vaxtlı-vaxtında oxuyun! Bazar, 25 avqust 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
TOP OYUNLARI  
16:40 | 27 yanvar 2019 | Bazar Məqaləyə 456 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Əhmədovun alverçi təfəkkürü …

… və Axundovun ifşası

CAVAD

MÖVZU İLƏ ƏLAQƏLİ

Yox, söhbət oyun alqı-satqısından getmir. Tərlan Əhmədov oyunçu vaxtı nə qələt qarışdırıb, AZAL-da, “Neftçi”də baş məşqçi işləyəndə nə hoqqalardan çıxıb, babalı öz boynuna. Sübut edə bilməyəcəyimiz şeyi iddia da etmirik.

Əhmədovun alverçi təfəkküründən danışarkən onun son açıqlamasındakı məntiqsizliyi nəzərdə tuturam. “Keşlə”nin baş məşqçisi futbolçuları təyyarəylə başsız yola salıb, özü “daha sərfəli” avtobusla yola çıxırsa, bu kluba canıyananlıq yox, xislətin diktə etdiyi düşüncə qüsurudur. Bundan sonra onun futbolçuların yanında hörməti ola bilməz. Özünü nə qədər aşağıdan aparırsansa, o qədər də kiçik olacaqsan.

Tərlan Antalyada jurnalistlərə (sport24.az) verdiyi açıqlamada komandayla birgə deyil, avtobusla vətənə qayıtmasına izah verməyə çalışıb: “Heç bir səbəb yoxdur. Sadəcə, 4-5 nəfər məşqçi heyəti avtobusla gəlmişik. Onunla da Antalyadan bu gün qayıdacağıq. Klub 25 nəfərlik heyətlə bura gəlib. Yüklərimiz həddən artıq çox olduğuna görə avtobusla qaytarırıq. Təyyarədə baqaj həddən artıq bahadı. Orda ödənilməli olan 30 minə yaxın vəsaitdənsə, belə daha məqsədəuyğundu. Köməkçilərim avtobusla gedirlərsə, onları tək göndərə bilmərəm. Heç bir aerofobiyam yoxdu. Sadəcə, köməkçilərimdən ayrı təyyarəylə qayıtmağı qəbul edə bilməzdim. Ona görə rəhbərlikdən xahiş etdim ki, köməkçilərim, texniki heyət avtobusla gedirsə, onların yanında getməliyəm. Əzabı çəkirlərsə, bu, mən başda olmaqla çəkilməldir. Bunu tək edə bilməzdilər”.

Gözləriniz yaşarmasın, bu, insanlıq jesti deyil, idarəçilikdəki bacarıqsızlığın nümunəsidir. Baş məşqçi futbolçularının başında olmalı, avtobusla qayıdan inzibati heyətə də hansısa klub rəsmisi rəhbərlik etməliydi. İşin, peşəkarlığın qaydası budur. 30 min manata qənaət etmək lazımdı, lakin bunun üçün baş məşqçinin futbolçulardan ayrı düşməsi ayıbdır.

Əhmədovun bu qənaətcilliyi harada öyrənməsi də maraqlıdır. Komandaya heç bir fayda verməyən Andre Klennonun iki aylıq maaşı bu xərci bağlamağa imkan verir. Heç bir xeyri olmayan belə oyunçuları saxlamaqdansa, onları göndərib daha böyük işlər görmək olar. Elə Tərlanın istəyi ilə gələn yeni əcnəbilər də eyni gündədir.

Həm də bu, həmin Tərlandı ki, “Neftçi”də hərəsi 15-20 min dollar maaş alan 3 futbolçunu aldırıb ehtiyatda oturtmuşdu. O klubun pulu pul deyildimi? Hələ yanına salıb apardıqlarını, xərcini kluba ödətdirdiyi “qonaqlarını” demirik. O zaman qənaət zamanı deyildi, yoxsa “Neftçi”nin pulu havadan gəlirdi?

Tərlanın belə danışmasının səbəbi var. O, həm özünü canıyanan kimi göstərib, xal qazanmağa cəhd edir, həm də klubun rəhbəri Zaur Axundovu ifşa edir. Əhmədov çətin şəraitdə işlədiyini göstərməyə çalışır ki, sabah nəticələri düzəldə bilməyəndə də əlində bəhanəsi olsun. Bu, birbaşa baş məşqçisinin qayğısına qala bilməyən Axundova – Müşahidə Şurasının sədrinə arxadan zərbə, çəpəki sillədir. “Keşlə”ni həvəskar klub kimi nişan verir...

Bildiyimizə görə, “Keşlə” Antalyaya gedəndə də eyni marşrut, eyni sərnişinlər seçilib. Amma bugünədək xəbər mətbuata çıxmamışdı. Və Əhmədov özü açıqlama verməklə Axundovun yarıtmaz klub idarəçiliyini ifşa etdi. Sədrin nüfuzuna necə zərbə vurduğunun fərqində olmalıdır...

Əhmədov həmişə belə işləyib. Özünü sadə göstərməyə çalışıb, amma əslində, alverçi təfəkkürünü büruzə verib. Yalançı qəhrəman yenə iş başındadı və autsayder imicindən qurtula bilməyəcəyini anladığından diqqəti klubda üzləşdiyi problemlərə yönəldir. Sabahın sığortası üçün...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *