vaxtlı-vaxtında oxuyun! Bazar ertəsi, 16 iyul 2018
ABŞ dolları 1 USD = 1.7000 AZN
Avro 1 EUR = 1.9817 AZN
Rusiya rublu 1 RUB = 0.0273 AZN
İngilis funt sterlinqi 1 GBP = 2.2390 AZN
Türk lirəsi 1 TRY = 0.3502 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
BÖHRAN  
09:43 | 17 iyun 2018 | Bazar Məqaləyə 503 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Həbslər davam edəcək

General Manvel, Lavrova Eçmiədzində qonaqlıq verən “Don Pipo” və bir neçə Rusiya vətəndaşı...

F.MƏMMƏDOV

MÖVZU İLƏ ƏLAQƏLİ

Ermənistanda keçmiş hakim partiyadan deputat, “Yerkrapa” yarımhərbi təşkilatının rəhbəri, oliqarx və general-leytenant Manvel Qriqoryanın, eyni zamanda “Don Pipo” ləqəbli məşhur kriminal avtoritet Artur Asatryanın həbsi baş nazir Nikol Paşinyanın Serj Sərkisyanın qurduğu kriminal-oliqarx rejiminə qarşı hücuma keçdiyini göstərir.

Xəbər verildiyi kimi, Azərbaycan ərazilərinin işğalına başçılıq edənlərdən biri, mülki azərbaycanlılara və hərbi əsirlərə qarşı xüsusi qəddarlığı ilə ad çıxarmış hərbi cani general Manvel Qriqoryan Eçmiədzində “Yerkrapa”nın qərargahında həbs edilib. O, böyük sayda qanunsuz silah-sursat əldə edib saxlamaqda ittiham olunur. General Manvel Eçmiədzin vilayətinin qeyri-rəsmi sahibi hesab olunurdu.

Eyni gündə Ermənistan Milli Təhlükəsizlik Xidmətinin xüsusi təyinatlıları Eçimədzində Rusiyadakı erməni mafiyasının xaç atası sayılan “Don Pipo”nu və onun 4 cangüdənini həbs edib. Kriminal avtoritetin cangüdənləri Rusiya vətəndaşlarıdır.

Milli Təhlükəsizlik Xidmətinin Eçmiədzində xüsusi əməliyyatı bu şəhərdə mer Karen Qriqoryanın istefası tələbi ilə keçirilən aksiyaların fonunda həyata keçirilib. Karen Qriqoryan general Manvelin oğludur. Etiraz aksiyalarını isə məhz “Don Pipo”nun təşkil etdiyi bildirilir. Etirazçılar əllərində Paşinyanın portretlərini və Ermənistandakı məxməri inqilabın simvollarını tutmuşdular və Eçimədzinin hökmdarı, feodal Manvelin oğlunun istefasını tələb edirdilər. Etirazçıların arasında “Don Pipo” özü də görünmüşdü, o bildirmişdi ki, şəhərdə ədalətin bərpa edilməsini istəyir.

Lakin “Don Pipo”nun özünü Paşinyanın tərəfində göstərib general Manvelə qarşı çıxması baş nazirin xoşuna gəlməyib və onun həbsinə qərar verilib. Bu həmin “Don Pipo”dur ki, Moskvada ən iri parakəndə ticarət şəbəkələrindən birinin sahibidir, vaxtının çoxunu İtaliyada keçirir, deyilənlərə görə italyan mafiyasının da üzvüdür. Amma ara-sıra Eçmiədzində də olur, onun Ermənistanda da böyük biznesinin olduğu məlumdur. Ötən il Rusiyanın xarici işlər naziri Sergey Lavrov Ermənistanda səfərdə olanda yerli mətbuat onun Eçmiədzində “Don Pipo”nun malikanəsində qonaq olduğunu yazmışdı. Bu ziyafətdə “Don Pipo” özü olmasa da qardaşı Lala Asatryan, bir sıra oliqarxlar Lavrovun qulluğunda durmuşdu.

Ümumiyyətlə, Serj Sərkisyanın hakimiyyəti dövründə erməni kriminal avtoritetlər hakimiyyət sisteminə çox sıx inteqrasiya edib . Onların bəziləri Ermənistan diplomatik pasportu gəzdirirdilər və diplomatik nömrə nişanlı maşınlara minirdilər. Serj Sərkisyanın qardaşı da daxil olmaqla oliqarxlar kriminal avtoritetlərlə ortaq biznes qurmuşdular.

General Manvelin başçılıq etdiyi “Yerkrapa” yarımhərbi könüllülər təşkilatı isə Ermənistanda hakimiyyəti ələ keçirmiş Qarabağ klanının əsas dayaqlarından hesab edilirdi. Belə görünür ki, Paşinyan “Yerkrapa”nın da hakimiyyət üzərində söz sahibi olması ənənəsinə son qoymaq istəyir. Bu baxımdan Ermənistanda səs-küylü həbslərin hələ davam edəcəyi şübhəsizdir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *