vaxtlı-vaxtında oxuyun! Çərşənbə axşamı, 18 iyun 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
MUSİQİ  
17:15 | 15 fevral 2019 | Cümə Məqaləyə 398 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

VII Muğam televiziya müsabiqəsinin seçim turları başa çatıb

Mart ayında 20 gənc ifaçı qalibiyyət uğrunda istedadını nümayiş etdirəcək

Lalə AZƏRİ

MÖVZU İLƏ ƏLAQƏLİ

Heydər Əliyev Fondunun dəstəyi, Azərbaycan Mədəniyyət Fondunun layihəsi əsasında, Mədəniyyət Nazirliyinin iştirakı və Azərbaycan Televiziyasının təşkilatçılığı ilə keçirilən VII Muğam televiziya müsabiqəsinin bölgələr üzrə seçim turları barədə xəbər vermişdik.

Beynəlxalq Muğam Mərkəzində Bakı şəhəri üzrə ifaçıların əsas və sonuncu seçim turu gerçəkləşdi. Üç gün (8-10 fevral) davam edən dinləmə-seçimlər kimisini kədərləndirdi, kimisinə isə sevinc bəxş etdi.

Ümumilikdə, seçim turlarında 400-dən çox ifaçı iştirak edib. Bölgələr üzrə 30, Bakı şəhəri üzrə 40 nəfər həlledici seçimə qatılmışdı. Bu 70 gəncdən 20 nəfəri müsabiqədə yarışmaq üçün vəsiqə qazanıb.

Münsiflər heyətinin üzvləri – xalq artistləri Əlibaba Məmmədov, Arif Babayev, Mənsum İbrahimov,  Səkinə İsmayılova, Mələkxanım Əyyubova, Bəstəkarlar İttifaqının katibi, Əməkdar incəsənət xadimi Sərdar Fərəcov və müsabiqənin icraçı direktoru, Yazıçılar Birliyinin katibi İlqar Fəhmi iştirakçıları diqqətlə dinləyirdi. Bəzi iştirakçıların gözəl səsləri olsa da, ürəkaçan ifa təqdim edə bilmirdilər. Münsiflərin fikirləri, öz aralarında məsləhətləşmələri və nəhayət, seçimləri prosesin çətinliyindən, məsuliyyətindən xəbər verirdi.

Müsabiqənin icraçı direktoru İlqar Fəhmi: “Müsabiqəyə müraciət edənlərin sayı ildən-ilə artır. 400-dən çox gəncin bu seçimlərə qatılması o deməkdir ki, gənclər arasında sənətə böyük maraq var. Təbii ki, seçim turlarına səsi gözəl olan da, yaxşı hazırlaşan da, hazırlaşmayan da qatılmışdı. Lakin biz seçim turlarında ilk növbədə iştirakçıların səs imkanlarına, zəhmətkeşliyinə, öyrənmə qabiliyyətinə, qavrayışına önəm verdik. Finala qalan iyirmiliyi seçmək o qədər də asan olmadı”.

Müsabiqədə yeniliyin olub-olmayacağına dair sualımıza cavabında İ.Fəhmi dedi ki, bu tipli müsabiqələrdə mühüm dəyişikliklər olmur: “Muğam nə konservativ olaraq dəyişməyi, nə də o qədər çox improvizəni xoşlayır. Müsabiqənin bütün prosedurları illərdir cilalanıb, süzgəcdən keçib. Təbii ki, builki müsabiqədə kiçik dəyişikliklər nəzərdə tutulub”.

Münsiflər heyətinin üzvü, Xalq artisti Mənsum İbrahimov müsabiqəyə İrandan iki iştirakçının müraciət etdiyini bildirdi: “Bu ifaçılar finala vəsiqə qazanıb. Onların da maraqlı səs tembrləri var. Müsabiqə başlayanda, siz də maraqlı və yeni, gözəl səslərin şahidi olacaqsınız.  Finala vəsiqə qazanan 20 iştirakçının tamaşaçılar tərəfindən seviləcəyinə inanırıq. Muğam Azərbaycan xalqının ruhudur. Ümid edir ki, müsabiqə günlərində xalqımıza gözəl bir muğam bayramı ab-havası yaşada biləcəyik”.

Müsabiqənin yolunu həsrətlə gözləyən tamaşaçılar Novruz bayramı ərəfəsində yeni səsləri, gənc ifaçıları tanıma imkanı əldə edəcəklər. Bu dəfə də klassik şairlərimizin yaradıcılığından ən gözəl nümunələrlə müsabiqə iştirakçıları həftədə iki dəfə evlərimizin qonağı olacaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *