vaxtlı-vaxtında oxuyun! Çərşənbə, 14 noyabr 2018
1 ABŞ dolları 1 USD = 1.7000 AZN
1 Avro 1 EUR = 1.9245 AZN
1 Rusiya rublu 1 RUB = 0.0252 AZN
1 İngilis funt sterlinqi 1 GBP = 2.1972 AZN
1 Türk lirəsi 1 TRY = 0.3109 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
REGİON  
21:35 | 6 sentyabr 2018 | Cümə axşamı Məqaləyə 300 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Erməni tapmacası

Putin Paşinyanın qarşısına hansı tələbi qoyacaq

MÖVZU İLƏ ƏLAQƏLİ

Ermənistanda məmurlar və həm yerli, həm də ermənilərin təsiri altında olan Rusiya KİV-ləri üçün hazırlanmış təlimatlar fəal şəkildə yayılmaqdadır. Səbəb isə Rusiya ilə Ermənistan arasında münasibətlərin kəskinləşməsidir.

Məlum olduğu kimi, sentyabrın 8-də Kremldə Rusiya prezidenti ilə Ermənistan baş nazirinin görüşü keçirilməlidir.

Ekspertlərin fikrincə, görüşdə Paşinyanı kifayət qədər sərt gündəlik gözləyir – Robert Köçəryan barəsində cinayət işi, KTMT-nin baş katibi Yuri Xaçaturovun həbsi ilə əlaqədar təşkilatın gözdən salınması cəhdi. Onların hər ikisi hazırda azadlıqdadır və Putinin zəngindən sonra Köçəryana ölkəni tərk etməyə icazə verilib. Lakin cinayət işləri bağlanmayıb.

Ermənistanlı şərhçi Arman Vaneskegyan hesab edir ki, siyasi izləmələr bundan sonra da davam edəcək. “Nikol Paşinyan əvvəlcədən yalnız müvəqqəti hökumətə başçılıq edəcəyini vəd etsə də, inzibati resurslardan öz xeyrinə istifadə etməkdən vaz keçə bilmədi”, - ekspert bildirib.

Nəzərə alsaq ki, Putinin ad günü təbrikindən sonra Robert Köçəryana ölkədən çıxmağa şərait yaradılıb, ona qarşı hər hansı təhlükənin olacağını gözləmək çətindir. Deyilənə görə, o, Ermənistanı “müvəqqəti” tərk edib.

Ermənistan Politoloqlar Assosiasiyasının prezidenti, siyasi elmlər doktoru Amayak Ovanisyanın sözlərinə görə, Putin nümayiş etdirir ki, Rusiya sınaqdan keçmiş dostlarını hər cür dəstəkləmək niyyətindədir.

Avqustun sonunda Ermənistanın Nazirlər Kabineti təlimat dərc edib ki, həmin təlimata görə, dövlət məmurları KİV-lərə müsahibə verərkən hökumətin rəsmi xəttinə uyğun mülahizələr yürütməlidirlər.

Təlimatda Rusiyada yaşayan erməni politoloqlara tövsiyə olunur ki, müsahibələrində KTMT baş katibinin həbsinin və mümkün dəyişikliyinin Ermənistanla Rusiya arasında münasibətlərə xələl gətirməyəcəyi yönündə şərh etsinlər.

Bunun Ermənistan-Rusiya münasibətlərinin yaxşılaşmasına bir təsiri olacaqmı? Çətin ki. Bu barədə “Sputnik”ə müsahibəsində Robert Köçəryan da deyib. “Düşünürəm ki, hakimiyyət hər fürsətdə münasibətlərin yüksək səviyyədə olmasından danışırsa, problemlər mövcuddur. Normal halda hər dəfə bunu yada salmağa nə ehtiyac var? Mənə belə gəlir ki. Ermənistan hökuməti regiondakı vəziyyəti lazımınca qiymətləndirə bilmir”, - keçmiş prezident deyib.

O qeyd edir ki, Ermənistanda hakimiyyətə gəlmiş insanlar uzun illər ərzində Rusiyanın, Ermənistanın Avrasiya Şurasında üzvlüyünün, Rusiya bazasının ölkə ərazisində mövcudluğunun əleyhinə çıxışlar ediblər. Bütün bunları bir gün içində necə dəyişmək olar – bunu təsəvvür etmək çətindir. “Az qala bütün komanda əvvəllər tamamilə fərqli geosiyasi yanaşmanı dəstəkləyən insanlardan ibarətdir. Onların, demək olar ki, hamısı bu və ya digər mənada qərb strukturları, qrantlarla bağlı olublar”, - Köçəryan vurğulayıb.

Nair ƏLİYEV


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *