vaxtlı-vaxtında oxuyun! Çərşənbə, 24 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
MÜƏLLİF  
15:00 | 20 fevral 2014 | Cümə axşamı Məqaləyə 2967 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Hacıyevə məktub»

«Deyim, siz də bilin»

Rövşən ƏHLİMANOĞLU

MÖVZU İLƏ ƏLAQƏLİ

Salam, Böyükağa müəllim, necəsiniz? Yəqin ki, yanvarda komandanın baş məşqçisi olduğunuz üçün yaxşısınız. Amma inanıram ki, 4 tura 5 xal qazanmaq sizin kefinizi korlayıb. Təbii ki, «Neftçi» kimi bir komandanın bu nəticəsi nəinki sizin, heç rəhbərliyin də ürəyincə deyil.

Dünən «Neftçi»nin «İnter»lə qarşılaşmasını izlədim. Mahir Şükürovu, Karlos Kardosonu meydanda görmədim. Güman ki, bu futbolçular hansısa qeyri-etik hərəkətlərinə görə rəhbərlik tərəfindən də cəzalandırılıb. Axı, «Neftçi» rəhbərliyi intizama diqqət edən, hər kəsə hörmət edib, hörmət görən şəxslərdən təşkil olunub.

Oyundan sonra keçirilən mətbuat konfransında dediklərinizi də oxudum. Demisiniz ki, «İnter»in axırıncı dəfə «Neftçi»ni nə vaxt udmağı yadıma gəlmir». İşinizin gərginliyini, işdən-gücdən, məşqdən baş aça bilməyib, düşünməyə vaxtınızın olmadığını hiss etdim. Bu səbəbdən arxivə nəzər yetirdim. Öz-özümə «İnter»in axırıncı dəfə nə vaxt «Neftçi»ni udmağını düşündüm. FİFA-dan vurdum, AFFA-dan çıxdım. Amma bu qələbəni tapa bilmədim ki, bilmədim.

50-ci illərin oyunlarını araşdırdım, yenə də «Neftçi»nin «İnter»ə məğlub olduğunu görmədim. Hətta repressiya dövrünə də qayıtdım, sonra anladım ki, uzaqda axtarınca, yaxına nəzər salmaq lazımdı. 2011/12 mövsümündən başladım və dünəndə dayandım. Gördüm ki, yox, sən demə, Böyükağa müəllim doğrudan da arxivi qurdalamağa vaxt tapmır. Ona görə mən axtardım, deyim, siz də bilin.

Böyükağa müəllim, «Neftçi» bu günə qədər 37 dəfə «İnter»lə qarşılaşıb. 99-cu ildən bu yana baş tutan görüşlərin 9-da «İnter» «Xəzər Universiteti» adı ilə çıxış edirdi. Bu 37 görüşün 19-də sizin baş məşqçisi olduğunuz komanda meydanı qələbə ilə tərk edib. 11 oyunda isə hər iki komanda bir xalla kifayətlənməli olub. Qalan 7 görüşdə «İnter» tərəfi qələbə qazanıb. Amma Böyükağa müəllim, mən dünənki oyunu hesaba qatmadım. Daha dəqiq məlumat verim. «İnter» sonuncu dəfə cari çempionatın 14-cü turunda «Neftçi»ni məğlub edib - 3:1. Yəqin ki, bu məğlubiyyəti unutmamısınız. Bəlkə yadınıza düşməz, çünki o vaxt Nazim Süleymanov baş məşqçi idi, siz də müşavir.

Amma «İnter»in sizin başçılıq etdiyiniz komandanı udmasını nəzərdə tutursunuzsa, onda vəziyyət dəyişir. Çünki sizin başçılığınızla «Neftçi» axırıncı dəfə 2011/12 mövsümündə «İnter»ə məğlub olub ki, bu da ikinci dövrəyə təsadüf edirdi (17.12.2011, 2:1)..

Düşünürəm ki, məktubumu oxuduqdan sonra «İnter»in «Neftçi»yə nə vaxt qalib gəldiyini xatırlayarsınız. Əgər siz mətbuatı izləmirsinizsə, ümid edirəm ki, Gündüz Abbaszadə yazdıqlarımı sizə çatdırar. Ancaq siz də yadınıza salın: görün «Neftçi» axırıncı dəfə kimin başçılığı altında və nə vaxt zirvədə olub?


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)