«Azərbaycan daha ittifaqda olmayacaq»
İqbal Ağazadə: «Ukrayna faktiki olaraq tərəddüd edən, Rusiya qarşısında geri çəkilməyə meylli olan dövlətləri xilas etdi...»
E.SEYİDAĞA
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
Rusiyaya PUA hücumu
“Shaded-136”lar istehsal olunan zavodda partlayış baş verib
-
150 minlik ordu
Rusiyada növbəti səfərbərlik üçün yaş həddi artırıldı
-
“Qətliam olacaq”
“85 il əvvəl 200 min rus əsgərini öldürmüşdük”
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
Bu barədə Ümid Partiyasının sədri, deputat İqbal Ağazadə Ukraynada Rusiyanın istədiyinə nail ola bilməməsinin Avrasiya İttifaqının taleyinə necə təsir göstərəcəyi barədə «Yeni Müsavat»a cavabında bildirib. Onun sözlərinə görə, Ukraynanın yolu birdəfəlik bəlli olub orada sabitlik və əminamanlıq əldə olunandan sonra Rusiya Avrasiya İttifaqına alternativ nə qoyacaq, hansı təkliflərlə çıxış edəcək, bu təkliflərin içərisində postsovet respublikalarından nə tələb ediləcəyindən ictimai-siyasi hadisələrin dinamikası bəlli olacaq: «O dinamikada biz konkret biləcəyik ki, kataklizmlər növbəsi Cənubi Qafqaza, Orta Asiyaya, Belarusa, yoxsa Rusiyanın öz içərisinə keçir.
Hələlik bunu dəqiq demək mümkündür ki, Cənubi Qafqaz regionu Ukraynada baş verən hadisələrin fonunda qismən sakitlik əldə edib. Rusiyanın bura aşırı müdaxilələri Ukrayna hadisələri fonunda ləngimiş kimi görünür. Bundan sonrakı mərhələdə Ukraynada baş verən hadisələr və hadisələrin nəticələri Azərbaycanda, Gürcüstanda və Ermənistanda baş verəcək hadisələrin layihələndirilməsinə kömək edəcək. Ukrayna ətrafında planlar bitmədən digər postsovet ölkələrində prosesin baş verəcəyini ağlabatan hesab etmirəm. Ukrayna hadisələrinə tam aydınlıq gəldikdən sonra artıq sırada kimin olması və ya hansı ölkədə hadisələrin dinamikasının artacağı barədə proqnoz vermək mümkündür».
İ.Ağazadənin fikrincə, Rusiya çalışa bilər ki, Avrasiya İttifaqını Ukraynasız da gerçəkləşdirə bilsin. Amma artıq Avrasiya İttifaqında Azərbaycan da olmayacaq. Ukrayna faktiki olaraq Avrasiya İttifaqına tərəddüd edən və ya Rusiyanın siyasəti qarşısında geri çəkilməyə meylli olan, qismən qorxan dövlətləri xilas etdi: «Azərbaycan da Ukraynadan sonra Avrasiya İttifaqından birmənalı imtina edəcək. Amma Ukraynasız, Moldovasız, Azərbaycansız, Gürcüstansız Avrasiya İttifaqı olacaqmı, ya olmayacaqmı sualının cavabı Rusiyanın gələcək strategiyasından asılıdır. Rusiya buna da qərar verə bilər. Qərar versə, bu dörd respublikaya Rusiyanın təzyiqləri artacaq. Rusiya Avrasiya İttifaqını bu 4 respublikasız mümkünsüz hesab edəcəksə, ortaya yeni layihə qoyacaq. Həmin layihədə də Kreml çalışacaq ki, postsovet ölkələri üzərində hüquqlarını tam şəkildə təmin etsin. Buraya etnik-milli konfliktlərin qabardılmasından tutmuş, yeni konfliktlərin yaradılmasına cəhdlərə qədər hər şey daxil ola bilər».