayıtdıqdan sonra Şimali Koreya ilə bağlı sənəd imzalayacağını vurğulayıb. Amma söhbətin hansı sənəssən getdiyini açıqlamayıb.

Kim Çen In isə görüşə gəlmək üçün bəzi maneələri aşdığını vurğulayıb. Ümumiyyətlər tərəflərin iki ölkə arasında yeni əlaqələrin formalaşması, Koreya yarımadasında davamlı və daimi sülhün yaradılması, yarımadada nüvəsizləşdirmə prosesinin gerçəkləşməsi məsələlərini müzakirə etdiyi bildirilir.

Görüşdə müzakirə olunan məsələlər və əldə olunan nəticələr barədə hələlik detallı məlumat verilmir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *