vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
AVROPA  
18:42 | 2 fevral 2019 | Şənbə Məqaləyə 1918 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Makedoniya NATO-ya daxil olur

Stoltenberq imzalanma tarixini açıqladı

MÖVZU İLƏ ƏLAQƏLİ

NATO ölkələri fevralın 6-da Makedoniya Respublikasının alyansa daxil olması barədə protokol imzalayacaqlar.

TASS xəbər verir ki, bunu fevralın 2-də NATO-nun baş katibi Yens Stoltenberq özünün “Twitter” səhifəsində elan edib: “Biz fevralın 6-da tarix yazacağıq: NATO müttəfiqləri Makedoniyanın xarici işlər naziri Nikola Dimitrovla gələcək Şimali Makedoniya Respublikasının alyansa daxil olması barədə protokol imzalayacaqlar”.

Şimali Atlantika Alyansının saytında dərc olunan məlumata əsasən, imzalama mərasimi yerli vaxtla saat 11:00-da NATO-nun Brüsseldə yerləşən mənzil-qərargahında baş tutacaq.

Xatırladaq ki, Afina və Skopye 2018-ci il iyunun 17-də iki ölkənin sərhədində yerləşən Prespa gölünün sahilində Makedoniyanın adının Şimali Makedoniya Respublikasına dəyişdirilməsi barədə saziş imzalayıblar. Prespa sazişi bu il yanvarın 11-də Makedoniya parlamenti, yanvarın 25-də isə Yunanıstan parlamenti tərəfindən təsdiqlənib.

Makedoniya Respublikasının adı ətrafında yaranan 27 illik mübahisə bu ölkənin Avropa İttifaqı və NATO ilə yaxınlaşmasına mane olurdu. Belə ki, vilayətlərinin birinin adı Makedoniya olan Yunanıstan Makedoniya Respublikasının adına qarşı çıxırdı. Bu səbəbdən Yuqoslaviya Sosialist Federativ Respublikası dağıldıqdan sonra Makedoniya BMT-yə keçmiş Yuqoslaviyanın Makedoniya Respublikası adı ilə qəbul edilmişdi. Yunanıstan xəritələrində isə onun adı ölkə paytaxtının adı ilə - Skopye kimi qeyd olunurdu.