Paşinyan hədəfindəki növbəti
Ermənistanın yeni baş naziri Qarabağ klanından qisas alır?!
MÖVZU İLƏ ƏLAQƏLİ
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Pis deyil, Pive ilə gedər...
... Yaxud “Nansy” arasında bağlılıq
-
“Ermənistan mövcud olmayacaq”
“Qoruyucu mələklər”i bədxah qonşularımızdan üz çevirməyə başlayır
-
Avropa Ermənistanı tək buraxır
Sülhməramlılar isə Moskvadan göstəriş gözləyir
-
Köpək siyasəti...
Rusiya ilə separatçılar sinxron hərəkət edir
-
Allahsızlığın iki növü...
Cəllad Miloşeviç cəzasını verənlər Xameneyiyə göz yumur ...
-
İranın Ermənistan planı
Tehran Avrasiya İqtisadi İttifaqına bazarlarına çıxış əldə etmək istəyir
-
“Film”in sonu...
Fransa bizim üçün tam şəkildə itirildi
-
Seçim də Paşinyanındır, məsuliyyət də
Qərb isə ilin sonuna qədər sülh müqaviləsi istəyir
-
Ölünün qıdığı gəlməz ...
İrəvan Minsk Qrupunu diriltməyə çalışır, Moskva separat oyuncağı ...
-
Makronun “erməni məhəbbəti” ...
... iki qitənin həyati əhəmiyyətli layihəsinin təkərinə çomaq soxur
-
Parisin Qafqazdakı son durağı
Fransanın kasıb və balaca Ermənistan başqa söykənəcəyi başqa bir ölkə yoxdur
-
İrəvanın qara günləri qarşıda
Zəngəzur dəhlizi məsələsində Azərbaycan-Rusiya razılaşması
-
... İrəvandan İrana təşəkkür
Anti-Azərbaycan mövqeyinə görə ...
-
İrəvan danışıqları sabotaj edir
Paşinyanın tələbi Kremlin maraqlarına xidmət edir
-
KTMT-də növbəti fiasko
İrəvan növbəti il əl-qolu bağlı qalacaq
Mayın 8-də Ermənistanın baş naziri seçilən Nikol Paşinyan real iqtidar olduğu 3 ayda uzun illər ölkədə ağalıq edən Qarabağ klanına ardıcıl sarsıdıcı zərbələr endirməkdədir.
İyunun 19-da general Manvel Qriqoryanın həbsi ilə başlayan kampaniya hazırda ikinci prezident Robert Köçəryanın saxlanılması ilə davam edib.
Ermənistan hakimiyyəti Kollektiv Təhlükəsizlik Müqaviləsi Təşkilatının baş katibi Yuri Xaçaturovu da həbs etmək istəyirdi, lakin Kremlin təkidli bəyanatlarından sonra geri çəkilməli oldu.
Şübhəsiz ki, sonuncu həbslər çox böyük qalmaqala səbəb oldu. Belə ki, istər Köçəryanın, istərsə də Xaçaturovun Kremllə sıx əlaqələri var. Xaçaturovun Rusiyanın NATO-ya qarşı yaratdığı Kollektiv Təhlükəsizlik Müqaviləsi Təşkilatında sədr səlahiyyətlərini icra etməsi hadisəyə dövlətlərarası qalmaqal statusu verdi.
Hər iki vəzifəli şəxs, həmçinin hazırda beynəlxalq axtarışa verilən keçmiş müdafiə naziri Mikael Arutunyan 2008-ci ilin martında prezident seçkilərindən dərhal sonra müxalifətin seçkilərin nəticələrinə qarşı təşkil etdiyi etiraz aksiyasına güc tətbiq etməkdə ittiham olunur.
Ermənistan Xüsusi İstintaq Xidmətinin rəhbəri Sasun Xaçaturyan Robert Köçəryanın 2008-ci il fevralın 28-də fövqəladə hal elan etdiyi zaman 0038 saylı məxfi əmrə qol çəkdiyini bildirib. Tam mətni ictimaiyyətə açıqlanmayan həmin göstərişdə yüksək psixoloji durumu ilə seçilən zabitlərə tabel tapançalarının paylanması və eks-prezident Levon Ter-Petrosyanın tərəfdarlarına qarşı güc tətbiq edilməsi barədə göstəriş var idi. Məhz məxfi göstəriş əsasında martın 1-dən 2-nə keçən gecə Yerevanın mərkəzində müxalifətin qurduğu çadırlar dağıdılmış, 8 mitinq iştirakçısı və 2 Daxili Qoşunun hərbi qulluqçusu ölmüşdü.
Burada haşiyəyə çıxaraq onu da vurğulamaq lazımdır ki, Ermənistan iqtidarındakı hazırki personajlar məhz 2008-ci il seçkilərində məğlub olan və repressiyalara məruz qalan eyni şəxslər idi. Onlar arasında hazırki baş nazir Nikol Paşinyanın da adını çəkmək lazımdır. Həmin hadisələrdən sonra 2,5 il həbs yatan Paşinyan bir növ opponentlərindən indi qisas alır.
2008-ci ilin 1 mart hadisələri faktiki olaraq hakimiyyətin Robert Köçəryandan Serj Sərkisyana ötürülməsi əməliyyatı idi. Və aydın məsələdir ki, Sərkisyan da 0038 saylı məxfi əmrdən xəbərdar idi. Bu isə onu da qarşıdakı cinayət işlərində əsas hədəflərdən birinə çevirə bilər.
Təsadüfi deyil ki, Serj Sərkisyan müalicə almaq adı ilə ölkəsini tərk edərək İtaliyaya gedib. Müalicə səbəbinin bir bəhanə olduğunu nəzərə aldıqda və son 1 ayda keçmiş prezidentin qardaşı oğlunun həbsini, digərinin axtarışa verilməsi faktını diqqətdə saxladıqda onun həbs qorxusundan Avropaya qaçdığını söyləmək olar.
Qarabağ klanının digər üzvü, keçmiş müdafiə naziri Seyran Ohanyanın da bu gedişlə həbs olunacağı gözlənilir. Çünki o, 2008-ci ildə Ermənistan ordusunun Baş qərargah rəisi idi.
Bütün bu hadisələr fonunda Moskvanın mövqeyinin necə olacağı maraq doğurur. Çünki baş verən inqilaba rəğmən, ölkənin bütün siyasi və iqtisadi gücü məhz Moskvanın əlində cəmləşib.
Vüqar İSMAYILOV