vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
REGİON  
14:42 | 25 fevral 2019 | Bazar ertəsi Məqaləyə 1428 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Gürcü arzusu” dağılır(mı?)

Parlament seçkilərində İvanişvilini ciddi sınaq gözləyir

Elxan ŞAHİNOĞLU

MÖVZU İLƏ ƏLAQƏLİ

Gürcüstanda hakim “Gürcü arzusu” partiyasını 3 deputat tərk edib. Bu partiyanın qurucusu, faktiki qanunverici və idarəetmə strukturuna kənardan nəzarət və rəhbərlik edən oliqarx Bidzina İvanişviliyə ciddi zərbədir. Çünki, “Gürcü arzusunu” tərk etmək istəyənlərin sayı arta bilər. Partiyanı tərk edənlərdən biri Eka Beseliyadır ki, o Bidzina İvanişvili ilə “Gürcü arzusunu” yaradanlardan biridir.

Hakim partiyanı nədən deputatlar tərk etsinlər ki? Partiyada Ali məhkəməyə hakimlərin təyinatı ilə bağlı fikir ixtilafı yaranıb. Ancaq bu aysberqin görünən tərəfidir. İvanişvilinin təkbaşına verdiyi qərarlar, o cümlədən Rusiya ilə yaxınlaşma çoxlarının ürəyincə deyil.

3 deputatın partiyanı tərk etməsi ilə “Gürcü arzusu” parlamentdə konstitusion çoxluqdan məhrum oldu. Konstitusiyanı dəyişmək üçün 113 deputata ehtiyac var. Son istefalardan sonra “Gürcü arzusu”nun parlamentdəki sayı 115-dən 112-ə endi. Doğrudur, Konstitusiyanı dəyişmək “Gürcü arzusu”nun planında yoxdur, çünki buna qədər dəyişiklikləri onsuz da ediblər, idarəetmə prezidentdən hökumətə keçib. Buna baxmayaraq, istefalar partiyanın başbilənlərini təcili toplanmağa vadar edib. İclasa Bidzina İvanişvili özü sədrlik edib. İvanişvili partiyasında yeni “satqınları” müəyyənləşdirməyə çalışır. Son məlumatlara görə ən azı iki deputat – Mamuka Mdinaradze və Gelavan Popxadze də partiya sıralarından istefaya hazırlaşır.

Beləliklə, Bidzina İvanişvili üçün ağır günlər başlayır. İvanişvili partiyası üzərindəki nəzarəti itirir. Gürcüstanda 2020-ci ildə parlament seçkiləri olacaq. Bu gedişlə İvanişvilini ciddi sınaq gözləyir. Ancaq İvanişvilinin ehtiyat planı da olmamış deyil. Bu mahir oliqarx prezident seçkisinin ikinci turunda qələbəni müxalifətin əlindən qoparıb Salome Zurabişvilini prezident kürsüsündə otuzdurdu. Halbuki, Salome Zubarişvili birinci turun nəticələrinə görə müxalifətin namizədi Gerorgi Vaşadzedən xeyli geri qalırdı. Ancaq ikinci tura yaxın İvanişvili Zurabişvilinin prezident seçilməsi üçün əlində gələni etdi və istədiyi nəticəyə hasil oldu.

Buna baxmayaraq, partiyasındakı istefalar, eks-prezident Mixail Saakaşvilinin Hollandiyadan fəallığını azaltmaması və elə yerli müxalifətin gücünü artırması 2020-ci il parlament seçkilərinin İvanişvilinin istədiyi nəticənin əldə etməməsinə də səbəb ola bilər.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)